குறைந்த ஒளி

"உலகத்தில் நடக்கும் எல்லாம் வேடிக்கை தான்... உனக்கு அது நேரும் வரை"

2011-03-25T06:41:00.001-07:00

கலைஞர் டிவி க்கு தமிழக அரசு பணம் கொடுக்கப்படும் விகிதம் - 10 விநாடிக்கு ரூ.9700/-
சன் டிவி க்கு – ரூ.23,474-

kalaigna_mk_cartoon_deviyar_illam.jpg" src="https://mail.google.com/mail/?ui=2&ik=71c6eef3ba&view=att&th=12edc4e7fc8ce300&attid=0.1&disp=emb&realattid=1413a00ed31bbf74_0.1.1&zw">

தமிழக அரசு சம்பந்தப்பட்ட பல விளம்பரங்கள் கலைஞர் தொலைக்காட்சியில் வருவதைக் காண்கிறோம். சில விளம்பரங்கள்
3-4 நிமிடங்கள் அளவிற்கு கூடப் போகின்றன. இவை எல்லாம் சமூக நலன் கருதி வெளியிடப்படும் இலவச அரசு விளம்பரங்கள் என்றே பலரும் எண்ணி வந்தனர்.

அண்மைக் காலங்களில் அடிக்கடி வெளியிடப்படும் குடிசை வீடுகளை கான்க்ரீட் வீடுகளாக மாற்றும் திட்டத்தின் விளம்பரங்களில் கலைஞரும், ஸ்டாலினும் பல நிமிடங்களுக்கு தொடர்ந்து காட்சி அளிக்கிறார்கள். அவர்களுக்கு புகழ்மாலைகள்
சூட்டப்படுகின்றன.

அரசு செலவில் இப்படி முதல்வரும், துணைமுதல்வரும் தற்புகழ்ச்சி செய்து கொள்வதே அருவருப்பாக இருக்கிறது. இத்தகைய விளம்பரங்களை திமுக தன் கட்சி செலவில் தயாரித்து வெளியிட்டால் யாரும் கேட்கப்போவதில்லை.

அரசு செலவில் இத்தகைய விளம்பரங்கள் தயாரிக்கப்படுவதே அருவருப்பாக இருக்கிற நேரத்தில், இவை தொலைக்காட்சி நிறுவனத்திற்கு தமிழக அரசால் காசு வேறு கொடுத்து ஒளிபரப்பப்படுகின்றன என்கிற செய்தி அதிர்ச்சி அளிப்பதாக இருக்கிறது.

இது குறித்து செய்தி ஒன்று –

சென்னை குரோம்பேட்டையில் உள்ள மக்கள் விழிப்புணர்வு சங்கத்தின் தலைவர் வி.சந்தானம்,தகவல் அறியும் உரிமை சட்டத்தில் டிசம்பர் 30-ம் தேதி இ.எம்.ஆர்.ஐ.தலைமைச் செயல் இயக்குநரிடம் இருந்து பெற்ற கேள்வி- பதில்களின் விவரம் இன்று வெளியாகி இருக்கிறது.

கேள்வி:— 108 ஆம்புலன்ஸ் சேவை சம்பந்தமானவிளம்பரங்கள் சன் மற்றும் கலைஞர் தொலைக்காட்சிகளில்ஒளிபரப்பப்படுகின்றன. இது இலவச விளம்பரமா? அல்லது கட்டண விளம்பரமா? கட்டணமென்றால் ஒரு முறை விளம்பரத்துக்கு எவ்வளவு கட்டணம் செலுத்த வேண்டும்?

பதில்:— 108 ஆம்புலன்ஸ் சம்பந்தமான விளம்பரம் இலவச விளம்பரம் அல்ல. கட்டண விளம்பரம்தான்.
ஒரு முறை பத்து விநாடிகள் விளம்பரத்துக்கு சன் டிவியில் ரூ.23,474-ம், கலைஞர் டிவியில் ரூ.9,700-ம் செலுத்த வேண்டும் !!!

சன் தொலைக்காட்சியின் உரிமையாளர்கள் - முதல்வரின் பேரன், அவர் மனைவி மற்றும் அவரது குடும்பத்து உறுப்பினர்கள்.

கலைஞர் தொலைக்காட்சியின் பங்குதாரர்களில் - முதல்வரின் மகளும், சில அமைச்சர்கள் குடும்பத்தினரும் அடங்குவர்.

அரசாங்க விளம்பரங்கள் எந்த அடிப்படையில் இந்த தொலைக்காட்சிகளுக்கு கொடுக்கக்ப்படுகின்றன ?

சன் தொலைக்காட்சி அதிகம் பேரால் பார்க்கப்படுவதால் விளம்பரத்திற்கு தேர்ந்தெடுக்கப்பட்டதாகச் சொல்லலாம். சரி -
கலைஞர் தொலைக்காட்சியை எவ்வளவு பேர் பார்க்கிறார்கள் ? அதற்கு எப்படி அரசு விளம்பரத்தைக் கொடுத்தார்கள் ?

இதில் விநோதம் என்னவென்றால் - அரசு தொலைக்காட்சியான பொதிகையில் இத்தகைய அரசு விளம்பரங்கள் வெளியாவதே இல்லை ! (அங்கு காசு கொடுத்தால் அது தன் குடும்பத்திற்கு எப்படி போகும் ?)

அரசாங்க பணத்தில் முதல்வர் குடும்பத்து தொலைக்காட்சிகளுக்கு விளம்பரம் கொடுப்பது அதிகார துஷ்பிரயோகம் இல்லையா ?

எரிகிற வீட்டில் பிடுங்கின வரை லாபம் என்கிற போக்கில் செயல்படுவது சரியா?

மிகுந்த சிரமத்திற்கிடையே இத்தகைய தகவல்களை வெளிக்கொண்டு வந்த திரு வி.சந்தானம் அவர்களைப் பாராட்டுவதும், இவற்றை அதிக அளவில் பொது மக்கள் கவனத்திற்கு கொண்டு போவதும் நம் கடமை.

"உலகத்தில் நடக்கும் எல்லாம் வேடிக்கை தான்... உனக்கு அது நேரும் வரை"

2011-03-25T06:41:00.000-07:00

kalaigna_mk_cartoon_deviyar_illam.jpg" src="https://mail.google.com/mail/?ui=2&ik=71c6eef3ba&view=att&th=12edc4e7fc8ce300&attid=0.1&disp=emb&realattid=1413a00ed31bbf74_0.1.1&zw">

இது குறித்து செய்தி ஒன்று –

எரிகிற வீட்டில் பிடுங்கின வரை லாபம் என்கிற போக்கில் செயல்படுவது சரியா?

2011-03-25T06:38:00.000-07:00

ஸ்பெக்ட்ரம் ஊழல்

2011-03-19T03:19:00.000-07:00

நண்பர்களே!!!

தேசிய அவமானமான ஸ்பெக்ட்ரம் பற்றி நாம் அறிவோம், அதில் ஒண்ணேமுக்கால் லட்சம் கோடி ரூபாய் அளவுக்கெல்லாம் ஊழல் செய்யப்படவேயில்லை என்றெல்லாம் மக்களே பேச ஆரம்பித்துவிட்டனர். ராஜா கைது தான் செய்யப்பட்டாரே தவிர குற்றம் நிரூபிக்கப்படவில்லை, அதுவரை நாங்கள் அவரை அரவணைத்துக் காப்போம் என்கிறார் முதல்வர். இது தினம் ஒரு அறிக்கை வரும் தேர்தல் நேரம்,மக்கள் சிந்திக்க வேண்டிய காலம், அப்படி ஸ்பெக்ட்ரம் ஊழலில் மெய்யாகவே நடந்தது என்ன ?!!! என்பதை துபாயில் பணிபுரியும் சிவக்குமார் என்னும் பொறியாளர் அருமையாக ஆய்வு செய்து எழுதியுள்ளார், இது இப்போது இமெயிலில் வரத்துவங்கிவிட்டது, இனியேனும் நன்கு படித்தவர்கள் அவசியம் சிரமம் பாராமல் சிந்தித்து வாக்களித்து நாட்டைக்காக்கவேண்டும். அவசியம் இதைப்படித்துவிட்டு ஃபேஸ்புக், ஆர்குட், ட்விட்டர் தளங்களில் ஃபார்வர்டும் செய்யவும்.

மக்கள் அனைவரையும் இலவசங்களை மட்டுமே வாங்க தெரிந்த மாக்கான்கள் என்றே நினைத்து விட்டார் நம் முதல்வர். அதற்காகத்தான் தமிழ்நாட்டில் அனைவரும் குழந்தை பெற்றுகொள்கிறார்கள் என்று சொன்னாலும் ஆச்சரிய படுவதற்கு இல்லை. என்னது ஏழைகள் பயன்படுத்தும் அளவிற்கு குறைந்த விலையில் சேவையை கொண்டுவந்தது ராசாவா? மக்களே உண்மையை புரிந்து கொள்ளுங்கள். இந்த புளுகு மூட்டைகளின் பாவத்திற்கு ஆளாகாதீர்கள். விலை குறைந்ததிற்கான காரணத்தை இங்கு குறிப்பிடுகிறேன்.

1999 ஆண்டில் தான் தொலைதொடர்பு உரிமங்கள் வழங்க ஆரம்பிக்கபட்டது. அன்று வெறும் பணம் படைத்தவர்கள் மட்டுமே கைபேசியை பயன்படுத்தினர். எனவே நுகர்வோரின் எண்ணிக்கை மிக குறைவு. சில பல லட்சங்கள் மட்டுமே. தொழில் நுட்பவளமான 1G அல்லது 2G அலைக்கற்றைகள் மிக அதிக அளவில் அரசிடம் கையிருப்பு இருந்துள்ளது. ஆனால் உரிமம் வாங்க உலக அளவிலோ இந்திய அளவிலோ போட்டிகள் இல்லை. விலை கொடுத்து உரிமம் வாங்கியவர்கள் லாபம் பெற நுகர்வோரிடம் நிமிடத்திற்கு அதிக கட்டணம்(In coming and out going ) வசூல் செய்ய கட்டாயம் ஏற்பட்டது. இதில் கவனிக்க வேண்டிய இன்னொரு விஷயம் என்னவென்றால் நாம் தான் வசதி படைத்தவர்களாயிற்றே என்று இஷ்டத்திற்கு பேசி நேரத்தையோ பணத்தையோ அன்றைய வசதி படைத்தவர்கள் விரயம் செய்யவில்லை. குறைவான நேரத்துக்குதான் கைபேசியை பயன்படுத்தினர்.

நுகர்வோரின் எண்ணிக்கை குறைவாக இருந்ததால்தான் அன்று அலைகற்றை உரிமம் பெற அதிக நிறுவனங்கள் முன்வரவில்லை. இதை சரி செய்ய அன்றைய அரசு ஒரு தொலை தொடர்பு புரட்சியை உருவாக்க முயன்றது. விளைவு நாளுக்கு நாள் நுகர்வோரின் எண்ணிக்கை அதிகமானது. இன்றும் அதிகமாகி கொண்டே இருக்கிறது. 2010 நுகர்வோரின் எண்ணிக்கை சுமார் 60 கோடிக்கும் மேல். 2008 இல் 50 கோடிக்கும் மேல்.

இதற்கும் அதிகமான மக்கள் பயன்படுத்தும் அளவுக்கு போதிய அலைகற்றைகள் அரசிடம் இன்றும் உள்ளனர். ஆனால் பயன்படுத்துவோரின் எண்ணிக்கை வெறும் 60 கோடிதான். 122 தகுதி இல்லாத நிறுவனங்களுக்கு உரிமம் வழங்க பட்டுள்ளது. தகுதி என்றால் என்ன? போதிய அனுபவம், வங்கி காசோலை, வங்கி செக்யூரிட்டி டெபொசிட் அது மட்டும் இல்லை வாங்கியவுடன் குறிப்பிட்ட காலத்திற்குள் சேவையை தொடங்க வேண்டும். இந்த குறிப்பை நினைவில் வைத்து கொள்ளுங்கள். பின்னால் உதவும். டாட்டா, ரிலையன்ஸ் போன்ற பெரிய நிறுவனங்களும் உரிமம் வாங்கியுள்ளனர். இதோடு அந்த 122 தகுதி இல்லாத நிறுவனங்களையும் சேர்த்து கொள்ளுங்கள்.

நியாயக் கணக்கு:

இந்தியாவில் 60 கோடி மக்கள் கைபேசி சேவையை பயன்படுத்துவதாக உண்மை தகவல் உள்ளது. எல்லோருக்கும் தெரியும் என்று நினைக்கிறேன். ஒரு நபர் தனது கைபேசியை ஒரு நாளைக்கு சராசரியாக வெறும் 15 நிமிடங்கள் (LOCAL CALLS ONLY) பயன்படுத்துவதாக வைத்துக்கொள்வோம். ஒரு நிமிடத்திற்கு 40 பைசா கட்டணம்.

அப்போது 15x0.40 =6.0 ரூபாய் ஒரு கைபேசியின் மூலம் செலவாகிறது. 60 கோடி கைபேசிகள். 60x6.0 = 360 கோடிகள் ஒரு நாளைக்கு செலவாகிறது. ஒரு மாதத்திற்கு 30x360 = 10,800 கோடிகள். ஒரு வருடத்திற்கு 12x10,800 =1,29,600 கோடிகள். 2008 இல் 2G ஏலம் விடப்பட்டது. இன்று வரை இரண்டு வருடங்கள் ஆகிறது. அப்போ து குறைந்தபட்ச வருமானம் இன்றுவரை2,59,200 கோடிகள். இது ஒரு நாளைக்கு வெறும் 15 நிமிடங்கள் கைபேசியை பயன்படுத்தினால் இரண்டு வருடத்திற்கு கிடைத்திருக்கும் வருமானம்.

இதோடு SMS, MMS, STD, ISD, சேவை கட்டணம், இணைப்பு கட்டணம்.......இன்னும் என்ன என்னவோ கட்டணங்கள் உள்ளது என்று சொல்கிறார்கள் மற்றும் 15 நிமிடத்திற்கு அதிகமாக பயன்படுத்துவோரின் செலவையும் சேர்த்தால் எத்தனை கோடி கோடிகள் வருமானமாக கிடைக்கும் என்பதை நீங்களே கணக்கிட்டு கொள்ளுங்கள். என்னால் கணக்கிடவே முடியவில்லை. என்னிடம் உள்ள கால்குலேட்டர் மற்றும் கணினி காண்பிப்பது "INFINITIVE". நான் தற்போது இந்தியாவில் இல்லை. இருந்திருந்தால் அனைத்தையும் அலசி ஆராய்ந்து இதைவிட இன்னும் துல்லியமாக நடந்த ஊழலின் அளவை குறிப்பிட்டு இருப்பேன். இந்த வருமானம் அனைத்தும் அரசுக்கு கிடைத்திருக்க வேண்டும். அது மக்களை சென்று அடைந்து இருக்கவேண்டும். கிடைத்ததா?

மக்களை சென்றடைந்ததா? நிச்சயம் இல்லை என்றுதான் ஒவ்வொரு மக்களும் கூறவேண்டும். அப்படி என்றால் இந்த மக்கள் பணம் சட்டத்திற்கு புறம்பாக யாரிடமோ சென்று அடைந்துள்ளது. இந்த ஊழல் பணம் அடுத்த சில ஆண்டுகளில் தனது சொந்தநாட்டு மக்களையே தாக்கப்போகிறது. விலைவாசி உயரும். பொருளாதாரம் நாசாகும். "Above middle Class" மக்கள் நடுத்தர மக்களாகவும், நடுத்தர மக்கள் ஏழைகளாகவும், ஏழை மக்கள் மேலும் பரம ஏழைகளாகவும் மாறுவார்கள்.

ஜனநாயகம் வேரோடு அழியும். மனிதாபிமானம், மனிதநேயம் மண்ணோடு மண்ணாகும். ரௌடிசம்,குற்றசம்பவங்கள் தலைவிரித்து ஆடும். கடந்த ஐந்தாண்டுகளாக ஆயுள் கைதியாக உள்ள நடுநிலை பத்திரிகைகள் இனி மரண தண்டனை கைதிகளாக மாற்றப்பட்டு தூக்கில் போடப்படும்.

துரோகம்-1:

உரிமம் வாங்கிய அனைத்து நிறுவனங்களும் சுமார் 13000 கோடிக்கும் அதிகம் பொறுமானம் உள்ள(உதாரணம் S .TEL நிறுவனம்13000 கோடிக்கு வாங்க முன்வந்தது) அலைகற்றைகள் உரிமத்தை அடிமாட்டு விலைக்கு அதாவது 1200, 1300 ,1650 கோடிகளுக்கு திட்டமிட்டு விற்கப்பட்டுள்ளது. அரசுக்கு சேரவேண்டிய, மக்களுக்கு சேர வேண்டிய வருவாய் சில சுய நலவாதிகளை சென்றடைந்துள்ளது.

துரோகம்-2:

பெரும்பாலான நிறுவனங்கள் தங்கள் உரிமத்தின் பங்குகளை வெளி நாட்டு நிறுவனங்களுக்கு விற்று கொள்ளை லாபம் பார்த்துள்ளனர். இதனால் அரசுக்கு அதாவது பல கோடி மக்களுக்கு கிடைக்க வேண்டிய அரசின் வருவாய் சில சுய நல தனி மனிதர்களை சென்று அடைந்துள்ளது.

துரோகம்-3:

தகுதி இல்லாமல் உரிமம் வாங்கிய 122 நிறுவங்களில் பெரும்பாலான நிறுவனங்கள் இன்னும் சேவையை தொடங்கவில்லை. இதில் "swan, Unitech" போன்ற லெட்டர் பேட் நிறுவனங்களும் அடங்கும். இந்த நிறுவனகள் ஏன் இன்னும் சேவையை தொடங்கவில்லை என்று உள்ளூர ஆராய்ந்தால் மிக தெளிவாக புரியும். பெரிய

நிறுவனங்கள் போட்டி இல்லாமல் தொலைதொடர்பு துறையில் கொள்ளை லாபம் பார்க்க அதாவது கட்டணம் என்ற பெயரில் மக்களின் உழைப்பை சுரண்ட பெரும்பாலான தகுதி இல்லாத பினாமி லெட்டர் பேட் நிறுவனங்கள் இன்னும் சேவையை தொடங்கவில்லை. இவைகள் சேவையை தொடங்கி இருந்தால் சந்தையில் போட்டி அதிகமாகி கைபேசியில் பேசும் கட்டணம் இப்போது இருப்பதை விட மேலும் குறைந்திருக்கும். ஒரு வேளை இதற்காகத்தான் திட்டமிட்டு "S.TEL போன்ற போட்டி நிறுவனங்களுக்கு உரிமம் வழங்கவில்லை என்ற சந்தேகம் தெளிவாக எழுகிறது.

துரோகம்-4:

MTNL BSNL போன்ற அரசு நிறுவனங்களுக்கு அதிக அளவில் அலைகற்றைகளை ஒதுக்கி போதிய ஆப்பெரடர்களை நியமித்து இருந்தால் கைபேசியில் பேசும் கட்டணம் நிமிடத்திற்கு வெறும் ஒரு பைசாவுக்கு வந்திருக்கும். மக்கள் அரசினால் பயன் அடைந்து இருப்பார்கள். துரோகம்-5: தகுதி இல்லாமல் உரிமம் வாங்கிய லெட்டர் பேட் நிறுவனங்கள் தனது பங்குகளை பல வெளி நாட்டு நிறுவனங்களுக்கு விற்றுள்ளனர். அதில் பாகிஸ்தான் போன்ற நாடுகளும் அடங்கும். இந்தியாவின் தொலை தொடர்பு துறையை இந்த நாடுகளும் பயன்படுத்துகின்றனர். இது உள்நட்டு மக்களின் பாதுகாப்புக்கு மிக பெரிய அச்சுறுத்தல்.

துரோகம்-6:

நீரா ராடியா தொலைபேசி உரையாடல்கள், CAG ,தொலைதொடர்பு சம்பந்தபட்ட, கைபற்றபட்ட ஆவணங்கள், சம்பந்தபட்ட பிரதமர் அலுவலக கடிதங்கள் புறகணிப்பு, சட்ட,நிதி துறை கடிதங்கள் புறகணிப்பு, TRAI பரிதுரைகள் புறகணிப்பு இப்படி கோடி கணக்கில் ஆதாரங்கள், சாட்சிகள். முதலில் வருபவருக்கே முன்னுரிமை என்று முந்தைய ஆட்சியாளர்கள் வகுத்த அடிப்படை கொள்கை கூட பின்பற்றப்படவில்லை. அதிலும் முறைகேடு.

துரோகம்-7:

இவ்வளவு குற்றங்கள் செய்தும் சம்பந்தபட்ட குற்றவாளிகள் செய்த தவறை ஒப்பு கொள்ளாமல் நாங்கள் தவறு செய்யவில்லை என்று மக்களிடம் பொய் பிரச்சாரம் செய்வது மக்களுக்கு இழைக்கப்பட்ட ஏழாவது துரோகம். இதன் உச்சகட்டம்தான் 2G யில் ஊழலும் இல்லை நஷ்டமும் இல்லை என்று மத்திய அமைச்சரின் பத்திரிகை பேட்டி. இந்த உலகத்திலே தான் மட்டும்தான் புத்திசாலி வக்கீல் மற்ற அனைவரும் அடி முட்டாள்கள் என்ற ஆணவ நினைப்பு. துரோகம்-8: நடந்த அனைத்து தேச துரோகங்களும், குற்றங்களும் பொருளாதார மேதை பிரதமருக்கு தெரிந்தே கண்முன்னே நடந்துள்ளது. இருந்தும் பிரதமர் வாய் மூடி மௌனியாக இருப்பது மக்களுக்கு இழைக்கபடும் மகா மகா துரோகம்.

துரோகம்-9:

ஸ்பெக்ட்ரம் விவகாரத்தில் முறைகேடாக பெறபட்ட பணங்கள் பெரும்பாலானவை இந்தியாவில் புழக்கத்தில் இல்லாமல் அந்நிய நாடுகளில்,வங்கிகளில் முதலீடு செய்யப்பட்டுள்ளதாக தகவல். இந்த பணம் அரசுக்கு வருவாயாக கிடைத்து இருந்தால் ஏராளமான அரசு கல்லூரிகள், பள்ளிகள், பாலங்கள், மருத்துவமனைகள், தொழிற்சாலைகள் என்று உருவாக்கி அனைவருக்கும் கல்வி,வேலைவாய்ப்பு, அடிப்படை வசதிகள் என்று ஏற்படுத்தி ஏழைகளே இல்லாத நாட்டை உருவாக்கி இருக்கலாம். இலவசங்கள் பெறாத மக்களை கண்டிருக்கலாம்.

துரோகம்-10:

ஸ்பெக்ட்ரம் ஊழல் பணத்தை பயன்படுத்தி தலித் பற்றும் பிற இனத்தை சேர்ந்த ஏழை விவசாய மக்களிடம் மிரட்டி விளை நிலங்களை அடிமாட்டு விலைக்கு வாங்கப்பட்டதாக தகவல். இது மக்களுக்கு இழைக்கபட்ட துரோகம் பத்து. ஒரு முறைகேட்டை செய்து அதையே மூலதனமாக வைத்து இன்னொரு முறைகேடு செய்யப்பட்டுள்ளது. ஊழல் செய்வதினால் மக்களுக்கு இழைக்கபடும் துன்பங்களுக்கு இதை விட சிறந்த உதாரணம் வேறென்ன வேண்டும். நண்டு கொழுத்தால் வலையில் தங்காது. இதுதான் ஊழலின் விளைவுகள். இவர்கள் ரத்தம் குடிக்கும் கொசுக்கள் மாதிரி. நம்மிடம் உள்ள ரத்தத்தை உறிஞ்சுவதோடு மட்டும் இல்லை அதோடு சேர்த்து நோய் கிருமிகளையும் நமது ரத்தத்தில் விட்டு செல்கின்றனர்.

இப்படி 2G ஊழலில் மக்களுக்கு இழைக்கபட்ட துரோகங்கள் எண்ணில் அடங்காதது. இந்த ஊழலின் தாக்கம் இதோடு நிற்காது. மக்களைத்தான் சுத்தி சுத்தி அடிக்கும். எப்படி? ஊழல் பணத்தை வைத்து ஏழைகளின் நிலங்கள் அடிமாட்டு விலைக்கு வாங்கப்பட்டு அதை பிளாட் போட்டு அதே மக்களிடம் அதிக விலை வைத்து விற்கப்படுகிறது.

ஒரு ஏக்கரை குறைந்த விலைக்கு விற்ற மக்கள் அந்த பணத்தை வைத்து அதே இடத்தில் அதாவது முந்தைய சொந்த இடத்தில ஒரு கிரௌண்ட் நிலம் கூட வாங்க முடியவில்லை. இதுதான் ஊழலின் விளைவு. இப்போது புரிந்து இருக்கும் ஏழைகள் எப்படி உருவாகிறார்கள் என்று. இது மட்டும் இல்லை ஊழல் பணத்தை வைத்து அனைத்து இடங்களையும் வளைத்து போட்டு ரியல் எஸ்டேட் நடத்தும் அனைத்து அரசியல்வாதிகளும் இப்படி ஊழல் பணத்தில்தான் செய்கின்றனர்.

அவர்கள் சொல்வதுதான் விலை. விலைவாசி உயர்வது இயற்கை அல்ல. அனைத்தும் மிக மிக செயற்கையே. இயற்கை என்று ஆளும் கட்சியினர் கூறுவது தவறு. உண்மையை மூடி மறைக்கும் செயல். இது ரியல் எஸ்டேட் மட்டும் இல்லை. அனைத்து பொருள்களுக்கும் பொருந்தும். குறைந்த விகிதத்தில் உள்ள பணக்காரர்கள் மேலும் பணக்காரர்கள் ஆவார்கள். அதிக விகித்தில் உள்ள நடுத்தர மக்கள், ஏழைகள் மேலும் ஏழைகளாக ஆவார்கள். இந்த ஏழை, பணக்காரன் இடை வெளியை குறைக்கத்தான் அரசாங்கம் ஒன்றை மக்கள் தேர்ந்தெடுக்கிறார்கள்.

இன்று ஆளும் வர்க்கத்தினரே அதற்கு முழு முதல் காரணமாக திகழ்கிறார்கள். சொல்லபோனால் அரசின் கடமைகளை அரசியல்வாதிகளும் மறந்துவிட்டனர். இவர்களை தேர்ந்தெடுக்கும் மக்களும் தங்கள் கடமைகளை மறந்து இலவசத்துக்கு பின் செல்கின்றனர். இலவசம் வாங்கும் மக்களே ஒன்றை நன்றாக தெரிந்து கொள்ளுங்கள்.

உங்கள் உழைப்பு என்னும் மூலதனத்தை மறந்து இலவசம் வாங்குவதால் எத்தனை தலைமுறைகள் கடந்தாலும் நீங்கள் ஏழைகளாகத்தான் இருக்க முடியும். உங்கள் வாழ்கை தரமும் உயரபோவதில்லை. இலவசம் கொடுக்க தேவையான வரிபணத்தை செலுத்தும் உழைக்கும் மக்களின் வாழ்கை தரமும் உயரபோவதில்லை. இது நிச்சயம். மாற்றம் ஒன்றே மாறாதது. இலவசம் மாறவில்லை என்றால் உங்கள் வாழ்கை தரமும் மாறபோவதில்லை. எனது நோக்கமே இந்த 2G உலக மகா ஊழலால் மக்கள் எவ்வாறு வஞ்சிக்கபட்டார்கள் என்பதை ஒவ்வொரு இந்திய குடிமகனும் பத்திரிகை நிறுவனங்களில் பணிபுரியும் நண்பர்கள் உள்பட அனைவரும் தெரிந்து கொள்ளவேண்டும் என்பதுதான். எனவே தெரிந்துகொள்ளுங்கள், புரிந்துகொள்ளுங்கள். ஒவ்வொரு ஏழை மக்களுக்கும் தெரியபடுத்துங்கள். ரோட்டில் இறங்கிதான் போராடவேண்டும் என்று இல்லை.கொடி பிடிக்க அவசியமும் இல்லை. e-mail, FAX , Facebook , orkut என்று எவ்வளவோ தொழில் நுட்ப வசதி உள்ளது. தங்களுக்கு உகந்த ஏதேனும் ஒன்றை தேர்வு செய்து தங்களின் அன்றாட வேலைகள் பாதிக்காத வகையில் சுலபமாக இதை செய்யமுடியும். செய்வீர்கள் என்று நினைக்கிறேன்.

நன்றி.

நூல்க‌ள்,குறும்ப‌ட‌ம் வெளியீடு

2010-12-03T18:13:00.000-08:00

தமிழ் நாடு புதுவை நெய்தல் படைப்பாளிகள்

கன்னியாகுமரி குழு

மூன்றாண்டு நிறைவு

லூர்தம்மாள் சைமன் நினைவு இலக்கியக் கருத்தரங்கம்

நெய்த‌ல் வெளி ப‌திப்ப‌க‌ அறிமுக‌விழா

நூல்க‌ள்,குறும்ப‌ட‌ம் வெளியீடு

இடம்: கார்ம‌ல் மேனிநிலைப் ப‌ள்ளி, நாக‌ர்கோவில்.

நாள்: 11.12.2010 அன்று காலை 9.30 மணி

காலை நிகழ்ச்சி

9.30: வ‌ருகை ப‌திவு

10.00: லூர்த‌ம்மாள் சைம‌ன் நினைவு இலக்கியக் கருத்தரங்கம்

நிகழ்சி தொகுப்பாளர்: மேரி ஜெரின்

அர‌ங்கு அறிமுகம்: வ‌றீதையா கான்ஸ்த‌ந்தின்( க‌ருத்த‌ர‌ங்கு ஒருங்கிணைப்பாள‌ர்)

த‌லைமையுரை: எம். வேத‌ச‌காய‌குமார் (முன்னாள் த‌மிழ் பேராசிரிய‌ர்,கேர‌ள‌ப் ப‌ல்க‌லைக‌ழ‌க‌ம்)

ஜோ டி குரூசின் புனைக‌தைக‌ளில் கொந்த‌ளிக்கும் க‌ட‌ல்

உரைக‌ள்:

மால‌தி மைத்திரி(ஆசிரியர்,அண‌ங்கு)க‌ரையேறாத‌ க‌ட‌ல்:ஜோ டி குரூஸ் நாவ‌ல்க‌ளை முன் வைத்து

ஜெய‌மோக‌ன்(நாவலாசிரிய‌ர்)ச‌மூக‌ மாற்ற‌த்தில் இல‌க்கிய‌ம்:ஜோ டி குரூஸ் நாவ‌ல்க‌ளை முன்னிறுத்தி

பீட்ட‌ர் பிரான்சிஸ்(ஆசிரிய‌ர்,அலைவாய்க் க‌ரை)நெய்த‌லின் அக‌மும் புற‌மும்:ஜோ டி குரூஸ் நாவ‌ல்க‌ளினூடே

1.00: ம‌ணி உண‌வு இடைவேளை

1.45: நெய்த‌ல் வெளி நிறுவு விழா ம‌ற்றும் நூல்க‌ள்,குறும்ப‌ட‌ம் வெளியீடு

வ‌ர‌வேற்ற‌ல்:ஜ‌வ‌ஹ‌ர்ஜி

நெய்த‌ல் வெளி அறிமுகம்:அ.ஜஸ்டின் திவாகர்

நெய்த‌ல் வெளி நிறுவி சிறப்புரை: மார்க் ஸ்டீபன்(சேசு சபை)

விழா பேருரை:பாத்திமா பாபு(விராங்கனை.தூத்துக்குடி)

த‌லைமை:பொன்னீல‌ன்(நாவலாசிரிய‌ர்)

கலைநிகழ்ச்சி:ஜே.பி.வெனிஸ்(கயல் கலைக்குழு) மற்றும் த.நன்மாறன்(பிரளயம் கலைக்குழு) ‌

நூல்க‌ள்:

முக்குவ‌ர்: வ‌ர‌லாறு,வாழ்விய‌ல்,எதிர்கால‌ம்தொகுப்பாசிரிய‌ர்:வ‌றீதையா கான்ஸ்த‌ந்தின்

மீன‌வ‌ முன்னோடி லூர்த‌ம்மாள் சைம‌ன்ஜோ.த‌மிழ் செல்வ‌ன்,அ.ஜ‌ஸ்டின் திவாக‌ர்&ஜ‌வ‌ஹ‌ர்ஜி

கொல்ல‌ணிஅ.ஜ‌ஸ்டின் திவாக‌ர்

குறும்ப‌ட‌ம்: பாடுஇய‌க்குந‌ர்: ஜ‌வ‌ஹ‌ர்ஜி

ந‌ன்றியுரை:த.நன்மாறன்

TAMIL NADU PUDHUCHERY COASTAL ARTISTS' COLLECTIVE- FIRST MEET

2010-08-03T04:52:00.000-07:00

TAMIL NADU PUDHUCHERY COASTAL ARTISTS' COLLECTIVE

Coordinators: Malathi Maithri *& Varethiah Konstantine **

FIRST MEET

Venue: 92-93, Arasaham, National Highway,Valliyoor;

Time: 08.08.2010, 10.00 a m to 05.00 p m.

NOTICE

The coastal artists of Tamil Nadu and Puduchery under the above banner are holding their south Tamil Nadu Meet at Valliyoor. The collective is the logical sequence of the proceedings of the Kanyakumari Coastal Artists' Collective which was established in December 2007. The collective aims at providing the right environment to promote fine literature and documentation on the life of the fisher folks of Tamil Nadu coast transcending religion and region is among the major objectives of the initiative.

The programme begins at 10.00 in the morning. The proceedings include the following:

Dr. Vareethiah Konstantine (Coordinator) delivers the introductory note to brief the participants of the background and rationale of the collective and the current meet.Rev. Dr. Francis Jayapathy s.j. (Anthropologist, Ethnographer and Folklorist) will deliver a key note address on the need for documenting the history, culture and lores of the traditional fisherfolks. Dr. M. Vethasahayakumar, Tamil Literary critic and advisor to the collective, will give a special lecture on the significance of making use of the language to record the life and culture of the coastal ethnic groups in order to sustain their cultural identity and future. Mr. Peter Francis (Editor, Alaivaaikkarayil, Thoothukudi) will deliver presidential address. Mrs. Malathi Maithri (Coordinator) will present a lead note to initiate interactions and will moderate the session.

Future plans, we hope, will be based on what transpires from the interactions. A little over 35 front line writers, artists, activists and readers from the five southern districts are participating in this meet.

Your paricipation is solicited.

Malathi Maithri and Vareethiah Konstantine

Coordinators

For more info, pl.contact Mr. Justin Thivagar (Programme organiser) at or 09367510043.

------------- ---------------- ---------------------------

* #3, Murugan Koil, Kanuvaippettai, Villiyanoor,Pudhuchery- 605 110. (09367757356); ** Janani. 23/53, KR Puram (West), Thoothoor- 629 176, Kanyakumari District, TN.

(09442242629).

வித்தியாசமாக கலக்கும் தம்பி

2010-02-08T06:47:00.000-08:00

வித்தியாசமாக கலக்கும் தம்பி….

பொதுவா கல்யாண வீட்டிற்கு சென்றால் திருமண வாழ்த்து பேனர்களில் நம்ம சினிமா நடிகர்களின் படங்களை பெரிசா போட்டு மணமக்களின் படங்களையும் போட்டு சின்ன சின்னதா வட்டமா வாழ்த்துவோரின் படங்களையும் போட்டு பிளக்ஸ் பேனர்கள் பிரிண்ட் செய்து கட்டி வைத்திருப்பார்கள்.

சமீபத்தில் ஒரு கல்யாண வீட்டில் கண்ட வாழ்த்து பேனர் மிக வித்தியாசமான முறையில் இருந்தது. புது விதமான பத்திரிகை பேனர் வாழ்த்து

அப்படியே தினகரன் பத்திரிகை முன் பக்கத்தை போன்று லேஅவுட் செய்திருந்தார். திருமண வீட்டுக்கு வந்த அத்தனை பேரும் வியந்து போய் அந்த விளம்பரம் செய்த தம்பி கலைஅரசு வை பாரட்டினர்கள். நானும் வாழ்த்துக்களை சொன்னேன்.

எப்படி இது என கேட்டால் கப்பலில் வேலை செய்கிறேன் வேலை போக மீதி நேரங்களில் புத்தகங்கள் படிப்பதும், கவிதைகள்,கதைகள் எழுதுவதுமாக நேரம் செல்லும் மீதி நேரங்களில் இப்படி வித்தியாசமான சிந்தனைகள் செய்வதுண்டு அவற்றை கடலில் இருந்து விடுமுறைக்கு ஊருக்கு வரும் போது நண்பர்கள் மற்றும் சொந்தகாரங்க திருமணத்தில் செய்வதாக சொன்னார்.வேறு என்ன வெல்லாம் செய்திருக்கீங்க என்றோம்.

சமீபத்தில் பொங்கல் தினம் அன்று என் கொழுந்தியாளுக்கு கல்யாணம். அதில் மணமக்கள் வெட்டிய கேக்கும் அழகான பொங்கல் பானையின் மேல் கேக் செய்து,சுற்றி பழவர்க்கங்களால் படையல் செய்து அலங்கரித்து கரும்பை செருகிவைத்திருந்தேன். அதுபோல உணவு அறையின் வாசலில் சாப்பிடலாம் வாங்க என்று வித்தியாசமான முறையில் வரவேற்று எழுதுயிருந்தேன். வந்தவர்கள் வியந்து வாழ்த்தினார்களாம். படங்களை பாருங்கள் புத்தம் புது சிந்தனைகள் நமக்கும் புது விதமான அனுபவங்களை தருகிறது.

நிலை குலைந்த மலைகளின் ராணி

2009-11-13T03:40:00.000-08:00

ஊட்டி அண்ணனுக்கு போண் செய்தேன் எப்படியுள்ளீர்கள் என்று?
அதை ஏன் கேக்கிற தம்பி....ன்னு இழுத்தார், இன்று விடியல் காலை 4மணிக்கு மழை பெய்ய ஆரம்பித்து 9மணிக்கு தான் விட்டது ஏதே உள்ளுனர்வு என்னை தூக்கவிடவில்லை.காரணம் பயம் எந்த நேரம் நிலச்சரிவு ஏற்படுமோ என்று. நீங்களெல்லாம் கொஞ்சநாட்களுக்கு முன்பு கடற்கரையில் சுனாமி எந்தநேரம் ஏற்படுமோ என்று அச்சத்தோடு வாழ்ந்தீர்கள் அப்போது நான் நினைத்துகொள்வதுண்டு அப்பாடா நாம மலை உச்சியிலேதானே வாழ்கிறோம் நமக்கு ஆபத்து ஏதுமில்லை என்று. ஆனால் இப்போது புரிகிறது இயற்கையின் சீற்றம் எங்கு வழ்ந்தாலும் மனிதனை விடாது என. மனிதன் இயற்கையை நேசிக்க மறந்துவிட்டான்,இயற்கையை அதன் போக்கை இவன் மாற்ற நினைக்கிறான்.அதை துண்புறுத்துகிறான். அது பொருக்கும் மட்டும் பொருத்து பின்பு அதன் சீற்றத்தையும் ஆக்ரோசத்தையும் காட்டுகிறது.
அன்றாடம் பயன்படுத்த காய் கறிகள் இல்லை வீட்டில், நகர்முழுவதும் சாலைகள் துண்டிக்கப்பட்டு அல்லோல படுகிறது

வாகனங்களுக்கு பெட்ரோல் வினியோகம்மில்லை,குடிநீர் சப்ளையும் துண்டிக்கபட்டுள்ளது. எத்தனை நாட்களுக்கு இருப்பதை வைத்து சமாளிப்பது என மக்கள் தின்டாடி வருகிறார்கள்.
மழை தொடர்ந்து பெய்து கொண்டிருந்தால் மீட்பு பணியும் தொய்வு ஏற்படும்,மீண்டும் இதைவிட மிகமோசமான நிலை ஏற்படும்.

நீலகிரியில் ஏன் நிலம் சரிகிறது?

உதகமண்டலம்: நாடெங்கும் இருந்து மக்கள் கோடையில் சென்று பார்த்து ரசித்து நேசிக்கும் பூமி நீலகிரி. மலைகளின் அரசி என்ற செல்லப் பெயர் காரண பெயரும்கூட. அங்கு 150க்கு மேலான இடங்களில் மண் பெயர்ந்து சரிந்து 40க்கு மேற்பட்ட உயிர்களை பலி வாங்கியிருக்கிறது. 3 நாள் மழையில் இத் தனை இடங்களில் சீட்டுக் கட்டு போல வீடுகள் சரிந்து விழுந்து மண் மூடிய சோகம் இதற்குமுன் நடந்ததி ல்லை. மலையில் ஏன் மண் சரிகிறது? உயரமான இடத்தில் பாரம் வைக்கக் கூடாது என்பது கடற்கரை மணலில் கோபுரம் கட்டி விளையாடும் குழந்தைகளுக்குக்கூட தெரியும். சுகவாச ஸ்தலத்தில் இடத்தை வளைத்து கட் டிடங்கள் எழுப்பும் கோடீஸ்வரர்களுக்கும் துணைபோகும் அதிகாரிகளுக்கும் தெரியாமல் போனதுதான் சோக நிகழ்வுக்கு காரணம். மலையில் 30 டிகிரி சாய்வான இடத்தில் கட்டிடம் கட்டக்கூடாது என்று கோர்ட் தடை இருக்கிறது. ஆனால் ஊட்டியில் 70, 80 டிகிரி சாய்ந்த இடங்களைக்கூட விட்டுவைக்கவில்லை. கட்டிடங்களை அடுக்கியிருக்கின் றனர். கட்டிடத்தின் உயரம் 7 மீட்டரை தாண்டக்கூடாது என்பது விதி. இதுவும் மதிக்கப்படாத விதியாக உள்ளது. 87 வணிக கட்டிடங்கள், 15 மத வளாகங்கள், 20 பள்ளிக்கூடங்கள் உட்பட 1,337 கட்டிடங்கள் விதிகளை அப்பட்டமாக மீறி கட்டப் பட்டிருக்கின்றன சூழலை பாதுகாக்கும் நோக்கத்தில் அங்கு இனி கட்டிடங்கள் கட்டக்கூடாது என கடந்த ஆண்டு உயர்நீதி மன்றம் தடை விதித்த பிறகும் அங்கு புதிய கட்டிடங்கள் முளைத்துக் கொண்டுதான் இருக்கின்றன என்கின் றனர் சுற்றுச்சூழல் ஆர்வலர்கள். சட்டத்தை துச்சமாக மதிக்கும் மிகப் பெரிய செல்வந்தர்கள், நிறுவனங்கள் இதன் பின்னணியில் இருப்பதை சுலபமாக புரிந்து கொள்ளலாம் என்கின்றனர். பிரிட்டிஷ் ஆட்சியில் அங்கும் இங்குமாக சில பங்களாக்கள் கட்டப்பட்டன. 150 ஆண்டு தாண்டி இன்றவும் அவை மழையால் பாதிக்கப்பட்டதில்லை. தோடர், கோத்தர், குறுப்பர், பனியர் போன்ற பழங்குடியினர் வனங்களை ஒட்டி சிறுவீடுகள் கட்டி வாழ்கின்றனர். அங்கெல்லாம் நிலச்சரிவு ஏற்பட்டதில்லை. படுகர் வசிக்கும் ஹட்டி கிராமங்களும் பாதுகாப்பாக உள்ளன.

சரிவான புறம்போக்கு நிலத்திலும், தாழ்வான பகுதிகளிலும் கிடைக்கிற நிலத்தை பிடித்து வீடு கட்டி வசிக்கும் சாதாரண மக்களும் இருக்கின்றனர். மழை வலுக்கும்போது தாக்குப் பிடிக்காத இந்த வீடுகள் சரிந்து விழுந்து அதில் வசிப்பவர்களுடன் மண்ணில் புதைகின்றன. அடுத்த காரணம் குவாரிகள். பாறைகள் சரிவில் உருண்டு விழும் அபாயம் உள்ளதால் குவாரி நடத்த அரசு தடை விதித்துள்ளது. ஆனால் 120க்கு மேற்பட்ட குவாரிகள் இயங்குகின்றன. பிரமாண்டமான பாறைகளை தகர்க்க வைக்கும் வெடி, சுற்றிலும் கடுமையான அதிர்வை ஏற்படுத்துகிறது. பெரிய இயந்திரங்கள் மூலம் தொடர்ந்து பாறைகள் உடைக்கப்படுவதால் மண்ணுக்கும் பாறைகளுக்கும் உறவு முறிந்து இடைவெளி ஏற்படுகிறது. மழை காலத்தில் அந்த இடைவெளியை நிரப்பும் தண்ணீர் வேறொரு முனையில் துளைத்துக் கொண்டு வெளியேற பார்க்கிறது. பாறையை விட்டு பிரிந்ததால் பலவீனப்பட்ட மண் இந்த போராட்டத்தில் தோற்று தண்ணீர் முன் சரண் அடைகிறது. அதன் விளைவு: மொத்தமாக நிலம் சரிகிறது. மலை என்றால் அதில் காடுகள் நிறைந்திருக்கும். நீலகிரியிலும் அப்படி இருந்தது. காட்டு மரங்களின் வேர்கள் பல அடி ஆழம் எல்லா திசையிலும் ஊடுருவி பரவியிருக்கும்.

மரம் + மண் + பாறை கூட்டணி பலம் மிகுந்தது. எத்தனை நாள் மழை கொட்டினாலும், தண்ணீரால் இந்த கூட்டணியை தோற்கடிக்க முடியாமல் இருந்தது. மாறாக அந்த தண்ணீரால் மண்ணும் மரமும் தங்களை பலப்படுத்திக் கொள்ளும். நாளாவட்டத்தில், பெரிய நிறுவனங்கள் போட்டி போட்டு நிலம் வாங்கி தேயிலை, காய்கறி, பழ தோட்டங்களக மாற்றின. இந்த பயிர்களின் வேர்களால் பூமிக்கு பயன் கிடையாது. மண் பிடிமானம் இழந்து, சின்ன மழைக்கே நிலம் பாளம் பாளமாக பெய ர்ந்து விழுகிறது. நிறுவனங்கள் இன்சூரன்ஸ் கணக்கை பார்க்கும்போது, பாதிக்கப்பட்ட அப்பாவி குடும்பங்கள் நிவாரணத் தை எதிர்பார்த்து நிற்கும்.

இன்னொரு காரணம் சுற்றுலா. எத்தனை வாகனங்கள் மலையேறி வந்தாலும் 'ஜர்கண்டி, ஜர்கண்டி' என்று ஊருக்குள் அனுமதிக்கிறார்கள். அவர்கள் வசதியாக தங்கி அனுபவிக்க விடுதிகள், குடில்கள், ஓட்டல்கள் கட்டு வது அதிகரிக்கிறது. தேவை அதிகமாகிறது, சூழல் கெடுகிறது. சோகத்தை சுமந்து நிற்கும் நீலகிரி மக்களுக்கு நிவாரணம் வழங்குவதில் அரசு எந்திரம் சுறுசுறுப்பாக இயங்குகிறது. நிரந்தர தீர்வு ஏற்படாதா என்ற ஏக்கமும் மலையெங்கும் எதிரொலிக்கிறது்.

நீலகிரி மாவட்டத்தில் நிலச்சரிவுகளின் எண்ணிக்கையும், பலியானோர் எண்ணிக்கையும் ஆண்டுதோறும் உயர்ந்து கொண்டே வருகிறது. அமைச்சர்கள் மேற்பார்வையில் மீட்பு மற்றும் நிவாரணப் பணிகள் தீவிரமாக நடந்தாலும், 40-க்கும் மேற்பட்டோரின் உயிரிழப்புக்கு என்ன ஆறுதல் கூறிவிட முடியும்!

அதிக அளவு மழை பெய்திருப்பதை நிலச்சரிவுக்கு ஒரு காரணமாகக் கூறினாலும், இதை இயற்கையின் பேரிடர் என்பதைக் காட்டிலும், மானுடத்தின் பிழை என்றுதான் சொல்ல வேண்டியிருக்கிறது.

1994-ல் மேட்டுப்பாளையம் - உதகை சாலையில், மரப்பாலம் பகுதியில் ஏற்பட்ட மிகப்பெரிய நிலச்சரிவின் போதே, இதற்கான காரணங்களையும், இனிவரும் காலங்களில் எத்தகைய அணுகுமுறை மூலம் இதைத் தவிர்க்க முடியும் என்பது குறித்தும், பல்வேறு அமைப்புகள் கருத்துத் தெரிவித்த பிறகும், அது குறித்து எந்த நடவடிக்கையும் அரசு மேற்கொள்ளவில்லை என்றால் வேறு என்னதான் சொல்ல முடியும்?

நீலகிரியில் நிலச்சரிவு என்பதே 1970-க்குப் பிறகுதான் சிறிய அளவில் ஏற்படத் தொடங்கியது.

நீலகிரியில் உள்ள குன்றுகள் அனைத்துமே முழுக்கமுழுக்கப் பாறைகளால் அமைந்தவை அல்ல. பெரும்பாலான குன்றுகள் கால்பங்கு பாறை, முக்கால் பங்கு மண்ணாக இருப்பவை. சில இடங்களில் பாறைகள் பாதி, மண் பாதி கலந்து நிற்கிறது. அந்தந்தக் குன்றுகளில் உள்ள பாறை, மண் விகிதம் மற்றும் கடல்மட்டத்தின் உயரத்துக்கு ஏற்ப தனக்கான தாவரங்களையும் மரங்களையும் நீலகிரி மலை தனக்குத்தானே வளர்த்து செழித்திருந்தது - திப்பு சுல்தானிடமிருந்து பிரிட்டிஷ் அரசின் கைக்கு மாறும்வரை.

பிரிட்டிஷ் அரசின் அன்றைய கோயமுத்தூர் கவர்னர் ஜான் சலைவன் இந்த மலைக்கு முதலில் சென்ற பிரிட்டிஷ் அதிகாரி. மலையின் அழகும், அதன் குளுமையும் பிடித்துப்போனதால், பிரிட்டிஷ் அதிகாரிகளுக்கான கோடை வாசஸ்தலமாக மாற்றினார். சென்னை ராஜதானியின் பிரிட்டிஷ் அதிகாரிகள் வருவதற்காகவே மலை ரயில் பாதை (இரு தண்டவாளங்களுக்கு இடையே பல்சக்கரங்களுடன் ஒரு தண்டவாளம் இருக்கும் வகையில்) அமைக்கப்பட்டது. கவர்னர் சலைவனின் இந்த ஊடுருவலை மலைவாழ் மக்களான படுகர், தோடா இனத்தவர் எதிர்த்தனர். அந்தப் பழங்குடி மக்களை நூற்றுக்கணக்கில் கொன்றுதான் தனது விருப்பத்தை அவரால் நிறைவேற்ற முடிந்தது.

கோடை வாசஸ்தலம் என்பதோடு, இங்கே தேயிலை பயிரிட முடியும் என்பதையும் கண்ட ஆங்கிலேயர்கள், அதற்காக காடுகளை அழித்தனர். இந்திய விடுதலைக்குப் பிறகு, இந்த மலையின் பாறை - மண் கலப்புத் தன்மையைப் புரிந்துகொள்ளாமல் கிடைத்த இடங்களையெல்லாம் தேயிலைத் தோட்டம் அமைப்பதற்காகக் காட்டை அழித்தனர்.

1970-களில் தேயிலைக்கு நல்ல விலை கிடைத்ததால் காடுகளை அழித்து தேயிலைத் தோட்டம் அமைக்கும் பணி மிகத் தீவிரமாக நடைபெற்றது. எத்தகைய மழையிலும் வேர்களால் மண்ணைப் பிடித்துக் காத்துநின்ற மரங்களும் புல்வெளிகளும் அழிக்கப்பட்டபிறகு, மழையில் வெறும் மண் கரைந்தது. நீர் ஊறி, ஓதம் தாளாமல் மண்முகடுகள் சரிந்து, மனிதர்கள் இறப்பது வாடிக்கையானது. நீலகிரியின் பல்லுயிர்ப்பெருக்கம் (பயோ டைவர்சிட்டி) முற்றிலும் பாதிப்புக்குள்ளானது.

தேயிலைத் தோட்டங்களுக்காக மலை அழிக்கப்பட்டது ஒருபுறம் இருக்க, சுற்றுலாத் தலமாக மாறியதால் பயணிகள் எண்ணிக்கை பலநூறு மடங்கு அதிகரித்தது. இவர்களுக்காக காடுகள் மறைந்து, கட்டடங்கள் முளைத்தன. உதகை, குன்னூர் இரண்டு இடங்களில் மட்டும் சுமார் 500 விடுதிகள், விருந்தினர் இல்லங்கள் உள்ளன. சரியான கழிவுநீர் வாய்க்கால்கூட உதகை, குன்னூரில் இல்லை என்பது சிக்கலை மேலும் சிக்கலாக்கிக் கொண்டிருக்கிறது.

1994 மரப்பாலம் நிலச்சரிவின் போதே, தொலையுணர் தொழில்நுட்பத்தின் மூலம் மலையின் தன்மையையும், காட்டின் அளவையும் கண்காணித்து, அதற்கேற்ப தடுப்பு நடவடிக்கைகள் மேற்கொள்ள முடியும் என்று தெரிவிக்கப்பட்டது. இப்போது தொலையுணர் தொழில்நுட்பத்தில் பலபடிகள் முன்னேறியுள்ள நமக்கு, நீலகிரி மலைகளின் வகைகளையும், எத்தகைய காடுகள் அங்கே இருந்தால் நிலச்சரிவு ஏற்படாது என்பதையும் மிகத் துல்லியமாகக் கணிக்க முடியும்.

ஆக்கிரமிப்பாலும், காடு அழிப்பாலும் முற்றிலும் மாறிக்கிடக்கும் "ஒத்தக் கல் மண்டூ' என்கிற உதகமண்டலம், குன்னூர் மற்றும் கோத்தகிரி மலைகளில் மழை பெய்தால், எந்தெந்தப் பகுதிகள் வழியாக மழை நீர் கீழே இறங்குகிறது என்பதைக் கண்டறிந்து, தேவையான இடங்களில் நீர் வெளியேற வாய்க்காலும், மண்கரையாமல் இருக்கக் காடுகளும் வளர்க்க முயல வேண்டும்.

பாறையின்றி மண்மேடுகள் மட்டும் இருக்கும் பகுதிகளில் வீடுகள் கட்டத் தடை விதிப்பதும், போக்குவரத்து வசதி என்ற பெயரில் நீலகிரியில் புதிய சாலைகள் அமைப்பதைக் கைவிடுவதும்கூடப் பயன்தரும்.

நீலகிரி மலையில் சமவெளியாகப் பரந்து கிடக்கும் புல்வெளிகூட, தன் வேர்களால் அந்த மண்மலையைத் பிடித்துக் காத்து நிற்கிறது என்பதைப் புரிந்து கொண்டால்தான், மலையரசி "கரையாமல்' நிற்பாள்; மனிதரையும் அழ வைக்க மாட்டாள்.

புகைப்பட போட்டி- பரிசு

2009-11-06T05:34:00.000-08:00

தமிழக வனத்துறை கழிந்த அக்டோபர் 12ம் தேதி வன உயிரின வார விழா 2009 வாக கொண்டாடினர்.ஸ்காட் கிருஸ்தவக் கல்லூரியில் விழா ஏற்பாடுகள் செய்திருந்தனர்.அதில் புகைப்பட போட்டியும் நடந்தது.சுமார் 12 புகைப்படகலைஞர்கள் போட்டியில் கலந்து கொண்டனர்.அதில் எனது இந்த புகைப்பட‌த்திற்கு மூன்றாம் பரிசு கிடைத்தது.நான் பரிசு கிடைக்கும் என எதிற்பார்த்த படம் இவைகள்.

புகைப்பட போட்டியில் பரிசு கிடைத்த‌து இந்த‌ ப‌ட‌த்திற்கு.

பொங்கு ச‌னி

2009-10-22T05:20:00.000-07:00

இந்த தடவை சுத்த சைவமா எல்லாரும் இருக்கனும் பார்த்துகிடுங்கன்னு... ஆர்டர் போட்டார் அன்னாச்சி.

எங்க போகப்போறோம் தெரியும்ல்லா...திருநள்ளர்க்கு இப்படி அன்னாச்சி ஆரம்பித்து வைத்தார்.பிறகு அந்த டூரை பத்தியே பேசி பேசி அதை அப்படி இப்படின்னு டெவலப்பு செய்தது நண்பர் ஐயப்பனுடைய வேலையாக‌ இருந்தது. அன்னாச்சி யாரும் குடிக்க கூடாதுன்னு கண்டிப்புடன் எல்லோர்ட்டையும் சொல்லிட்டார்.ஆக அது ஒரு பக்திமயமான டூர் மாதிரி வடிவத்திற்குள் வந்து விட்டது.

சீன பழமொழி ஒன்று நாபகத்திற்கு வந்தது ஆயிரம் புத்தகங்கள் படிக்காதவனும்,ஆயிரம் மையில் தூரம் நடக்காதவனும் வாழ்க்கையில் எதையும் காணாதவன் என்று.

அக்டோபர் 2ம் தேதின்னு நாளும் குறித்தாகிவிட்டது.அன்னாச்சிக்க டாட்டா சுமோ அதன் டிரைவராக விஜயன் ஓட்டவேண்டும் என்று முடிவானது.குறிப்பிட்ட நாளும் கிழமையும் வந்தது,அன்னாச்சிக்க வண்டியும் வந்தது டிரைவர் விஜயன் உட்பட அனைவருக்கும் அதிர்ச்சி, காரணம் அன்னாச்சிக்க டாட்டா சுமோ அரிது பழதான நிலையுள்ள கிடுவு வண்டி.ஒருவர் முகத்தை ஒருவர் பார்த்துக்கொண்டனர். இதிலா இத்தனை தூரம் நாம் பயணம் போவது என வினா மனதில் எழும்பியது.

டிரைவர் விஜயன் முழி பிதுங்கி காணப்பட்டார் ரகசியமாக அருகில் போய் கேட்டேன் எப்படி என்ன செய்வது என்று.எல்லா பாரத்தையும் ஆண்டவன் மேலே போடுவேம் அவன் பாத்துகிடுவான் எல்லாரு வண்டியில ஏறுங்கன்னு தைரியம் சென்னார்.வண்டி புகையை கக்கிய படி நாக‌ர்கோவிலிருந்து கிளம்பியது.

வழியில முப்பந்தல் அம்மன் கோவிலில்,பனகுடியில‌ மாதாகோவிலில் வேண்டிக்கொண்டு எங்கள் பயணம் ஆரம்பித்தது.

வண்டியின் கண்டீசன் மிக மோசமான நிலை.அன்னாச்சியும் அவர்களின் நண்பர்களிடையேயும் எந்த விதமான பதட்டமும் காணமுடியவில்லை.இரவு முழுதும் தொடந்த எங்கள் பயணம் அதிகாலை திருநள்ளார் நெருங்கி ஒரு ஊரில் பம்புசெட்டின் முன்னால் நின்றது.சுகமான பம்புசெட் குளியல்.திருநள்ளாரின் மூண்று கிமி முன்னதாக போலிசாரால் தடுத்து நிறுத்த பட்டோம் அங்கே அதிகபடியான வண்டியும் ஜனக்கூட்டமக இருந்தது. டிரைவர் விஜயன் அள்ளிவிடார் போலீசிடம் கலவரத்தை படம்புடிக்கிற பத்திரிகைகாரங்க வண்டியில இருக்காங்கன்னு.சலூட்டடித்து வழியனுப்பினர் போலீஸ்.திருநள்ளாரின் கோவிலருகிலேயே வண்டி போய் சேர்ந்தது.

அன்று சனிப்பெயர்ச்சி கட்டுகடங்காத கூட்டம் எங்கும் ஒரே ஜனத்திறள்.வெறும் வயிற்றேடு சாமியை தரிசனம் செய்ய நண்பர்கள் நின்றார்கள் சுமார் நான்கு மணிநேரம் கீவுவில்.அப்படியும் கனநொடிப்பொழுதுதான் சாமி தரிசனம் தான் நண்பர்களுக்கு கிடைத்துள்ளது.நான் வழக்கம் போல கேமிராவேடு ஊர் சுற்றினேன்.

திருநள்ளாரின் குளத்தில் நீராடிவிட்டு ஏதாவது உடமையை விட்டு விட்டு வரவேண்டுமாம் இது ஐதீகம்.செய்த பாவஙகள் விட்ட உடையையேடு போய்விடுகிறதாம்.குளக்கரையிலும்,வழியெங்கிலும் பழைய துணி்களும் பிஞ்சுபோன பையும்,ஜட்டி,பிரா,ஜம்பர் சேலை இப்படி இரைந்து கேட்பாரற்று கிடக்கிறது.நாலு பாவப்பட்டவங்களுக்கு இந்த துணிகளை கொடுத்ருந்தால் புண்ணியம் கிடைச்சிருக்கும்.

தேங்காய் விடலை போடும் இடத்தில் குவியல் குவியலாக தேங்காய் உடைபட்டு கிடக்கிறது.

மிக அருகாமையில் தான் காரைக்கால் உள்ளது அங்கு சரக்கு விலை குறைவு என டிரைவர் விஜயன் சிறப்பு தகவல் தர.அன்னாச்சியிடம் தீடீர்ன்னு ஒரு மாற்றம் கிளப்புங்கப்பா வண்டியைன்னு அன்னாச்சி உத்தரவு தந்தார்.பிறகு என்ன காரைக்கால் போய் சேர்ந்தோம். ஏசி ரூமில் ஜேடிஃப் மூடிகள் திறந்தன.உற்ச்சாகம் மடை திறந்தது போல ஓடியது.இரவு காரைக்காலில்.

சுத்த சைவம் என்ற கட்டுப்பாடுகள் எல்லாம் தகர்ந்தது.

திருநள்ளாரில் பாவங்கள் தொலைந்ததா ? நம்மை பிடித்தி்ருந்த சனி இத்தோடு விட்டுவிட்டதா? இல்லை தொடர்கிறதா என்ற கேள்வி மட்டும் என் முன் இன்றும் நிற்கிறது.

தங்க நாற்கர சாலையில் பயணம் மி்கவேகமனது.ஆனால் மிக நீண்ட விரிந்த அந்த வழியில் மரங்களோ செடிகளோ காண முடியவில்லை பொட்டல் காடாக உள்ளது.ஆனால் ஊர்களின் உட் புற சாலையில் பயணம் மிக ரம்மியமாக இருந்தது அடர்ந்து விரிந்த மரங்கள் வானமா குடை பிடித்து வந்தது.இரும‌ருங்கும் சாலையில் மரங்கள் அணிவகுத்து நின்றது.அத‌ன் ஊடே ம‌ஞ்சள் வெயில் உட் புகுந்து கோடுகிழித்து வந்தது.

மழை வெள்ளம் கரைபுரண்டு ஆந்திராவிலும் கர்நாடகாவிலும் ஓடினாலும் தமிழ் நாட்டில் தண்ணீர் பஞ்ச‌ம் உள்ளதகவே தெரிகிறது ஆங்காங்கே தண்ணீர் குடங்களோடு மக்கள் அலைவதை காணமுடிந்தது.

ச‌னிப‌க‌வானை பார்த்தாயிற்று இனி பொங்கு ச‌னிப‌க‌வானை பார்க்க‌வேண்டும் என்றார் அன்னாச்சி என‌வே திருகொள்ளிகாட்டு போனோம்.அதுவும் திருக்குவ‌ளை தாண்டி நீண்ட‌ ஒத்தைய‌டி ப‌ய‌ண‌ம்.வ‌ழிநெடுக‌ வ‌ய‌ல்வெளியும் ப‌ச்சை ப‌ச‌லென‌ க‌ண்க‌ளுக்கு விருந்துதான்.த‌ஞ்சையின் நெற்க‌ளைஞ்சியம் மிக் பிர‌மிப்பாக‌ இருந்த‌து ஒருப‌க்க‌ம் நாத்தை ந‌டுகிறார்க‌ள் இன்னொருபுர‌ம் க‌திர் அறுக்கிறார்கள்.

நெல் ம‌ணியில் ப‌த‌ரை உத‌ற‌ தெரிந்த‌ மானிட‌னுக்கு வாழ்வில் ப‌தறு என்ற‌ தீமைக‌ளை உத‌ற‌ இறைவ‌னை நாடுகிறான்.

வ‌ழியில் கீர‌ல‌த்துர் என்ற‌ ஊரில் வ‌ண்டியை இளைப்பாற‌ விட்டோம்.நண்பர்களும் தாக சாந்தியில் ஈடுபட்டனர்.அங்கு ஒரு பொட்டிகடை வாச‌லில் போஸ்ட்பாக்ஸ் க‌ட்டி தொங்க‌விட்டுருந்த‌து அதை பூட்ட‌வில்லை திற‌ந்து பார்த்தால் ந‌ம‌து நாட்டின் ச‌க‌ பிர‌ஜை பொருப்பாக‌ தீப்பெட்டி வைக்க‌ ப‌ய‌ன்ப‌டுத்துகின்ற‌ன‌ர்.ஈமெயில் வ‌ந்த‌ பிற‌கு கிர‌ம‌ங்க‌ளில் கூட‌ த‌பால் எழுது ப‌ழ‌க்க‌ம் இல்லை என்ப‌தை உண‌ரமுடிந்த‌து.

மாலை ஆகிவிட்ட‌து த‌ஞ்சை பெரிய‌ கோவிலுக்கு வ‌ரும்போது.சில்ல‌வுட்டில் புறாக்க‌ள் கோவிலின் கோபுற‌த்தை நோக்கி ப‌ற‌ந்தன‌.

வேதசகாயகுமார் 60 - சிறப்பு இலக்கியச் சந்திப்பு

2009-10-08T18:22:00.000-07:00

வேதசகாயகுமார் 60

மொழிதான் ச‌மூகத்தைக் கட்டமைக்கிறது.

பதினெட்டாம் நூற்றாண்டில் பார்ப்பனருக்கு விடுதலை தந்தது மொழி.இருபதாம் நூற்றாண்டில் தலித்துகளுக்கும் மொழிதான் விடுதலை தந்தது.தலித் இலக்கியம் தலித் இயக்கத்துக்கும் வித்திட்டது போன்று கடற்கரைச் சமூகத்தைத் தட்டியெழுப்பும் சக்தி கொண்ட இலக்கியங்கள் நெய்தல் நிலத்திலிருந்து உருவாக வேண்டும் என்னும் கருத்தியலுடன் இலக்கிய விமர்சகர் வேதச்காயகுமார் அவர்கள் கடந்த இரண்டாண்டுகளாகக் கடற்கரைப் படைப்பார்வலர்களை நெறிப்படுத்தி,வழிநடத்தி வ‌ருகிறார்.

மொழியைக் கையிலெடுத்துக் கொள்வதன்மூலம் நெய்தல் ச‌மூகம் தன் விடுதலைத் தேடிக் கொள்ள வேண்டும் என்பது அவர் நிலைப்பாடு.அறிவுத் தளத்தில் இயங்கும் இளம் தலைமுறையைக் கடற்கரைச் சமூகத்தில் உருவாக்கிவிட வேண்டும்,கடற்கரைப் படைப்பாளிகள் போதனை மொழியிலிருந்து விடுபட்டுப் பொதுப்பரப்பின் உரையாடல் மொழியைக் கைப்பற்றவேண்டும் என்பது அவரது பேராவா. இதற்கெனத் தம் நேரத்தையும் அறிவுவளத்தையும் படைப்பாளிகளுடன் தொடர்ந்து செலவிட்டு வருகிறார் அவர்.

இலக்கியவாதியாகவும் ஆய்வாளரகவும் இலக்கிய விமர்சகராகவும் தமிழ் உலகுக்கு ந‌ன்கு அறிமுகமான பேராசிரியர் வேதசகாயகுமார் நெய்தல் படைப்பாளிகள் கூடுகையின் நெறியாளராகவும் விளிம்பு மக்களின் வளர்ச்சியில் அக்கரை கொண்ட உங்களின் பங்களிப்பை நாங்கள் பதிவு செய்யக் கடன்பட்டுள்ளோம்.

பேராசிரியர் வேதசகாயகுமார் தனது 60 வயதை நிறைவு செய்வதை முன்னிட்டு இந்த சிறப்பு இலக்கியச் சந்திப்பு நிகழ்கிறது.

அனைவரும் வாருங்கள்....

குமரி நெய்தல் படைப்பாளிகள்.

நிகழ்ச்சி நிரல்

இடம்:கார்மல் மேல்நிலைப்பள்ளி வாளாகம்,நாகர்கோவில்.

நாள்:11 அக்டோபர் 2009 மாலை 2 மணிக்கு

தலைமை: அருட்திரு. பிரான்சிஸ் ஜெயபதி

வரவேற்றல்: ஜ‌வஹர்ஜி

ஆய்வுகட்டுரை: ஆன்றனி கிளாரட்(விழித்தெழும் விளிம்புகள்)

கவிதை வாசித்தல்:நேசன் (முண்டம்)

கதை நிகிழ்த்தல்:குறும்பனை சி.பெர்லின்

(முடுதம் பாய்)

உரை:வறீதையா கான்ஸ்தந்தின் (ஒரு பூவாளியும் சில பூச்செடிகளும்)

சிறப்புரை:ஜெயமோகன்

ஏற்புரை:பேராசிரியர் வேதசகாயகுமார்

தலைமையுரை:அருட்திரு.பிரான்சிஸ் ஜெயபதி

நன்றியுரை: கோடிமுனை கென்னடி

மரப்பறவை

2009-10-07T05:22:00.000-07:00

மரம் கொத்தியா மரம்குத்தியா...

குமரி மாவட்டத்தில் சடையால்புதூர் கிராமத்தில் ஜேசுராஜா என்பவரது வீட்டில் மரம் ஒன்றில் முறிந்து காய்ந்து போன கொம்பு ஒன்று நீண்ட கழுத்து கொண்ட பறவை போன்றதொரு தோற்றத்தில் உள்ளது.

நண்பர் புகைப்படகலைஞர் ராஜுவின் கேமரா கண்களுக்கு வித்தியசமாக அது பட அதை பட‌ம் பிடித்து வந்துள்ளார்.அவருக்கென பிளாக் வசதிகள் ஏதுமில்லாத காரணத்தால் அதை பிரசுரம் செய்ய எனது பிளக்கில் இடம் கொடுத்துள்ளேன்.

அவருக்கு நமது வாழ்த்துக்கள்....

கொலைக்குடில்

2009-09-15T23:34:00.000-07:00

நதியின் மடி சுரண்டி

மணல் வந்தது
பர்வத உடல்சிதைத்து

கல் வந்தது

வனம் அறுத்து

கதவும் ஜன்னலும் வந்தது

புவித்தாயின் மார்பில்

துளையிட்டு உறுஞ்சியதில்

நீர் வந்தது

வாஸ்து பார்த்து

வானம் தோண்டி

இறந்து போன

இயற்கையின் உடல் அடுக்கி

விண்முட்டும் உயரத்தில்

என் புது வீடு

அத்தனையும் அழித்த

களைப்பில் நான்

வீழ்ந்து கிடக்கின்றேன்

நடு வீட்டில் பளிங்குகல் மீது

வாசலில் கட்டிய மாவிலை

நகைக்கிறது என்னை பார்த்து

Daniel Beltra returns from Prince's Rainforests Project Assignment

2009-08-09T06:14:00.000-07:00

Daniel Beltra, courtesy of The Prince’s Rainforests Project and Sony
Earlier this year photojournalist Daniel Beltra was announced as the winner of the Sony World Photography Awards 2009 Prince’s Rainforests Project (PRP) Award. Receiving the award at the Gala ceremony was just the beginning for Daniel as his prize was a fully-funded assignment to document the rainforest regions of the Amazon, the Democratic Republic of Congo and Indonesia. We caught up with Daniel just as he arrived back from the last stage of shooting in Borneo.
How did you feel receiving the Sony World Photography Prince’s Rainforests Project Award?
It’s a tremendous honour and an incredible opportunity. Just going to the main tropical rainforests in the world and coming back in one piece is an achievement in itself. I had only three or four weeks per country which is not much given the scope of the project. Since February when Scott called to tell me I was the winner life has been extremely intense!
How have you found the experience of documenting the rainforest regions of the Amazon, the Congo and Indonesia?
I worked a lot in rainforests for many years so in some respects it was not a new experience. It was very interesting to go from one rainforest to the next so quickly. It was my first time in the Congo so that was definitely a highlight for me but it was the hardest of the three regions to work in because the conditions are really difficult. It’s saddening to see what’s happening to our rainforests but it feels good to be doing something about it.
The three rainforests are all suffering in different ways. The Amazon is getting lost at a very fast pace thanks to the logging, agriculture and meat production of large companies. In the Congo, it’s a different story; it has been through political turmoil so people have been trying to make money from the logging in the rainforest to survive. As the country stabilises the rainforest risks becoming vulnerable to big companies moving in. Indonesia is in the worst shape of all three of them, for example, Sumatra only has 15% of its rainforests left and the whole of Indonesia has lost around half of its rainforest. A lot of the problems come from carbon released by the burning of peat lands to dry the land out for agriculture, palm oil plantations and paper and pulp (Acacia and Eucalyptus plantations).
The Prince’s Rainforests Project aims to raise global awareness about the impact deforestation is having on our planet. Is this something you feel strongly about personally?
Yes of course, I’ve been working on it for over 10 years during which I’ve worked closely with Greenpeace. Deforestation is a drama happening and I think we need to expose it. I’m a photojournalist by trade but since the beginning of 90’s I’ve been working on conservation issues and it has become my speciality.
What was the highlight of the assignment for you?
Well the highlight was to meet Prince Charles! Even though it wasn’t part of the trip, to see him so motivated, concerned and personally involved in a subject like this was amazing. He has the power to reach a lot of people so it’s great that he has this commitment.
On the trips you see so much deforestation so when I had time to spend in a pristine area it was a real treat. Being with the Orang-utans at a rehabilitation centre for them in Sumatra was very special; the Centre takes them in to the forest and teaches them how to survive in the wild again. We share the largest part of our genetic code with them so it’s really interesting to interact with them.
What are your plans once you return from the assignment and do you have any particular hopes for your future as a conservational photographer?
I just want to keep doing what I’ve been doing. I want to have my voice heard. I want to slow down or reverse the damage that’s been done. The project is still going on; I am editing the photographs now in preparation for exhibitions of the photographs opening later this year and for a book.
Sony and the PRP are delivering a stunning interactive exhibition that will combine Daniel’s new photographs with Sony technology to allow people to experience the glory of the rainforests and understand their plight. The exhibition will open at Kew Gardens, London on October 3rd 2009. More details on other exhibitions and book will be announced on our News page soon.
To watch HRH the Prince of Wales talking about the Award
Daniel Beltra, courtesy of The Prince’s Rainforests Project and Sony

ஒன்றுசேர்ந்து

2009-07-24T08:34:00.000-07:00

சென்னையில் கழிந்த 19ம் தேதியன்று புகைப்பட கலைஞர்களின் சங்கமம் நடைபெற்றது. அதை புகைப்பட கலைஞர்களின் திருவிழா என்று கூட‌ எடுத்து கொள்ளலாம். தமிழகம் மற்றும் தென்னிந்தியாவின் பல பகுதிகளில்லிருந்தும் புகைப்பட கலைஞர்கள் படையெடுத்து சென்னைக்கு வந்திருந்தனர்.நந்தனம் டிரேட் சென்றரில் பல விதமான புகைப்படத்துறை சார்ந்த நிறுவனங்களும் வந்து குவிந்திருந்தனர்.பல்வேறு உயர் தொழில் நுட்ப கருவிகளையும் அரங்கில் காணமுடிந்தது.சென்னை நகரில் வாடகை ரூம் கிடைப்பது குதிரை கொம்பாகி போயிருந்தது.வருடந்தோரும் நடைபெரும் இந்த திருவிழாவிற்கு இந்த தடவை மிகவும் அதிகமான‌ புகைப்பட கலைஞர்களை வரவைத்திருந்தது.கரணம் "புவி வெப்படைதல்" விழிப்புனர்வு என்ற நிகழ்வாகும்.
ஒரு குறிப்பிட்ட‌ உல‌க‌ உருண்டை போன்ற‌தெரு உருவ‌த்தை சுமார் ஐந்த‌யிர‌ம் புகைப்ப‌ட‌ க‌லைஞ‌ர்க‌ள் ஒன்றுசேர்ந்து கேமிராவால் ஒரே நேரத்தில் ப‌ட‌ம் ப‌திவு செய்த‌ன‌ர்.இந்த‌ நிக‌ழ்வை கின்ன‌ஸ் சாத‌னையிலும் ம‌ற்றும் லிம்கா சாத‌னையிலும் இட‌ம்பெற‌ செய்வ‌த‌ற்கும் ஏற்பாடுகள் செய்திருந்த‌ன‌ர்.
ஒரே நேர‌த்தில் ஒரே இட‌த்தில் அத்த‌னை க‌லைஞ‌ர்க‌ளும் கேமிராவோடு குழுமியிருந்த‌து காண‌ க‌ண் கொள்ளாத‌ காட்சியாக‌யிருந்த‌து.
நிக‌ழ்சி ஏற்பாடு செய்த‌ அமைப்பாள‌ர்க‌ள் மிகவும் பார‌ட்டுக்குறிய‌வ‌ர்க‌ள்.

"புவி வெப்படைதல்" விழிப்புனர்வு என்ற நிகழ்வை ம‌ன‌தில் கொண்டு கலைஞர்கள் ‌ ஃப்ளாஸ்க‌ளை தவிர்த்திருந்தால் இன்னும் இந்த நிகழ்வு அர்த்த‌முடையதாக‌ இருந்திருக்கும்.

பறவைகளுக்கு ஆபத்து

2009-07-13T08:38:00.000-07:00

"தடம்" புகைப்பட ஆர்வலர்களின் அமைப்பில் இந்தமாத அமர்வில் நண்பர்கள் ஒரு வேண்டுகோள் விடுத்தனர்.நாமெல்லாம் சேர்ந்து போய் பறவைகளை படம் எடுக்கலாம் என்றனர்,கூந்தங்குளம் பறவைகள் சரணலயம் போவது என‌வும் முடிவானது.

அதிகாலை 5மணிக்கெல்லாம் வேப்பமூடு செல்வம் டீ ஸ்டால் கிட்ட எல்லரும் வந்து சேர்ந்தோம்.எங்க பயணத்திற்கான காரும் ரெடியா இருந்திச்சு,இருள் கவ்விகிடந்தது, அதிக அளவு ஆள் நடமாட்டம் ஆரம்பிக்காத வேளை. ராத்திரி முழுதும் தெருவில் மேய்ந்தும் சுவரில் போஸ்ட்டர் கிழித்தும் தின்ற அசதியில் நடு ரோட்டில ஏழ எட்டு மாடுகள் படுத்து கிடந்து, அதுகள் அசை போடுவதை இருட்டுல பார்க்கும் போது மாடுகள் தங்களுக்குள்ள மவுன‌ மொழியில் பேசிகொள்வது போல இருந்திச்சு.டீ மாஸ்ட்டர் ஜெகனிடம் ஆளுக்கொரு டீயை போட சொன்னோம் அப்போது டமாரன்னு ஒரு பய‌ங்கர சத்தம்.குட‌வே ம்ம்மாஆ என்ற‌ க‌தறுலும் கேட்டுச்சு பார்த்தா,ஒரு செவ‌ல நிற கண்ணுகுட்டிய‌ கார்க‌ர‌ன் அடிச்சுபோட்டுட்டு வேகமா அந்த கார் இருட்டுல மறஞ்சு போயிருச்சு.ஐயோ மாட்ட‌ அடிச்சுட்டான்னு நாங்க‌ ப‌தறும் போதே அடுத்த‌ கொடுமை எங்க‌ க‌ண்ணுமுன்னாலேயே நட‌ந்திச்சு, தொட‌ர்ந்து வ‌ந்த‌ ரெண்டு ப‌ஸ்கள் வ‌ரிசைய‌ ஒன்ற‌ன் பின் ஒன்றாக‌ அந்த‌ க‌ண்ணுகுட்டி மேல‌ ஏறி இற‌ங்கி ந‌சுக்கி ச‌தைச்சு போட்டுட்டு போய்ட்டாங்க‌.ந‌சுங்கி கூழாகிபோன‌தால் அதை இழுத்து ஒரு ஓர‌மாக‌கூட‌ போட‌ இய‌லாத‌நிலை எங்களுக்கு, ஒருவித‌ வ‌ருத்த‌த்தோடு‌ பார்வையள‌ர்க‌ளாக‌வே காரில் ஏறி அங்கிருந்து கிள‌ம்பினேம். நாக‌ர்கோவில் ந‌க‌ரில்‌ இப்போதெல்லாம் நிறைய‌ மாடுக‌ள் சுற்றி திரிகின்றன ரோடுக‌ளில்,தெருக்க‌ளில்,ச‌ந்தையில்,பேருந்து நிலைய‌த்தில்,போன்ற‌ ஜ‌ன‌ங்க‌ள் புழ‌ங்க‌கூடிய‌ இட‌ங்க‌ளில் மாடுக‌ளும் ச‌க‌ஜ‌மாக‌ வ‌ல‌ம்வ‌ருகிற‌து.கோமாதா என‌ புனித‌மாக‌ வ‌ண‌ங்க‌கூடிய‌ பசுக்க‌ள் ப‌ரிதாமாக‌ தெருபற‌க்குகிற‌து.சிவ‌ன் கோவில்களுக்கு நேர்ச்சையாக‌ மாடுகளை நேர்ந்து இவை விடப்ப‌டுவ‌தாக‌வும் அவைதான் இப்ப‌டி ஊர்சுற்றுவ‌தாக‌ விப‌ர‌ம் அறிந்த‌வ‌ர்க‌ள் செல்லுகின்ற‌ன‌ர்.எப்ப‌டியாயினும் இந்த‌ வாயில்லா ஜிவ‌ன்க‌ள் ப‌ரிதாப‌த்திற்கு உரிய‌வையே.

7 ம‌ணிகெல்லாம் நாங்க‌ள் கூந்த‌ங்குள‌ம் சேர்ந்துவிட்டோம், அந்த‌ பெரிய‌ குள‌ம் வ‌ற்றி போய் கொஞ்சூண்டு த‌ண்ணீர் கிட‌ந்த‌து.நூற்றுக்க‌ன‌க்கான‌ செங்கால்நாரைக‌ளும்,கூழக்கிடா ப‌ற‌வைக‌ளும் த‌ண்ணிகுள்ளேயும் க‌ரையிலுமாக‌ இருந்து இற‌க்கைவிரித்து ப‌ட‌ப‌டத்து வ‌ர‌வேற்ற‌து.மேக‌மூட்ட‌மான‌ வெளிச்ச‌மும்,இத‌மான‌ குளிர் காற்றும் காதுக‌ளில் ஊழையிட்ட‌து.நாங்க‌ ஆளுக்கொரு திசைக‌ளில் கேம‌ராவேடு பிரிந்து சென்றேம்.ப‌ற‌வைக‌ளின் பிர‌மான்ட‌மான‌ அணிவ‌குப்பை லென்சுவ‌ழியாக‌ பார்க்க‌ பிர‌மிப்பாக‌ இருந்தது,சிவ‌ந்த‌ நீண்ட‌கால்க‌ளை கொண்ட‌ பெயின்டட்ஸ்ட்ரோக் {செங்கால்நாரை}நீண்ட‌ அல‌கும் மொட்டைத‌லையில் ம‌ஞ்ச‌ள்நிற‌த்தை கொட்டிக்கொண்ட‌து போல‌ காட்சி அளித்த‌து.அது போல‌வே பெலிக்கான் {கூழக்கிடா} ப‌ற‌வையும் நீறுக்குள்ளேசிற‌கை மெல்ல அசைத்து கூட்ட‌மாக‌ வ‌ல‌ம்வ‌ந்த‌து.நாங்க‌ள் ப‌ட‌ம்பிடிக்க‌ எத்த‌னித்த‌ ந‌க‌ர்வில் ப‌ற‌வைக‌ளிடையே ஒருவித‌ சல‌ச‌ல‌ப்பை உருவாக்கி ப‌ற‌வைக‌ள் க‌லைந்த‌து.அவைக‌ள் க‌லைவ‌துகூட‌ ப‌ற‌ப்ப‌தை ப‌ட‌ம்ப‌திவு செய்ய‌ ஏதுவாக‌தான் இருந்த‌து,இருப்பினும் ம‌ன‌துக்குள்ளே நாம் அவைக‌ளை அத‌ன் அமைதியினை தொந்திர‌வு செய்கின்றேம் என்ற‌ குற்றஉண‌ர்வு தோன்றிய‌து.குள‌த்தின் க‌ரையில் அம‌ர்ந்திருந்த‌ அந்த‌ ஒரு மணி நேர‌மும் ப‌ற‌வைக‌ள் தாங்க‌ளின் சுத‌ந்திர‌ம் த‌டைப‌ட்ட‌தாக‌தான் உண‌ர்ந்திருக்கும்.
குள‌த்தின் உள்ளே க‌ருவேல‌ம‌ர‌ங்க‌ள் நிறைய‌ ப‌ட்டுபோய் கிட‌ந்தது.ப‌ற‌வைக‌ள் நிறைய‌ வ‌ல‌சை சென்றுவிட்ட‌தால் வெத்து ப‌ற‌வை கூடுகளை காண‌முடிந்த‌து.ப‌ர‌ந்து விரிந்த‌ அந்த‌ குள்ள‌த்தின் அருகாமையில் உய‌ர் அழுத்த‌ மின்சார‌ வ‌ய‌ர்க‌ள் செல்வ‌தை காணமுடிந்தது. இந்த‌ பறவைகள் சரணலயம் வ‌ழியாக‌ உய‌ர் அழுத்த‌ மின்சார‌ வ‌ய‌ர்க‌ள் பாதை அமைத்திருப்ப‌து மிக‌ மிக‌ ஆப‌த்தாகும் ஈரக்கால்க‌ளோடு உய‌ர‌ எழும்பி ப‌றக்கும் ப‌ற‌வைக‌ள் மின்சார்த்தில் அடிப‌ட‌ நிறைய‌ வாய்ப்பு உள்ள‌து.குள‌த்தின் உள்ளே உள்ள‌ க‌ருவேல‌ம‌ர‌ங் காட்டில் ஆங்காங்கே ப‌ற‌வைகள் இற‌ந்துகிட‌ப்ப‌தை பார்க்க‌ முடிந்த‌து அத‌ன் இற‌க்கை தூவ‌ல்க‌ளும் எலும்புகூடுக‌ளும் க‌ண்டோம்.

கூந்தங்குளத்திலிருந்து 20கிமி தொலைவில் தான் கூட‌ங்குள‌ம் அனுமின் நிலைய‌ம் அமைந்திருப்ப‌து எதிர்கால‌த்தில் ப‌ற‌வைக‌ள் வெளிநாட்டிலிருந்து வ‌ல‌சை வருவ‌தை பாதிக்கும் என்ப‌தை ந‌ம்மால் உண‌ர‌முடிந்த‌து.
ப‌ற‌வ‌க‌ளை அந்த‌ ஊர் ம‌க்க‌ள் மிக‌வும் நேசிக்கின்ற‌ன‌ர்,ப‌ற‌வைக‌ளும் அந்த‌ ஊரை நேசிக்கின்ற‌ன‌,இதை உணர‌வேண்டிய‌து அர‌சு. ச‌ட்ட‌ங்க‌ளையும் திட்ட‌ங்க‌ளையும் தீட்டுகின்ற‌ ஆளும் வ‌ர்க்க‌ம் இந்த வாயில்லா ஜிவ‌ன்க‌ளையும் ம‌ன‌தில் கொண்டு இவ‌ற்றுக்கு இடையூரு இல்லாத‌ வ‌கையில் ம‌னித‌ர்களுக்கான வளர்ச்சி திட்டங்களை தீட்ட வேண்டும்,இந்த பறவைகள் சரணாலையம் முறையாக பராமரிக்கப்படவேண்டும் குளத்திற்கான நீர்வரத்தும் குறையாத அளவு அதற்கான ஏற்பாடுகளை இனிவ‌ரும் கால‌ங்களில் அரசு செய்யவேண்டும், அதுபோல உயர் அழுத்த மின் ஒயர் களுக்கு பிளாஸ்ட்டிக் உறை அமைத்திடல் வேண்டும்.

வெளிநாட்டில்ருந்து வலசை வருவது ப‌ற‌வைக‌ள் ம‌ட்டும்மில்லை. அதேடு சேர்ந்து வ‌ச‌ந்த‌மும் சேர்ந்து வ‌ந்து ந‌ம்மை வாழ்த்தும்.

அக்டோபர் மாத போட்டிக்கு

2008-10-15T04:41:00.000-07:00

இந்தியா ஒளிர்கிறதுன்னு தமிழ் நாட்டையே இருட்டாக்கிட்டாங்க,என்ன செய்ய கரண்ட் வரட்டும்ன்னு காத்திருந்து நாள்களும் போயிருச்சு.

மஞ்ச கலருல பேப்பர் வாங்கிவந்து அதயை டேபில் மேலே விரிச்சு போட்டு பொடிக்குட்டி பிள்ளைக்க கால்லிருந்து ஸூவை கழற்றி வைச்சு அதுக்க மேல அவளுக்க இரண்டு மாலையும் கழற்றி வைச்சு,மக்கா உணக்க அந்த ரெண்டு நெயில்பாலிஸ்‍‍ சையும் தா மக்கா என கெஞ்சி அந்த ஸூவுக்க பக்கத்தில வைச்சி, ரெண்டு லைட்டையும் அந்தபக்கத்திலையும் இந்த பக்கத்திலையுமா வைச்சி,கேமிரா வழியா பாத்தா இந்த விளம்பர படம் தெரிஞ்சிது.கபால்ன்னு கிளிக்கவும்,கரண்ட் போயிருச்சு.

தெக்கல்லாம் இப்ப பூதா இருட்டுதான்.

நெஞ்சு பொறுக்குதில்லையே

2008-09-22T08:54:00.001-07:00

சின்ன வயசில் நெல்லையிலிருந்து குமரிக்கு பஸ்சில் பயணப்படும்போது ஜன்னல் வழியே சாலையை பார்த்து நான் ரசிப்பது எதிர் திசையில் ஓடிக்கடக்கும் மிகப்பெரிய மரங்களை கண்டு.
வழிநெடுக சாலையின் இரு பக்கங்களிளும் பெரிய‌பெரிய ஆலமரங்களும் அதன் நீண்ட விழுதுகளும்,தூரத்திலிருந்து பார்த்தால் குகையை கடந்து செல்வது போல இருக்கும். மரங்களின் விழுதுகள் மீது பஸ்சின் மேல் பக்கம் உரசி செல்வதால் கத்தரிக்க பட்ட பெண்களின் கூந்தல் போல அழகாக காட்சியளிக்கும்.
பஸ் பயணத்தின் போது வரலாற்று ஆசிரியர் சொல்லி தந்த பாடம் என் மனதில் படமாக காட்சிவிரிக்கும்.அசோகர் சாலையோரங்களில் மர‌ங்களை நட்டார்.மன்னர் தனது குதிரை வண்டியில் புடைசூழ பயணப்படுவது போலவும்,சோலையாக காட்சியளிக்கும் மரநிழ‌லில் மன்னர் ஓய்வெடுப்பது போலவும்,அடர்ந்த மரகிளைகளின்வூடே பொத்தல் பொத்தலாக வழிந்து வீழும் ஒளிகீற்றுகள் மன்னரும் அவரது பரிவாரங்களும் உடுத்தியிருக்கும் பட்டாடைகள் மீது ஒளிக்கதிர்களாக‌ பட்டு ஜொலிர்ப்பதையும் மனக்கண்ணில் பார்த்து லயித்துபோயிருக்கிறேன்.
ச‌மீப‌த்தில் கும‌ரியிலிருந்து வ‌ள்ளியூருக்கு பைக்கில் ப‌ய‌ண‌ப்ப‌ட்டேன்.மிக‌வும் அதிர்ச்சியாக‌ இருந்த‌து சாலை விரிவாக்க‌த்திற்காக‌வும் நால்வ‌ழி சாலைக்காக‌ வ‌ழிநெடுக‌ ஓங்கிவ‌ள‌ர்ந்த‌ அத்த‌னை பெரிய‌ விருச்ச‌ங்க‌ளையும் வெட்டி விழ்த்தியிருந்த‌ன‌ர்.ம‌ர‌த்தின் கொண்டை வெட்ட‌ப‌ட்டு முண்ட‌மாக‌ ப‌ல ‌ம‌ர‌ங்க‌ள்‌ ப‌ரிதாபாமாக‌ நின்ற‌ன‌.வீழ்ந்துகிட‌ந்த‌ ம‌ர‌ங்க‌ளுக்கெல்லாம் நூறு வ‌ய‌துக்கு மேல் இருக்கும் , க‌ரையான் அரித்து திர‌கித்து போய்கிட‌ந்த‌து.ஆத்திர‌ அவ‌ச‌ர‌த்திற்கு ஒதுங்க‌ நிழ‌லும் இல்லை, சாலை முழுக்க‌ பொட்ட‌ல் காடாக‌ கிட‌க்கிற‌து.

வழியில் ஆர‌ல்வாய் மொழி வ‌ன‌ச்ச‌ர‌க‌ செக்போஸ்ட் ஒன்று உள்ள‌து அந்த பகுதியிலும் மரங்கள் வெட்டப்பட்டு வீழ்ந்துகிடக்கிறது. அத‌ன் அருகே ஒரு அறிவிப்பு ப‌ல‌கையும் மாட்டி வைத்துள்ள‌ன‌ர்.அதை ப‌டிக்க அதில் உள்ள வாசகங்கள் என‌க்கு வேடிக்கையாக‌ ப‌ட்ட‌து. "நெஞ்சு பொறுக்குதில்லையே இந்த நிலைகெட்ட மாந்தரை எண்ணி" என் விழ்ந்து கிடந்த மரங்களை கடந்து சென்றேன்.
பள்ளிப்பருவத்தில் நெல்லை வண்ணாரப்பேட்டை நெடுஞ்சாலையில் மண்ணை கால்களால் தட்டி புழுதி பறக்க வைத்து ரசித்துக்கொண்டே நடந்ததும், அந்த சாலையோரத்தில் உயர்ந்த நாவல் மரங்களும் அதிலிருந்து வீழ்ந்து கிடக்கும் நாவல் பழங்களும் மண்களை ஊதி துடைத்து தின்ற பின்பு கைகளிளும் வாயிலும் ஊதா நிறமாக மாறியிருக்கும், வாகைமரத்தில் நீண்ட சாட்டை சாட்டையாக தொங்கும் விதையின் மீது தலைகீழாக தொங்கிகொண்டே விதைகளை கொறித்து துப்பும் கிளிகளையும்,ஆலமரவிழுதுகளை க‌ர‌ங்க‌ளால் இருக‌ ப‌ற்றிக்கொண்டு விழுதுக்கு விழுதுக்கு தாவி கொக்கிரகுளம் வரை தாவும் குரங்குகளும். இன்று வரை என் மன‌ நினைவகங்களில் பசுமயையான காட்சிகளாகும்.
பூமி அதிக ‌வெப்ப‌ம‌டைவ‌தால் ம‌ர‌ங்க‌ளை ந‌டுங்க‌ள், வ‌ன‌ங்க‌ளை பாதுகாப்போம் என‌ உல‌க‌ அள‌வில் அறிவுறுத்தப்‌ப‌டுகிற‌து. இங்கே ஒரு ப‌க்க‌ம் ப‌த‌றுக‌ளைப்போல மரங்கள்‌ வெட்டி வீழ்த்தப்‌ப‌டுகிற‌து.
திரும‌ண ‌வீடுக‌ளில் ப‌ண்டைய‌ கால‌ங்களிலிருந்தே திரும‌ண‌த்தின் இர‌ண்டொரு நாள்களுக்கு முன்பாக‌ சொந்த‌ ப‌ந்த‌ங்க‌ளையெல்லாம் அழைத்து "ஆல‌ங்கால்" ந‌டுத‌ல் என‌ ஒரு வைப‌வ‌த்தை ந‌ட‌த்தி விருந்துண்டு அத‌ன் பின் திரும‌ண‌த்திற்கு பின்பாக‌ அந்த‌ ம‌ண‌ம‌க்க‌ள் நினைவாக‌ஊரின் ஒரு ப‌குதியில் அந்த‌ ஆல‌ங்காலை ந‌ட்டு வைத்து ம‌ர‌ம் வ‌ள‌ர்க்க‌ ந‌ம்மை‌ ப‌ழக்கினார்கள் ந‌ம் முன்னேர்க‌ள்.அறிவார்ந்த‌ அந்த‌ ப‌ழ‌க்க‌மும் தேய்ந்து இன்று ஒரு ஆல‌ம‌ர‌ கிளையை ஒடித்து கொண்டுவ‌ந்து பெய‌ருக்கும் ந‌ட்டு வைத்து தூர‌தூக்கி எரிந்துவிடுகின்ற‌ன‌ர்.மண‌மேடைக‌ளில் ம‌ண‌ம‌க்க‌ள் கைக‌ளால் முளைப்பாரியிடு‌வ‌தையும் ந‌ம‌க்கு ப‌ழ‌க்க‌ப்ப‌டுத்தி த‌ந்த‌ன‌ர் ந‌ம் முன்னோர்க‌ள்.அத்த‌னையும் தூக்கி க‌டாசிவிட்டு எந்திர‌ ம‌ர‌ங்க‌ளை வ‌ள‌ர்க்க‌ நாம் சிந்திக்க‌ தொட‌ங்கியுள்ளேம்.
"அருள‌க‌ம்" என்ற இய‌ற்கை பாதுகாப்ப‌க‌ அமைப்பை சேர்ந்த‌ சு.பாரதி தாச‌ன் என்ப‌வ‌ர் இடிந்த‌க‌ரையிலிருந்து தோமையார் புர‌ம் வ‌ரை சுமார் 6 கிமீ சாலையோர‌த்தில் ம‌ர‌ங்க‌ளை ந‌ட்டு வ‌ள‌ர்த்து வ‌ருகிறாம். இவ‌ருடைய‌ இந்த‌ செய‌லும் பாரா‌ட்டுத‌லுக்குரிய‌தாகும்.

கண்ணீர் கரைகள்

2008-08-08T07:46:00.000-07:00

அலை தொடும் கரையில்

நெடுந்தூரம் பயணம் போனது கால்கள்

ஈரமான மணல்களில்

காலடிகள் அடியில்

பதுங்கி அமிழ்ந்து கொண்டது

ப‌ர‌ந்து விரிந்த‌ ம‌ன‌மென‌

க‌ட‌ல் வெளி தூர‌த்தில்

திற‌ந்தே கிட‌க்கிற‌து

உட‌ல் மீது விசிறி செல்லும்

ஏகாந்த‌ காற்று

அதில் மித‌க்கும்க‌ட‌ல் புறாக்க‌ள்

வ‌ழியெங்கும் கிளிஞ்ச‌ல் ம‌ல‌ர்

தூவிவ‌ர‌வேற்பு

ப‌ட்டு க‌ம்ப‌ள‌ விரிப்பாக‌

க‌ல‌ர் க‌ல‌ர் ம‌ண‌ல் ப‌ர‌ப்பு

அலை ஓர‌த்தில் க‌ட்டி போட்டிருந்த‌

ப‌ட‌கின் அணிய‌ம் அலையின் அசைவில்

த‌லைய‌சைத்து வா வா வென்ற‌து

உய‌ர‌ உய‌ர‌ எழும்பிய‌ அலைக‌ள்

ஓடிவ‌ந்து என் கால்க‌ளை க‌ட்டிக்கொண்ட‌து

க‌ண்ணீர் நுரைக‌ளாக‌
அலைக் க‌ர‌ங்க‌ள்

கால்க‌ளை க‌ட்டிக்கொண்டு ஓ வென‌ அழ‌த‌து
மானிடா... விட்டுவிடு

ம‌ண‌ல்க‌ளை க‌ரைக‌ளில் அள்ளுவ‌தை

விட்டுவிடு வென
ஓடிப்போய்வ‌ளையில் ப‌துங்கிய‌ ந‌ண்டு

என் முக‌ம் பார்க்க‌ த‌விர்த்துக்கொண்ட‌து
திரும்பி பார்க்கிறேன்

அலைக‌ள்

என் கால‌டிசுவ‌டுக‌ளை

அழித்து போட்டுக்கொண்டே

என்னோடு தொட‌ர்ந்து வ‌ருகிற‌து.

இரவு வேளை

2008-07-11T07:01:00.000-07:00

இரவு வேளை அது... சென்னைக்கு ஒரு வேலையாக என் நண்பரோடு போயிருந்தேன்.நாங்கள் தங்கியிருந்த அறையின் ஜன்னல் வழியே தெருவிளக்கின் வெளிச்சம் எங்கள் அறையின் உள்பக்கம் விழுந்து கொண்டுருந்தது.இரவில் தூக்கம் வராமல் விழித்து கொண்டுருந்தேன் . நாங்கள் உபயேக படுத்த கொண்டு வந்திருந்த பொருள்களை செருகி வைத்திருந்த‌ மூடியிருந்த ஜன்னலை பார்த்தால் அருமையான சில் அவுட்டாக தெரிந்தது.கிளிக்கி போட்டேன்.

இருளில் நண்பர்கள்.....

2008-06-16T06:03:00.000-07:00

பழனி அடிவாரத்தில் உள்ள‌ வீதியில் சைக்கிள் ரிக்சாவில் பயணம் செய்யும் போது, துயரத்தோடு நான் பதிவு செய்தது இந்த படம்.

தனி மனிதன் ஒருவனுக்கு உண‌வில்லையெனில் இந்த ஜெகத்தையே அழித்திடுவோம் என்றார் முறுக்கு மீசை கவி. இருப்பினும் பலரும் ஒரு வேளை உணவிற்காக அல்லாடுவதை காண முடிகிறது.

எனக்கொரு நண்பர் உண்டு.கடை வீதியில் தான் நாங்கள் முதன் முதலில் சந்தித்தோம்.அழுக்கு உடை தலையில் தலைப்பாகை,வெத்திலை போட்டு காவியேறிய பற்கள்,கண்களில் மட்டும் ஒரு வித தீர்க்கமான ஒளியிருக்கும்.பேச்சிலும் நல்ல தெளிவிருக்கும் இராமாயணம் பற்றியும்,திருக்குறளையும் தனது பேச்சினுடனே மேற்கோள்காட்டியே பேசுவார்.நானும் கலைஞர் கருணாநிதியும் திருக்குவளையில் பிறந்த ஒரே ஊர் காரர்களாக்கும் எனக்கூறி முகம் மலர்வார். நாங்கள் இரவில் தான் சந்திப்போம் காரணம் அவர் பகல் முழுதும் வீதிகளில் சுற்றித்திரிந்து பேப்பர்கள் பொறுக்குவது தான் அவரது வேலை. இரவில் க‌டைவீதியில் பூட்டிய‌ க‌டையின் முன்பு தான் நாங்கள் சந்திப்போம் அதுதான் அவ‌ர‌து விலாச‌ம். வ‌ய‌து 55 இருக்கும் ராஜா என அறிமுக‌ப்ப‌டுத்திக்கொண்டார். பகல் முழுவதும் தான் பொறுக்கிய பேப்பர்களையெல்லாம் காயிலான் கடையில் போட்டு காசாக்கிகொள்வார்.பின்பு ஓய்வெடுக்க கடைவீதீயில் பூட்டிய கடையின் முன்பு வந்து சேர்வார் அவர் வரும் போது மணி இரவு 10 ஆகிவிடும் எப்போதும்.அன்றாடம் நானும் அவரை தவறாமல் பார்ப்பதை வழக்கமாக்கிகொண்டேன் இரண்டொரு வார்த்தைகள் அவரிடம் பேசினால் தான் ஒரு வித மன நிறைவு எனக்கு.ஒரு நாள் சினிமா பற்றி வெகு நேரம் நாங்கள் பேசிக்கொண்டிருந்தோம் "பிரிவோம் ச‌ந்திப்போம்" படம் பற்றிய பேச்சு வந்தது, அவருக்கு அந்த படம் மிக பிடித்திருந்தாக கூறினார். நான் அந்த படம் பார்க்காதனால் அதை பற்றி எனக்கு ரொம்ப பேச முடியவில்லை எனவே அதை நான் கட்டாயம் பார்க்கவேண்டும் என அன்பு கட்டளையிட்டார் எனக்கு.பின்பு படத்தை பார்த்த பின்பு நானும் அவரும் ஒரு நாள் இரவில் வெகுநேரம் பிரிவோம் ச‌ந்திப்போம் படத்தை பற்றி பேசி பிரிந்தோம்.சினேகாவின் கேரக்டரை சிலாகித்து பேசினார்,உறவுகளை தொலைத்த அவருக்குள் உறவுகளை தேடுவதை என்னால் உணர முடிந்தது.ஏன் ராஜா ஐயா உங்க குடும்பத்தாரோடு போய் சேர்ந்து வாழவேண்டியது தானே என்றேன் இமையோரம் வழிந்த கண்ணீரை துடைத்துக்கொண்டு,இந்த அழுக்கு கிழவன் என்றோ தேவையில்லை என‌ ஆகிவிட்டது என்று வற‌ட்டு பெருமூச்சு விட்டார். பிறகொரு நாள் இரவில் அவரை போலீஸ் பிடித்து போனதாகவும்,கையில் வைத்திருந்த 25ரூபாயை பிடிங்கி கொண்டு கடைவீதியில் இனி படுக்ககூடாதென விரட்டிவிட்டதாக‌ வருந்தினார். இதல்லாம் அடிக்கடி நடக்ககூடியவைதான் என அவரே ஆசுவாசபடுத்திக்கொண்டார். அன்று அவர் இர‌ண்டு உண‌வு பொட்ட‌ல‌ங்க‌ளை ஒரு பையிலிருந்து வெளியே எடுத்து வைத்தார் என்னிட‌ம் ப‌ல‌தும் பேசிக்கொண்டிருந்தார்,நான் ஐயா சாப்பிட‌வேண்டிய‌துதானே என்றேன்.வ‌யிறு ப‌சிக்குது ஆனா அந்த‌ ப‌ய‌ல‌ காண‌லையே என‌ அந்த‌ இருட்டில் யாரையோ தேடினார். சிறிது நேர‌த்தில் எண்ணையே காணாத‌ க‌லைந்த‌ த‌லையுட‌ன் அழுக்கு பேண்ட் அணிந்த‌ ந‌டுத்த‌ர‌ வ‌ய‌துக்கார‌ர் ஒருவ‌ர் வ‌ந்து சேர்ந்தார்.வாடா பாபு என்ன‌டா இவ்வ‌ளவு நேரம் எங்க‌டா போய் தொலைந்தே என‌ உரிமையோடு க‌டிந்துகொண்டார்.த‌லையை க‌விழ்ந்துகொண்டு ப‌தில் ஏதும் பேசாம‌ல் நின்றார் வ‌ந்த‌வ‌ர், அந்த‌ பொட்ட‌ல‌த்தை எடுத்து அவ‌ரிட‌ம் நீட்டினார். இருவ‌ருமாக‌ சேர்ந்து சாப்பிட்ட‌ன‌ர்.அவ‌ரிட‌ம் வ‌ந்த‌வ‌ரை ப‌ற்றி விசாரித்தேன் பாவ‌ம் இந்த‌ ப‌ய‌ இந்த‌ ஊர்தான் பொண்டாட்டி யார்கூட‌வே ஓடிப்போய்விட்டாளாம் இவ‌ன் ப‌யித்திய‌மாய் திரிகிறான் என்றார்.தின‌மும் அவ‌ருக்காக‌ ஒரு வேளை உண‌வு இவ‌ர் கொடுப்ப‌தை வ‌ழ‌க்க‌மாக‌ வைத்துள்ளார்.இதில் உங்க‌ளுக்கு சிர‌ம‌ம் இல்லையா என‌ கேட்டேன் க‌ல்லுக்குள் உள்ள‌ தேரைக்கே உண‌வளிக்கும் இறைவ‌ன் இருக்கும் போது என‌க்கேது சிர‌ம‌ம் என ராஜா ஐயா புன்ன‌கைத்தார்.

சமூகத்தாலும் உறவுகளாலும் துரத்தப்பட்டும், புறக்கனிக்கப்படுகின்ற இவர்களை போன்ற பல ஜீவன்கள் ஏழ்மை,வறுமை,பிணிகள் போன்றவற்றோடு தான் இவர்களது வாழ்க்கை என்றாலும், மனிதநேயத்தோடு குண‌த்தில் உயர்ந்தவர்களாக வீதிகளில் வாழ்கின்ற‌னர்.

ஜோடி மே மாத போட்டிக்கு

2008-05-06T08:04:00.000-07:00

நம்ம ஊர் பக்கம் பறக்கை என்கிற ஊரில்தான் இந்த ஜோடிகளை பதிவு செய்தேன். இதன் பெயர் Block Winged Stilt இவைகள் பொதுவாக ஆறும் கடலும் கலக்கும் க‌ழிமுக பகுதியில்தான் கூட்டம் கூட்டமாக காணப்படும். அதுபோல ஆழம் குறைவான உப்பளத்தின் நீர்தேக்க பகுதிகளிலும் காணப்படும். உடல் முழுக்க வெள்ளை நிறத்திலும் இறக்கைகள் மட்டும் கருப்பு நிறத்தில் காணப்படுவது இதன் சிறப்பு. கால்கள் நீண்டு சிவப்பாக இருக்கும். மனிதர்களை கண்டவுடன் உறக்க கீக் கீக் என‌ சத்தம் எழுப்பி கொண்டு அந்த ஏரியா முழுவ‌தும் ஒரு ரவுண்ட் வரும் அதனால் மற்ற பறவைகள் எல்லம் உசரகிவிடும் எனவே இதற்கு லோக்கல் பெயர் ஆள்காட்டி பறவை என்பதாகும். அருகாமையில் உள்ள‌ வ‌ர‌ப்புக‌ளில் புல்வெளிக‌ளில் குச்சிக‌ளை கொண்டு கூடுக‌ட்டி முட்டையிடும். இன‌பெருக்க வேளைக‌ளில் ஆண் ப‌ற‌வை பெண் ப‌ற‌வையை க‌வ‌ர‌ சுற்றி சுற்றி வ‌ந்து பல விதமான‌ டான்ஸ் ஆடும் பாருங்க‌ பிர‌மாத‌மாக‌ இருக்கும். இந்த‌ ப‌ட‌மும் அதைபோன்ற‌ வேளையில் ப‌திவு செய்த‌துதான்.

எழுத்தும் எதிர்நீச்சலும்

2008-05-02T07:13:00.000-07:00

நாகர்கோவில் கார்மல் பள்ளி வாளாகத்தில் உள்ள மாதா கெபியின் முன் ஒரு பெரிய கொன்னை மரம் கிளைவிரித்து படர்ந்து கிடந்தது।சித்திரை மாதம் தொடங்கிவிட்டது என்பதின் அடையாளமாக அந்த மரம் முழுவதுமாக‌ மஞ்சள் நிறத்தில் பூக்கள் பூத்து தொங்கியது. அதில் உதிர்ந்த பூக்களின் இதழ்களால் அந்த இடம் முழுவதும் மஞ்சள் கம்பளம் விரித்தது போன்றிருந்தது.பொழுதடைய போகும் நேரமான மாலை வேளை அது. நெய்தல் சமூகம் சார்ந்த படைப்பாளர்கள் அந்த மரத்தின் அடியில் காத்துகிடக்கின்றனர், ஆம் அன்று சிறப்பு விருந்தினராக வரயிருப்பது எழுத்தின் மூலம் எதிர் நீச்சல் போட்டுக்கொண்டிருக்கும் அந்த எழுத்தாளர் கவிஞர் ஹச். ரசூல் ஆவார்.

கவிஞர் ரசூல் குறித்த நேரத்தில் வந்து சேர, நெய்தல் படைப்பாளர்க‌ளிடையே உற்சாகம் தொற்றிக்கொண்டதுஅவ‌ர்க‌ள் குழுமி பேச‌ இருந்த‌ அறையில் மின்தடை படவே அறையின் வெளியில் இய‌ற்கை சூழ்நிலையில் ம‌ர‌நிழ‌லில் கூட்டம் தொட‌ங்கிய‌து।நெய்த‌ல் படைப்பாள‌ர்க‌ள் சுமார் 15 பேர்க‌ள் குழுமியிருந்த‌ன‌ர்.சிற‌ப்பு விருந்தின‌ர் அறிமுக‌மும், அதை தொட‌ர்ந்து ப‌ங்கேற்ப்பாள‌ர்க‌ள் அறிமுக‌மும் ந‌ட‌ந்தேறிய‌து.க‌விஞ‌ரின் ப‌டைப்புக‌ளை ப‌ற்றியும்,எழுத்தின் ந‌டையையும் அத‌ன் வீரிய‌த்தையையும் ப‌ற்றி அறிமுகப்ப‌டுத்தினர். எழுத்தாள‌ர் வ‌ரீதையா அவ‌ர்க‌ள். க‌விஞ‌ரை ஊர்வில‌க்க‌ம் செய்திருப்ப‌தை ப‌ற்றி கூறிய‌வுட‌ன் சுவாரசிய‌மும்,அதிர்ச்சியும் தொற்றிக்கொண்ட‌து ப‌ங்கேற்பாள‌ர்க‌ளிடையே.

ர‌சூல் அவ‌ர்க‌ள் அர‌சு அதிகாரியாக‌ புள்ளியில் துறையில் ப‌ணியாற்றுவ‌தாக‌வும்,ம‌னைவி ம‌க்க‌ளோடு த‌க்க‌லையில் வ‌சிப்ப‌தாக‌வும் புன்னகையோடு பேச‌ ஆர‌ம்பித்தார், நெடிய‌ உய‌ர‌மாக‌ உச்சியை ச‌ரித்து வ‌க‌டு எடுத்து சீவியிருந்தார், தான் எண்ப‌துக‌ளில் எழுத‌ ஆர‌ம்பித்ததாக‌வும்,ஆர‌ம்ப‌கால‌ங்க‌ளில் க‌விதைக‌ள் நிறைய எழுதிய‌தாக‌ கூறினார்।எழுத்தாள‌ர்க‌ளின் எழுத்துக்க‌ள் முழுக்க‌ முழுக்க‌ உள்ள‌த்திலிருந்தும் சிந்த‌னைக‌ளையும் க‌ல‌ந்து தான் வ‌டிக்க‌ப்ப‌டுகிற‌து।பார்த்த‌ உண‌ர்ந்து பாதித்த‌ விச‌ய‌ங்க‌ள், நிக‌ழ்வுக‌ள் எழுத்தில் பிர‌திப‌லிக்கும் என்றார்.எழுத்துக்களை வெகுசன மக்கள் மத்தியில் வெளிப்பரப்பில் படிக்கும் போது பல்வேறு அர்த்தங்களோடு புரிந்துகொள்ளப்படுகிறதுதென்றும்,ஆய்வாளர்களால் இன்னொருவிதமாக பகுப்பாய்வு செய்யப்படும் என்றும் குறிப்பிட்டார்.இந்தவிதமாக‌ த‌ன்னுடைய‌ ம‌யிலாஞ்சி க‌விதை தொகுப்பில் தான் எழுதிய‌ நிறைய‌ க‌விதைக‌ளை நினைவுகூறினார் ர‌சூல் அவ‌ர்க‌ள்.அவ‌ருடைய‌ ம‌க‌ள் சிறுமியாக‌ ப‌ள்ளி சென்று வ‌ரும் ப‌ருவ‌ங்க‌ளில் ப‌ள்ளியிலிருந்து வீடு வ‌ரும் போது பென்சில் ட‌ப்பாவில் த‌ன் ப‌ள்ளி தோழியின் ஸ்டிக்க‌ர் பொட்டினை எடுத்து வ‌ருவ‌து வ‌ழ‌க்க‌மாம்.அத‌னை ம‌ன‌தில் வைத்து க‌விஞ‌ர் ர‌சூல் ஒரு க‌விதை ஒன்றினை ப‌டைத்துள்ளார்,சின்ன‌ஞ்சிறுமிக‌ளின் உல‌கில் த‌னும் சென்று சிறுமிக‌ளைப்போல் சிந்தித்துள்ளார். "பொட்டு வைத்து அழ‌கு பார்க்க‌ என‌க்கு ஆசை ஆனால் உம்மா திட்டிடுவார்களோ" என‌ கவிதையில் வ‌ரிக‌ளில் குழ‌ந்தையின் ஒரு நிறைவேறாத‌ ஆசையினை எழுதியுள்ளார்। பின்ன‌ர் அது வெகு ச‌ன‌ ப‌ர‌ப்பில் அந்த‌ க‌விதை வ‌ரிக‌ள் ப‌டிக்க‌ப்ப‌ட்டு இவ‌ர் முஸ்லிம் பெண்க‌ளை பொட்டு வைக்க‌ சொல்கிறார் என‌ அர்த்த‌ ப‌டுத்த‌ப்ப‌ட்ட‌தாம்।அது போல இன்னொரு கவிதையில் சின்ன‌ஞ்சிறுமிக்கு அவ‌ளின் த‌ந்தை ந‌பிகள் நாய‌க‌த்தை ப‌ற்றி சொல்லி வ‌ருகிறார் மிகுந்த‌ ப‌க்தியோடு க‌தைகேட்டு வ‌ருகிற‌ சிறுமி த‌ன் த‌ந்தையிட‌ம் ஒரு ச‌ந்தேக‌ கேள்வி எழுப்புகிற‌து "வாப்பா இத்த‌னை ஆண் ந‌பிக‌ள் தோன்றியுள்ளார்க‌ளே ஏன் வாப்பா ஒரு பெண் ந‌பி கூடதோன்ற‌வில்லை" என‌ சிறுமியின் பார்வையோடு அந்த‌ க‌விதை எழுதியுள்ளார்,இதுவும் இஸ்லாத்தில் பெண்விடுத‌லை என‌ இவ‌ரின் வ‌ரிக‌ளை உருவ‌க‌ப்ப‌டுத்த‌ப்ப‌ட்ட‌தாம்।த‌ந்தை வேலைக்கு போய்விட்டு வீட்டுக்குவ‌ருகிறார் வீட்டின் ந‌டுவீட்டில் சின்ன‌ஞ்சிறு சிறுமி த‌ன‌து பொம்மைக‌ளையும், விளையாட்டுப் பொருள்க‌ளையும் வைத்து ம‌கிழ்ச்சியோடு விளையாடிக்கொண்டிருக்கிறாள்அவ‌ர் அவ‌ற்றை க‌ட‌ந்துபோகும் போது அவ‌ரின் காலில் ப‌ட்டு ம‌களின் பொம்மை மிதிப‌ட்டு தூர‌த்தில் போய் விழுகிற‌து।இதையும் க‌விஞ‌ர் சின்ன‌ஞ்சிறு குழ‌ந்தையாக‌வே க‌ற்ப‌னை செய்து அந்த பொம்மை சிந்திப்பதுபோல் வ‌ரிக‌ளை வ‌டிக்கிறார் "என‌க்கும் ஒரு உம்மா இருந்திருந்தால் இதுமாதிரி நான் பிற‌ர் கால்க‌ளில் உதைப‌ட்டிருக்க‌வேண்டிய‌து வ‌ந்திருக்காத‌ல்லவா? என‌।இதையும் வெகு சன‌ ப‌ர‌ப்பில் க‌விஞ‌ர் தீவிர‌வாத‌த்தை ஆத‌ரிக்கிறார்‌ என் அர்த்த‌ம் கொள்ள‌ப்ப‌ட்ட‌தாம்.பின்ன‌ர் மாவ‌ட்ட‌ உலாமாக்க‌ளிட‌மிருந்து க‌விஞ‌ருக்கு ப‌த்வா க‌டித‌ம் ஒன்று கொடுக்க‌ப்ப‌ட்டதாம்.அத‌ன் பின் விசார‌ணைக்கு உட்ப‌டுத்த‌ப்ப‌ட்டு அவ‌ரிட‌மிருந்து மன்னிப்பு க‌டித‌ம் எழுதிவாங்கப்ப‌ட்டு, ம‌யிலாஞ்சி க‌விதை புத்த‌க‌ங்க‌ள் திரும்ப‌ பெற‌ப‌ட்ட‌தாம். த‌ன‌து எழுத்துக்க‌ளின் மூல‌ம் த‌ன‌க்கு கிடைத்த‌ அனுப‌வ‌ங்க‌ளை சின்ன‌ முக‌சுழிப்போடு ப‌கிர்ந்துகொண்ட‌ர் க‌விஞ‌ர் ரசூல்.அவ‌ர் த‌ன‌து பேச்சின் போது எழுத்தின் ப‌ல‌ த‌ள‌ங்க‌ளிலும் ப‌ய‌ணித்துவ‌ந்தார்.இள‌ம் ப‌டைப்பாள‌ர்க‌ளுக்கு அவ‌ர‌து பேச்சு மிக‌வும் ப‌ய‌னுள்ள‌தாக‌வே அமைந்த‌து.அவ‌ர் மிக‌வும் க‌வ‌ன‌மாக‌ பேசிமுடித்தார். கார‌ண‌ம் "ஊர்வில‌க்க‌ம்" ப‌ற்றி அவ‌ர் வாய்திற‌க்க‌வே வில்லை.

நெய்த‌ல் ப‌டைப்பாள‌ர்க‌ளுக்கு ர‌சூல் அவ‌ர்க‌ளின் ப‌டைப்புக‌ளோடும்,அவ‌ரோடும் மிக‌ குறைவான‌ அறிமுக‌மே இருந்தால் ஊர்வில‌க்க‌ம் ப‌ற்றி அறிய‌ மிகுந்த‌ ஆவ‌லாக‌ காண‌ப்ப‌ட்ட‌ன‌ர்।ப‌டைப்பாளர்க‌ளிடையே க‌ல‌ந்துரையாட‌லின் போது ப‌ல‌ கேள்விக‌ளை கேட்டு ர‌சூலோடு உரையாடினார்க‌ள் இருப்பினும் அவ‌ர்க‌ளின் இறுதி கேள்வியாக‌ ஊர்வில‌க்க‌ம் ப‌ற்றியதாக‌வே இருந்த‌து என்ப‌தை உண‌ர‌முடிந்த‌து,

நீண்ட‌தொரு ம‌வுன‌ம் தொட‌ர்ந்த‌து க‌விஞ‌ர் ரசூல் தான் அணிந்திருந்த‌ மூக்குக‌ண்ணாடியை க‌ழ‌ற்றி க‌ண்க‌ளில் க‌சிந்த‌ க‌ண்ணீரை துடைத்துக்கொண்டு ஒரு சின்ன‌ செறும‌லுட‌ன் பேச‌ தொட‌ர்ந்தார்.உண்மையிலே தான் ஊர்வில‌க்க‌ம் ப‌ற்றி பேச‌ த‌விர்ப்பதாக கூறினார்.த‌ன்னுடைய‌ ம‌யிலாஞ்சி தொகுப்பிற்கு த‌ன‌க்கு ஏற்ப‌ட்ட‌ அனுப‌வ‌த்திற்கு பின் தான் க‌விதை எழுதுவ‌தை த‌விர்த்து நிறைய‌ க‌ட்டுரைக‌ள் எழுதிய‌தாக‌ குறிப்பிட்டார். ச‌மீப‌த்திய‌ த‌ன‌து க‌ட்டுரை ஒன்றில் திருக்குரானில் குடியை ப‌ற்றி என்ன செல்ல பட்டிருக்கிறது என்பதை எழுதியிருக்கிறார்,அதாவ‌து இஸ்லாத்தில் குடியை ப‌ற்றி ப‌ல‌ இட‌ங்க‌ளில் செல்ல‌ப்ப‌ட்டுள்ள‌தாக‌வும், ஆனால் அத‌ற்கான‌ த‌ண்ட‌னையை ப‌ற்றி எந்த‌ இட‌த்திலும் குறிப்பிடப்ப‌ட‌வில்லை என்ப‌தை எழுதியுள்ளார்.ஹ‌ராம் என‌ ப‌ல‌ செய‌ல்க‌ளையும், அத‌ற்கான‌ த‌ண்ட‌னையும் குறிப்பிடப்ப‌ட்டுள்ள‌து.ம‌து குடிப்ப‌து விதிவில‌க்காக‌ த‌ண்ட‌னைக்குறிய‌தாக‌ திருகுரானில் எங்கும் காண‌க்கூடிய‌தாக‌ இல்லை என‌ க‌விஞ‌ர் ரசூல் மிக ஆணித்த‌ர‌மாக‌ சான்று கூறுகிறார்.
இந்த‌ க‌ட்டுரையும் ப‌த்திரிகை ஒன்றில் பிர‌சுர‌மான‌வுட‌ன் உலாம்களிடையே பெரும் ச‌ர்ச்சையையும்,தான் சார்ந்திருக்கும்.வ‌சித்துவ‌ரும் ஐஞ்சுவ‌ண்ண‌ம் ஜ‌மாத்திலும் பெரும் ச‌ர்ச்சையை கிள‌ப்பி விடப்ப‌ட்டுள்ள‌து.க‌விஞ‌ரிட‌ம் நேர‌டியாக‌வும்,எழுத்து மூல‌மாக‌வும் விசார‌ணை செய்துள்ள‌னர். அவ‌ரும் முறையான‌ அத‌ற்கான‌ விள‌க்க‌ங்க‌ளை அளித்துள்ளார்.அதையெல்லாம் ஏற்றுக்கொள்ளாத‌ ஐஞ்சுவ‌ண்ண‌ம் ஜ‌மாத் கார‌ர்க‌ள் க‌விஞ‌ரையும் அவ‌ர‌து குடுபத்தின‌ரையும் ஊர்வில‌க்க‌ம் செய்துள்ள‌ன‌ர்.ஜ‌மாத்தில் ந‌டைபெறும் எந்த‌ ஒரு ந‌ல்ல‌து கெட்ட‌ நிக‌ழ்ச்சியிலும் அவ‌ரோ அவ‌ர‌து குடும்ப‌த்தாரோ க‌ல‌ந்துகொள்ள‌முடியாத‌ சூழ்நிலையை ஏற்ப‌டுத்தியுள்ள‌ன‌ர்.க‌விஞ‌ரும் அவ‌ர‌து குடும்ப‌த்தாரும் ஒருவிதமான‌ ம‌ன‌க்குழ‌ப்ப‌த்திற்கு ஆழாக்க‌ப‌ட்டுள்ள‌ன‌ர்.
இதையெல்லாம் ச‌ட்ட‌ப்ப‌டி எதிர் கொள்வ‌தென‌ த‌ற்போது இந்த‌பிர‌ச்ச‌னை வ‌ழ‌க்கும‌ன்ற‌த்தில் உள்ள‌து என‌வும் அவ‌ர் குறிப்பிட்டார்।எழுத்தும் எதிர்நீச்ச‌லும் க‌விஞரோடு உட‌ன் பிற‌ந்த‌வையாகும் இவ‌ற்றையெல்லாம் எதிர்கொள்ளும் திற‌ன் த‌ன‌க்குள்ள‌தாக‌ கூறினார்।த‌ற்போது த‌ன‌து ஊர் ம‌க்க‌ளிடையே த‌ன்னை ப‌ற்றிய‌ த‌ன‌து எழுத்தைப்ப‌ற்றிய‌ தெளிவை ஏற்ப‌டுத்திருக்கும் வித‌த்தையும் தெரிவித்தார்।வெகுச‌ன‌ வெளிப்ப‌ர‌ப்பில்த‌ன‌து இந்த‌ க‌ட்டுரையை ப‌டித்த‌வ‌ர்க‌ள் தெரிவித்த‌ க‌ருத்துக்க‌ள் ம‌ற்றும் த‌மிழ்கூறும் ந‌ல்லுல‌கின் த‌ழிழ் எழுத்தாள‌ர்க‌ள் க‌ருத்துக்க‌ள்,ப‌குப்பாய்வாள‌ர்க‌ளின் க‌ருத்துக்க‌ள்,க‌டித‌ங்க‌ள்,விமர்ச‌ன‌ங்க‌ள் போன்ற‌வ‌ற்றையெல்லாம் ஒரு தொகுப்பாக‌ வெளீயீடு செய்துள்ளார்க‌ள்।இந்த‌ புத்த‌க‌ம் ப‌டிப்ப‌வ‌ர்க‌ள் ம‌த்தியில் த‌ன்னை ப‌ற்றிய‌ ந‌ல்லதொரு புரித‌லை உண்டாக்கியுள்ள‌தாக‌ கூறி நீண்ட‌தெரு மூச்சுஎடுத்துக்கொண்டார் .

எழுத்தின் மூல‌ம் எதிர்நீச்ச‌ல் போடும் க‌விஞ‌ர் ர‌சூலின்க‌ர‌ம் ப‌ற்றிய‌ நெய்த‌ல் ப‌டைப்பாளார்க‌ள் தாங்க‌ளும் இந்த‌ எதிர்நீச்ச‌லில் உட‌னிருப்பதாக‌ கூறி க‌விஞ‌ரின் க‌ர‌த்தை இறுக‌‌ ப‌ற்றிக்கொண்ட‌ன‌ர்.

பண்ணா1

2008-04-16T23:40:00.000-07:00

நெய்தல் நிலம் வேண்டும்

அதில் கொஞ்ச‌மேனும் நீட்டி ப‌டுத்திட‌நிழ‌ல் வேண்டும்

க‌ச்சான் தூர‌லில் ந‌னைந்திட‌ வேண்டும்

ம‌ண‌ல்வெளியில் புர‌ண்டு ச‌ற்றே க‌ண்ய‌ற‌ வேண்டும்

உள்ள‌ கும‌ற‌ல்க‌ளையும்

இற‌க்கி வைத்து ம‌ண்ணின்

ம‌ண‌ம் நுக‌ர்ந்திட‌ வேண்டும்.

பண்ணா1 =க‌ட்டு ம‌ர‌த்தை க‌ட‌ற்க‌ரையில் மூடிவைக்க‌ ப‌ய‌ன் ப‌டும் ஓலை குடிசை

விட்டாச்சு லீவு

2008-04-16T23:21:00.000-07:00

பெரிய‌ லீவும் விட்டு

ப‌ள்ளிகூட‌ பெரிய‌ கேட்டில்

பெரிய‌ பூட்டும் போட்டாச்சு

புத்தகமும் கிழிஞ்சு போயி

கிழ‌ங்கு கார‌ன் கொண்டு போனான்

ப‌க‌ல் வெயிலும் எங்க‌ளோடு

மகிழ்ச்சியாக‌ க‌ட‌ல்குளிக்கும்

த‌க்கைம‌ர‌ம் சேர்த்துகெட்டி

ம‌ர‌ம் இள‌க்கி1 விளையாட்டு

க‌ட‌ம‌ர‌மும்2 தேவையில்லை

அணிய‌மும் 3 தேவையில்லை

க‌ம்பாலும்4 தேவையில்லை

சேப்பு வைக்க5 தேவையில்லை

பாய்விரிக்க‌ தேவையில்லை

யாத்தின‌மும்6 தேவையில்லை

ஒம‌லுகூட7 தேவையில்லை

சேக்காளி8 நீங்க‌ ம‌ட்டும்கைகோத்து

வந்தாலே போதுமடா

அலை ம‌டிப்பில் தாவிகுதித்து

த‌லையெல்லாம் ம‌ண‌லாச்சு

அலைக்க‌ரையில் கிளிஞ்ச‌ல்

பொறுக்கிமாலையாக‌ கோர்த்திடுவோம்

பொழுத‌டைய‌ க‌ட‌ல்குளிச்சு

வீட்டுமுத்த‌ம் மிதித்திடுவேம.

ம‌ர‌ம் இள‌க்கி1 =கட்டுமரத்தை கடலில் இறக்குவது

க‌ட‌ம‌ர‌மும்2 =க‌ட்டும‌ர‌த்தின் பின்புற‌ம்

அணிய‌மும்३ =க‌ட்டும‌ர‌த்தின் முன்புறம்

க‌ம்பாலும4 = கயறு அல்லது வடம்

சேப்பு வைக்க5 = மரத்தை சேர்த்து கட்டுவது

யாத்தின‌மு6 = தொழில் க‌ருவிக‌ள்

ஒம‌லுகூட7 = பொட்டி பொரிய‌ க‌ட‌வ‌ம்

சேக்காளி8 = ந‌ண்ப‌ர்க‌ள்

வெள்ளை கொக்கு

2008-04-16T23:14:00.000-07:00

உறுமீன் வ‌ரும‌ள‌வும்

காத்திருக்குமாம் அந்த‌ கால‌ கொக்கு...

திர‌ண்டு வ‌ரும் அலையும் தாண்டி

கொத்தி பிடித்திடுமாம்

இது இந்த‌கால‌ கொக்கு

ம‌னிதா

துணிவேடு நீயும் எதிற்கொள்

அத்த‌னையும் வ‌ச‌மாகும்உன்ப‌க்க‌ம்....

மென‌க்கெடு1

2008-04-16T23:04:00.000-07:00

வனம்போயி அறுத்தெடுத்து

ஓடாவி2 செதுக்கி தந்த கடல் தேரு

பெரும‌டியை 3 சும‌ந்த‌ ம‌ர‌மிது

ஓங்கார‌ காற்றையும் உற‌ப்பான 4 க‌டலையும்

கிழித்து பாயும் ம‌ர‌மிதுஇது

ஒடாத‌ க‌ட‌லுமில்லை

பார்க்காத சேலுமில்லை5

மீன்க‌ளையும் மீன‌வ‌னின்வாழ்வு த‌னையும்

சும‌ந்து வ‌ரும்க‌ட்டும‌ர‌ம்
மித‌ந்து மித‌ந்து களைச்சு போச்சு

இன்றுஇத‌ற்கு ஓய்வு நாளாம்

மென‌க்கெடு1 = ஓய்வு நாள்

ஓடாவி2 = க‌ட்டு ம‌ர‌ம் செய்ப‌வ‌ர்

பெரும‌டியை३ = பெரிய‌ வ‌லை

உற‌ப்பான4 = வேகம்

சேலுமில்லை5 = நீரோட்ட‌ம், காற்றின் போக்கு

காத்திருப்போம்

2008-04-16T22:26:00.000-07:00

நடுக்கடலில் வலை விரித்த‌பிள்ளைகளுக்கு

சுடும் சூரியனும் குளிர்ந்திடும் நிலவும்

வழித்துணைதான்

ஆழிக்கடலில் ஆர்ப்பரிக்கும் அலையும்

சூரைக்காற்றும் நல்ல‌ தோழன் தான்
நயவஞ்சகன் இலங்கை ராணுவம்

கண் படக்கூடாது

விரித்து வைத்த க‌ன்னி வெடியில்

சிக்கி சிதைந்திடவும் கூடாது

சீறிவரும் துப்பாக்கி தோட்டாவும்

பய்ந்திடவும் கூடாது

பதபதைத்த உள்ளத்தோட‌

கடற்கரையில் தினந்தோறும்காத்திருப்போம்
க‌ண்ணிமைப்போல்க‌ட‌ல் அன்னை

எங்களையும் காத்திட‌ம்மா.

தனிமை - ஏப்ரல் மாத போட்டிக்கு

2008-04-05T00:57:00.000-07:00

இந்த தனிமை ..... மிகக் கொடுமையானது ...
சுனாமியின் போது ப‌திவு செய்த‌து.த‌ன் குடும்ப‌த்தையே அலையின் கோரப் பசிக்கு ப‌லி கொடுத்த‌வள் தனிமையாய் .... பின் புல‌த்தில் அழிந்து போன‌ த‌ன் ஓலை வீட்டின் மிச்ச‌ங்க‌ள். அந்த‌ மூதாட்டியின் க‌ண்ணீர் காட்சிக‌ள் இன்றும் என்னோடு த‌ங்கிபோன‌வை. ஜ‌வ‌ஹ‌ர்ஜி...

கரை மடி

2008-04-01T06:26:00.000-07:00

குமரி மாவட்ட கடற்கரையோரங்களில் நடைபெறும் மீன்பிடித் தொழிலின் ஒரு வகை தொழில்நுட்பமாகும் கரை மடி என்பது.

வெள்ளன விடியல் பொழுதிலேயே கடற்கரையில் மீனவர்கள் கூட்டம் கூட்டமாக அமர்ந்து கடற் பகுதியை கண்காணிப்பார்கள்। கடலின் நீரோட்டம் மற்றும் காற்றின் போக்கை கணித்து கொண்டிருப்பார்கள். கடலின் மேற்பரப்பில் மீன்களின் நடமாட்டத்தை கடலின் நிறம் மாற்றத்தின் மூலமாக அறிந்து கொள்வார்கள்.மீன்களின் வரத்து அதிகம் வந்தவுடன், படகில் வலையேடு சிலர் ஏறி கொள்வார்கள் வலையின் ஒரு முனையை கரையில் நிற்பவர்களிடம் கொடுத்துக்கொண்டு வலையை கடலில் விரித்தவாரே ஒரு நீள் வட்ட வடிவமாக படகை செலுத்தி வலையின் மறுமுனைகளை கடற்கரையில் நிற்கும் மற்றவர்களிடம் கொண்டு வந்து சேர்ப்பார்க‌ள். வலையின் இரு முனை ப‌க்க‌ங்க‌ளிலும் நீண்ட‌ க‌யிறுக‌ளால் இணைக்க‌ப‌ட்டிருக்கும் முனைகளின் ப‌க்க‌த்திற்கு சுமார் 25 மீன‌வ‌ர்கள் வீதம் சேர்ந்து நின்று வ‌லையை ஒரே முக‌மாக‌ புஜ‌வ‌லிமையால் ஒருசேர‌ இழுப்பார்க‌ள். க‌ட‌லில் விரிக்க‌ப‌ட்ட‌ வ‌லையான‌து அதில் அகப்பட்ட மீன்களோடு வ‌ளைந்து கரையை நோக்கி வ‌ந்து கொண்டே இருக்கும்.பொதுவாக‌ இந்த‌ கரைம‌டி க‌ட‌ற்க‌ரையில் செய்ய‌ப‌டுகிற‌து.இதில் அதிக‌ப‌டியான‌ மீன்க‌ள் ப‌டுவ‌தில்லை சாளை,ம‌த்தி, வாளை, நெத்த‌லி,விளைமீன்.வேளாமீன் போன்ற மீன்க‌ள் படுகின்ற‌ன‌.

இந்த‌ க‌ரைம‌டியில் விரிக்க‌ப‌டுகின்ற‌ எல்லா வ‌லைக‌ளிலும் மீன்க‌ள் கிடைப்ப‌தில்லை ப‌ல‌ ம‌ணிநேர‌ வேலையும் உட‌ல் உழைப்பும் வெறுதாய் போவ‌தும் உண்டு இவர்களுக்கு.

கிழக்கு கடற்கரையில் ஏப்ர‌ல் 15 ம் தேதியிலிருந்து 45 நாட்களுக்கு ஆழ்க‌ட‌ல் மீன்பிடித்த‌ல் த‌டை செய்ய‌ ப‌ட்டுள்ள‌து. இந்த‌ 45 நாட்க‌ள் மீன்க‌ள் இன‌விருத்தி கால‌மாகும். இந்த படங்கள் ச‌மீப‌த்தில் கொட்டில்பாடு என்ற‌ க‌ட‌ற்க‌ரை கிராம‌த்தில் ப‌திவு செய்த‌தாகும்.

க‌ண்ணீருட‌ன் - என் இத‌ய‌ அஞ்ச‌லி...

2007-12-23T07:12:00.000-08:00

2004 டிசம்பர் 27 காலை....

மாவட்ட ஒட்டு மொத்த நிர்வாகமே குளச்சலில் இறந்து போன 540 பேர்களை அடக்கம் செய்வதற்காக குழுமியிருந்தனர்...

அன்றைய பத்திரிகை செய்திகளைப் படிக்கும் போது மிக பயங்கரமாக இருந்தது. தெற்காசியா முழுவதுமாக சுனாமி துவம்சம் செய்து அழித்து போட்டிருந்தது என,நாகர்கோவிலிருந்து 14கிமி தொலைவில் உள்ள மணக்குடி என்ற கடற்கரை கிராமத்தில் சுனாமி தன் முழு தாக்குதலையும் அரங்கேற்றியிருந்தது.

அந்த அழிவுகளை பதிவு செய்ய அங்கே சென்றேன் கிராமத்துக்குள்ளே நுழையவே முடியவில்லை நுழைவுப் பகுதியில் சமீபத்தில் புதியதாக கட்டியிருந்த [மணக்குடியையும் கீழமணக்குடியையும் இணைக்கும் ] பாலத்தையே காணவில்லை,நான்கு கான்கிரிட் துண்டுகளை இணைத்து அந்த பாலம் கட்டியிருந்தனர்.அதில் இரண்டு துண்டுகளை இன்று வரை காணவில்லை, சுனாமி அலைகளின் வேகத்தை அந்த பாலத்தின் அழிவில் உணரமுடிந்தது.

அடுக்கு மாடி வீடுக‌ளை த‌ரைம‌ட்ட‌மாக‌ ஆக்கி போட்டிருந்த‌து சுனாமி,ஒரு க‌ட்டும‌ர‌த்தை தூக்கி உய‌ர‌மான இர‌ண்டு மாடி க‌ட்டிட‌த்தின் மேல் வைத்திருந்த‌து அலைக‌ள். சுனாமி அலைகள் சுமார் மூன்று முறை ஊரை நோக்கி சீறிவ‌ந்துள்ளது,கும‌ரி மாவ‌ட்ட‌த்திலேயே சுனாமியின் அதிக‌ப‌டியான‌ தாக்குத‌லுக்கு உள்ளான இடம் ம‌ண‌க்குடி, கீழ்ம‌ண‌க்குடி கிராமங்கள் தான்.அங்கிருந்த‌ காவ‌ல் துறையின‌ர் செய்வ‌த‌றியாது திகைத்து நின்ற‌ன‌ர் கார‌ண‌ம் ஊர் முழுவதும் இற‌ந்த‌வ‌ர்க‌ளின் ச‌ட‌ல‌ங்க‌ளாக‌ சித‌றிகிட‌ந்த‌து,அந்த உட‌ல்க‌ளை அட‌க்க‌ம் செய்ய‌ வேண்டும் ஆனால் அவ‌ர்க‌ளை அடையாள‌ம் செல்ல‌ யாரும்மில்லை.சுனாமியின் சீற்ற‌த்தினால் இற‌ந்த‌வ‌ர்க்ளின் உட‌ல்க‌ளையும்,உட‌மைக‌ளையும் அப்ப‌டியே அங்கேயே விட்டுவிட்டு உயிர் த‌ப்பி சென்றிருந்த‌ன‌ர் ஜ‌ன‌ங்க‌ள்.அங்கு சென்ற‌ நான் இற‌ந்த‌வ‌ர்க‌ளை ஒவொருவ‌ரையும் நான் கேமிராவில் ப‌திவு செய்து கொள்கிறேன் பின்பு அடையாள‌ம் காண‌ அவை ப‌ய‌ன்ப‌டும் என்றேன்.இர‌ண்டு காவ‌ல‌ர்க‌ள். நான் மற்றும் இர‌ண்டு ந‌ப‌ர்க‌ள்.அந்த‌ ஊரின் பாதிரியார் ஆகியோர் தயாராகி கிள‌ம்பி சென்றோம்.
உள்ளே செல்ல‌ பாதைக‌ள் சீர‌ழிந்து கிடந்ததால் முள்காடுக‌ளின் வ‌ழியே நுழைந்து சென்றோம்.உடைந்த‌ வீடுக‌ளின் க‌த‌வுக‌ளில் வைத்து உட‌ல்க‌ளை தூக்கி வ‌ந்த‌ன‌ர் அந்த‌ இருவ‌ரும்,ஊரின் மையாவெளியில் உட‌ல்களை சேக‌ரித்து வைத்தோம், நான் ஒவ்வொரு உட‌ல்க‌ளையும் முழுவ‌துமாக‌வும்,முக‌த்தை ம‌ட்டும் க்ளோச‌ப்பாக‌வும் இரு ப‌ட‌ங்கள் என‌ ப‌திவுக‌ள் செய்துகொண்டேன். அருகில் நின்ற‌ காவ‌ல‌ர்க‌ள் இற‌ந்துபோன‌வ‌ர்க‌ள் அணிந்திருந்த‌ உடைக‌ளின் நிற‌ம்,அங்க அடையாள‌ங்க‌ள் போன்ற‌வ‌ற்றை குறிப்பெடுத்துகொண்ட‌ன‌ர்.முக‌ங்க‌ளை திருப்பி வைத்து ப‌ட‌ம் ப‌திவு செய்யும் போது வாய்க‌ளிலிருந்து நுரை த‌ள்ளியது. க‌ட‌ல் நீர் குடித்தே இற‌ந்து போயிருந்த‌ன‌ர்,சில‌ர‌து முக‌ங்க‌ள் அடிப‌ட்டு சிதைந்திருந்த‌து இர‌த்த‌ம் வ‌டிந்த‌து.இற‌ந்து போய் ஒரு நாள் ஆன‌தால் லேசாக‌ வாடை வீச‌ தொட‌ங்கியிருந்தது.அதிலும் என் ம‌ன‌தை மிக‌வும் ர‌ண‌மாக்கிய விச‌ய‌ம் எந்த‌ பாவ‌மும் அறியாத‌ பிஞ்சு குழ‌ந்தைக‌ளின் முக‌ங்க‌ளை பட‌ப்ப‌திவு செய்யும் போது ஏற்ப‌ட்ட‌து என் விழிக‌ளின் நீர் வ‌டிந்தோடிய‌து,உள்ளம் நொறுங்கிபோன‌து.ஊரே அழிந்து கிட‌ந்த‌தால் குடிப்பத‌ற்கு கூட‌ த‌ண்ணிர் கிட்ட‌வில்லை எம‌க்கு,கையுரையும்,முக‌த்தில் க‌ட்ட‌ மாஸ்க்கும் இல்லாம‌லே எங்க‌ள‌து ப‌ணி தொட‌ர்ந்தோம்.பொக்க‌லைன‌ர் வ‌ர‌வ‌ழைக்கப‌ட்டிருந்தது. அத‌ன் மூல‌ம் ஒரு பெரிய‌ குழி தோண்டி அன்று முழுவ‌தும் நாங்க‌ள் சேக‌ரித்த‌ உட‌ல்களை ஒட்டு மொத்தமாக குழிக்குள் இழுத்து போட்டு அடக்கம் செய்தோம்.க‌ண்க‌ளை முடி பிராத்தித்தேன். இறைவா இவ‌ர்க‌ளின் ஆன்மாவிற்கு இளைப்பாருதலை கொடும் என்று,பொக்க‌லைன‌ர் ஓட்டி வ‌ந்த‌வ‌ரை பார்த்தேன் சபரிமலைக்கு மாலையணிந்திருந்தார் அவ‌ரும் இருக்கையில் அம‌ர்ந்த‌வாரே கைக‌ளை குவித்து வேண்டிக்கொண்டிருந்தார். சுனாமி ம‌த‌ம்,சாதி அத்த‌னையும் க‌ட‌ந்து ம‌னித‌ ம‌ன‌ங்க‌ளை இணைத்து போட்ட‌து.உத‌வும் க‌ர‌ங்க‌ளை கொண்டு சேர்த்திருந்த‌து.
என்னுள்ளே...ஒரு வித‌ ஆத்ம‌ திருப்தி. நான் செய்கின்ற‌ தொழில் மூல‌மாக கருவி முலமாக‌ இந்த‌ ச‌முதாய‌த்திற்ககு பணி செய்ய வாய்ப்பு கிடைத்தது.
அதன் பின்பும் மூன்று நாடகள் தொடர்ந்து உட‌ல்க‌ளை அடையாள‌ம் காணும் ப‌ணிக்காக என்னை ஈடு ப‌டுத்திக்கொண்டேன்....
தொட‌ர்ந்து 28 நாட்க‌ள் சுனாமி தாக்குத‌லுக்கு உள்ளான‌ க‌ட‌ற்க‌ரை கிராம‌ங்க‌ளிலேயே சுற்றி வ‌ந்து என‌து ப‌ட‌ப்ப‌திவுக‌ளை செய்தேன்,
என‌து ப‌திவுக‌ளையெல்லாம் க‌ண்காட்சியாக‌ க‌ண்ணீருட‌ன் என்ற‌ த‌லைப்பில் புகைப்ப‌ட‌க‌ண்காட்சிவைத்து அதில் கிடைத்த‌ ரூபாய் 20000 ஆயிர‌ங்க‌ளை முதல‌மைச்ச‌ரின் சுனாமி நிதிக்கு அளித்து ம‌ன‌நிறைவு பெற்றுக்கொண்டேன். வ‌ருகின்ற‌ டிச‌ம்ப‌ர் 26 2007 மூன்றாவ‌து நினைவு நாளில் சுனாமியில் இறந்துபோன‌ அத்த‌னை உள்ள‌ங்க‌ளுக்கும் என் இத‌ய‌ அஞ்ச‌லி...

மீண்டும் கண்ணீருடன்‍‍ 2004 சுனாமி

2007-12-12T07:23:00.000-08:00

2004 டிசம்பர் 26 காலை 9।30 மணி.....

எனது புகைப்படப் பதிவுகளை பணி முடித்து திரும்புகிறேன்...

ஏய் ஓடுங்க... ஓடுங்க... கடலு உறப்பாகிடக்கு, எங்கும் ஒரே கூக்குர‌ல், புழுதிப‌ற‌க்க‌ ம‌க்க‌ள் ஓடுகிறார்க‌ள்...

நானும் ப‌ற‌க்கிறேன் என‌து பைக்கில், க‌டியப்ப‌ட்டிண‌ம் என்கிற‌ கும‌ரி மாவ‌ட்ட‌ க‌ட‌ற்க‌ரை ஊர் சாலையில்... இரத்தம் சூடாகி இதயம் பட‌படப்பாகி,கண்களில் மிரட்சியொடு பைக்கில் பறக்கிறேன்...மேட்டு பகுதியை நெருங்கும் வேளையில் அசுரத்தனமாக‌ வேகத்தோடு சுழன்று வந்த கடல் நீர் என்னை பைக்கோடு சூழ்ந்து கொண்டது, அடித்து ஒதுக்கியதில் ஒரு தொலைபேசி கம்பத்தை இறுக்கமாக சுற்றிபிடித்து கொண்டேன்.இறைவன் அருளால் உயிர் பிழைத்து இன்று உங்களேடு அனுபவங்களை பகிர்ந்து கொள்கிறேன்...ஐந்தே நிமிடங்களில் அந்த கடற்கரை ஜனங்களின் வாழ்வே தொலைந்து அடியோடு உருக்குலைந்து போய்விட்டது,ஐந்து நிமிடங்களில் அந்த ஊரில் இறந்தவர்களின் எண்ணிக்கை 44 பேர்கள்,என்னுள் உருவான ஒரு அசூரத்தனமான மனத்தைரிய‌த்தோடு கண்களில் கண்ட காட்சிகளையெல்லாம் பதிவு செய்கிறேன்,அத்தனையும் கோரக்காட்சிகள்,ஒரு புகைப்பட கலைஞனுக்கு இந்த சமுகத்தின் மேல் உள்ள பொறுப்புகளை உணர்ந்தவனாக சுனாமி என்கின்ற இயற்கை பேரழிவை, அதன் தாக்கத்தை, உடுக்க துணியின்றி உண்ண‌ உண‌வின்றி, கணப்பொழுதில் வீடுகளை இழந்து அகதிகளாகிப்போனவர்களை, உறவுகளை தொலைத்து தவிப்பவர்களை, மருத்துவமனை வளாகங்களில் வந்து குவியும் சடலங்களை, என பதிவுகளை செய்தேன்.

காலையில் 5 மணிக்கு நான் வீட்டிலிருந்து கிளம்பிய நான் அன்று வீடு திரும்பும்போது இரவு 12 மணி ஆகியிருந்தது।அன்று முழுவ‌தும் எதுவும் சாப்பிடவில்லை நான்.

விட்டில் என்னை சுற்றி பெரும்கூட்டம் எல்லாம் விசாரிப்புகள்.காரணம் அன்றைய மாலைமலர் பத்திரிகையில் கடல் அலையில் உயிர்பிழைத்த போட்டோகிராபர் என‌ எனது பேட்டி வெளியாகியிருந்தது.
இரவு முழுவதும் தூக்கம் வரவில்லை,கடல் அலையின் இறைச்சலும்,இடுப்புவரை சுழன்று வளைத்து அடித்த கடலின் வேகமும்,கண்களில் கண்ட கோரக்காட்சிகளும்,மனதில் ஓட தூக்கம்மின்றி புரண்டு புரண்டு படுத்துகிடந்தேன்।

தனியொரு ஆளாக 112 இறந்தவர்களின் உடலை அடக்கம் செய்ததை அடுத்த இடுகையில்...

டிசம்பர் மாத போட்டிக்கான படங்கள் -மலர்கள்

2007-12-06T02:44:00.000-08:00

பூவுக்குள் ஒரு சூரிய உதயம்

பூவுக்குள் ஒரு விருந்து

மிக‌ அருமையான தலைப்பு மல‌ர்கள்

இத‌ழ்க‌ள் மீது ப‌டுத்தும், ம‌க‌ர‌ந்த‌ துக‌ள்களில் புர‌ண்டும், தும்பிக‌ள் குடிக்க‌யிருந்த‌ தேன் துளிக‌ளை அருந்தியும், வாசனையை நுகர்ந்து வந்த அனுபவம் எமக்கு...

கிடைத்த ஒரு சில மல‌ர்களை சரமாக தொடுத்து உங்கள் பார்வைக்கு வைத்துள்ளேன்.
குமரியிலிருந்து ஜவஹர்ஜி...

நி பாதி நான்பாதி

இரட்டையர்கள்

பெயர் தெரியவில்லை‍ இருந்தலும் அழகுதான்

மீண்டும் ஜடமாகி மவுனமாகி போகிறேன்

2007-11-19T07:36:00.000-08:00

இலங்கையில் தினம்தோரும் நடந்தேரும் தமிழ் இனப்படுகொலையின் உச்சக்கட்டம் சு.ப.தமிழ்செல்வன்- யை குண்டு வீசி அழித்தொழித்தது,

இந்த சம்பவம் சமாதான சமரச உடன்படிக்கை, மற்றும் மனித நேய செயல்களில் இலங்கை அரசு ஈடு படாது என்பதையும் வெளிச்சம் போட்டு காட்டியுள்ளது. மனதில் வேதனையோடு எழுதுகிறேன், உள்ளத்தில் தோன்றும் உணர்வை உண்மையேடு வெளிக்கொனர முடிய வில்லை, உணர்வற்ற ஜடலமாக நான் மாறிப்போய்யுள்ளேன்।

இந்திய‌ அர‌சிய‌ல் நிக‌ழ்வுகளும்,கொள்கையும் நெறியுமில்லாத‌ அர‌சியில் வாதிக‌ள் மேற்கொள்கின்ற‌ முடிவுக‌ளும் என்னைப்போன்று ப‌ல‌ரையும் மாற்றிப்போட்டுள்ள‌து, நாங்க‌ள் முட‌மாகி கிட‌க்கிறோம்.

ப‌ள்ளி சிறுவ‌னாக‌ பாளையில் ப‌யிலுகியில் வகுப்பாசிரிய‌ர் அறிவித்தார் இல‌ங்கையில் யுத்தமாம் த‌மிழ் ம‌க்க‌ள் யுத்த‌த்தில் ம‌டிகிறார்கள் என்று, என் த‌மிழ் ச‌கோதிரிக‌ள் கற்பிழ‌க்கிறார்க‌ளாம், உடுக்க‌ உடுதுணியின்றி வ‌ருமையில் வாடுகிறார்க‌ள் என்று.
வீட்டில் அம்மாவிட‌ம் கேட்டு நிறைய‌ துணிக‌ளை கொண்டு சென்று வ‌குப்பாசிரியரிட‌ம் கொடுத்தேன் என்னைப்போல் நிறைய‌ ச‌க‌ மாண‌வ‌ர்க‌ள் தூணிம‌ணிக‌ளை கொண்டு வ‌ந்து சேர்த்திருன‌ர்। அந்த‌ வ‌ய‌தில் அது ஒரு ம‌ன‌ நிறைவு தந்த‌து।

பின்பு உயர்நிலைப்பள்ளி பயிலும் வேளை நாங்கள் குமரிக்கு மாற்றலாகி வந்திருந்தோம். அப்போது இலங்கையில் பயங்கர யுத்தம் நடந்து கொண்டிருந்த்தது. நாகர்கோவில் குளத்து பஸ்ஸ்டாண்ட் அருகில் ஒரு ஓலைக் கொட்டகையில் தமிழ் ஈழ விடுதலைப் போரின் யுத்தக் காட்சிகள், மற்றும் தமிழகத்தில் விடுதலைப் புலிகள் பயிற்சி பெறும் காட்சிகள், புகைப்படங்களாக கண் காட்சி வைத்திருந்தனர். அத்தனையும் வேதனைக் காட்சிகள். யுத்தப் படங்களைப் பார்த்து கண் கலங்கினேன். ஓலைக் கொட்டகையின் வெளியில் விடுதலைப் புலிகள் உண்டியல் குலுக்கி பணம் பெறுவதைக் கண்டேன். அன்று பஸ்ஸில் செல்வதற்க்கு என்னிடம் இருந்த இருபத்தியைந்து பைசாவை உண்டியலில் போட்டு என் உணர்வை வெளிப்படித்திக்கொண்டேன்.என்னைப் போல் பலருக்கும் இதுப் போன்ற உணர்வை வெளிப்படுத்தும் சந்தர்ப்பம் தமிழகத்தில் பலருக்கும் அன்றைய‌ நேரம் ஏற்பட்டிருக்கும்.
இலங்கையில் தமிழ‌ர் வசிக்கும் பகுதிகளில் இலங்கை ராணுவம் குண்டு மழை பொழிகின்றது, உணவின்றி சாவு நிக‌ழ்கின்றன, என்ற தகவல் இந்தியாவுக்கு வர இந்திய ராணுவம் இங்கிருந்து உணவுகளை விமானத்தில் எடுத்து சென்று தமிழர்கள் வசிக்கும் பகுதிகளில் வீசுகின்றது என்றவுடன் நாங்கள் அடைந்த மகிழ்விற்கு எல்லையே கிடையாது.
இல‌ங்கை ஈழத்தமிழர் பிரச்னை எங்களோடு இறண்டற கலந்து விட்ட ஒன்றாகும். இன்றும் எங்களுக்குள்ளே வேரூடூருவிக்கிடக்கிறது . போரில் அத்தனையும் இழந்த நம் மக்கள் அகதிகளாக இந்திய மண்ணில் திரும்பி வந்து வாழ்கின்றனர். சொந்தமண்ணிலேயே அகதிகளாகப் பாவிக்கப்பட்டு அகதி முகாம்களில் அடைப்பட்டுக்கிடக்கிறார்கள்। இதிலும் வேதனை இந்திய அரசு வழங்கும் சொற்ப்ப சவுகரியங்களுடன் நலிந்து போய் வாழ்கின்றனர்.

என்று அந்த மண்ணில் போர் நிறுத்தங்களும், சமாதான வாழ்க்கையும் நிலவப் போகிறது। என்று அந்த மண்ணில் தமிழ‌ர்களுக்கு சுதந்திரம் கிடைத்திடப்போகிறது, என்று அந்த மண்ணில் வெள்ளைக் கொடிப் பறக்கபோகிறது, என்று அந்த மண்ணில் சமாதானப் புறா பறக்கப் போகிறது, என்று யுத்த கரு மேகங்கள் கலைந்து புதியதோர் விடியலாக தமிழ் ஈழம் பிறந்திடப் போகிறது.
விடுதலைக்காக தன் உயிர் ஈந்த என் சகோதர சகோதரிகளுக்கு என் கண்ணீர் அஞசலி.

இந்திய தமிழ் மண்ணிலிருந்து பிராத்திக்கிறேன்.

மீண்டும் ஜடமாகி மவுனமாகிப் போகிறேன்।

நவம்பர் மாத போட்டிக்கு - சாலைகள்

2007-11-07T09:11:00.000-08:00

வெறும் சாலைகளை பதிவு செய்வதில் எனக்கு உடன்பாடில்லை எனவே அன்றாடம் நாம் காணும் காட்சிகளையும் சேர்த்து பதிவு செய்தேன்.இந்த மாதிரியான சவாரியில் தான் நம் மக்களுக்கு ராக்கெட்டில் போவது போன்று திரில் பாருங்கள்.
நெல்லை மாவட்டத்தில் பதிவு செய்தது மனதில் சுமையாகயிருந்தது, தலையில் சுமை கால்களில் வேகம்
யானை படம் போட்ட பஸ் [கேரளா பஸ்] எதிரில் வருகிறது என்றால் மேக்ஸிமம் லெப்ட் எடுத்து விடுங்கள் இல்லை எனில் நிலமை இப்படிதான்.
ஓடு களம் இல்லாத நம் கிராமங்களில் நம் சிறுவர்கள் ஒலிம்பிக் கணவுகளோடு !!!
சாலை நமக்கு மட்டும் சொந்தமில்லை விருமாண்டிகளுக்கும் தான் அன்றாடம் நம்மோடு பயணிப்பவர்கள்.இவருக்கு இதுதான் பார்க்கிங் ஏரியா.

கோடாறிக‌ளின் முனை ம‌ழுங்க‌ட்டும்

2007-11-06T22:22:00.000-08:00

நாகர்கோவிலிருந்து திருவன‌ந்தபுரம் நெடுஞ்சாலையில் பயணப்படும் போது நான் கண்ட காட்சி இது, மொட்டைய‌டிக்க‌ப‌ட்ட‌ ஒரு வேப்ப‌ம‌ர‌த்தின் நுனிப்ப‌குதிக‌ளில் ச‌ட்டிபானையை தொப்பி போன்று க‌விழ்த்து வைத்திருந்தார்க‌ள் வேடிக்கையாக‌வும் வினோத‌மாக‌வுமிருந்தது।

சுங்கான்க‌டை என்கின்ற‌ அந்த‌ ஊர் ம‌க்க‌ளிடம் விபரம் கேட்டேன், விசாயிக‌ளும் ம‌ண்பாண்ட‌ம் செய்யும் தொழில் செய்பவர்களும் அதிக‌ம் வ‌சிக்கிறார்க‌ள் இங்கே। வேப்பம் ம‌ர‌த்தின் இலைக‌ளை முறித்து வ‌ய‌லுக்கு உர‌மாக‌ இடுவார்க‌ளாம் அத‌ன் பின்பு மொட்டைய‌டிக்க‌ப‌ட்ட‌ அந்த‌ ம‌ர‌ம் வெயில்ல‌டிப‌ட்டு ப‌ட்டு விட‌ கூடாது என இந்த‌ முன்னேற்பாடாம்.

ந‌க‌ர் புற‌ங்க‌ளில் வீடுக‌ள் க‌ட்ட‌ ம‌ர‌ங்க‌ளை முறித்து அழிப்ப‌தும்,வீடுக‌ளின் அழ‌கை ம‌ர‌ம் ம‌றைக்கிற‌து என‌ வெட்டி எறிவ‌து அன்றாட‌ம் ந‌ட‌க்கிற‌து, இது ப‌டித்த‌ நாக‌ரிக‌ ம‌னித‌ர்க‌ள் செய்யும் செய‌ல்.

பாருங்க‌ள் கிராம‌த்தில் ப‌டிக்காத‌ பாம‌ர‌ விவ‌சாயிக‌ளின் அறிவை,இய‌ற்கையை அவ‌ர்க‌ள் நேசிக்கிறார்க‌ள்,இய‌ற்கையோடு ஒன்றித்த இசைந்த வாழ்வு வாழ்கிற‌ர்க‌ள். மண்ணை நேசிக்கும் இவ‌ர்க‌ள் நாம் வாழ‌ இவ‌ர்க‌ள் உழைக்கிறார்க‌ள்.

இனியேனும் வீட்டுக்கு ஒரு ம‌ர‌ம் ந‌ட‌வில்லை என‌றாலும் ப‌ர‌வாயில்லை, இருக்கும் ம‌ர‌த்தையாவ‌து வெட்டி எறிய‌கூடாது என‌ முடிவுக்குவ‌ருவோம்.

ஊர் சுத்தலாம் வாங்க!

2007-10-19T08:06:00.000-07:00

சமீபத்தில் மதுரைக்கு போனபோது மீனாட்சி அம்மன் கோவிலின் சுற்றுபிரகாரத்தில் கண்ட காட்சி இது...படர்ந்து விரிந்து வளர்ந்திருந்தது. மனிதர்கள் மேல் பயத்தை பாருங்கள்,என்னை வெட்டிவிடாதீர்கள் என எழுதிவைத்திருந்தார்கள். மனிதர்களே பிளீஸ் வெட்டிவிடாதீர்கள்....முடிந்தால் வீட்டுக்கு ஒரு மரம்நட முயற்ச்சிப்போம்.

குமரி மாவட்டத்தில் களியல் நீர் பிடிப்பு பகுதியில் கண்ட காட்சி இது... மீனவர் ஒருவர் சுருக்குவலை கொண்டு மீன்பிடித்த லாவகம்.

நண்பர்களோடு மூணார் போயிருந்தோம்...இரு மரங்களின் உச்சியில் பறவையின் கூடு இது. உயர உயர பாதுகாப்பு மனிதர்களுக்குமட்டும்தான்.

பிரபல பத்திரிகையின் கோலப்போட்டியில் கண்ட காட்சி இது...அந்த காலங்களில் வீட்டின் வாசல்களில் அரிசி மாவுகொண்டுதான் கோலம்மிடுவார்களாம் நம்மவர்கள், காரணம் அரிசி மாவு எறும்புகளுக்கு உணவாக பயன்படும் என்றுதான். அணில்கள் தின்ற இந்த கோலம் எனக்கு பிடித்திருந்தது.

கிராமத்தின் சாலையில் சிறுவர்களின் உற்ச்சாக துள்ளல் ஓட்டம் இது....எல்லா விதத்திலும்இந்த டாப்கியர் ஓட்டமிருந்தால்தான் இன்றைய காலத்தின் நாகரிக வேகத்திற்க்கு ஈடாக இவர்களால் வர இயலும் என மனதில் பட்டது.

சாலையில் வேலியில் படர்ந்திருந்த கொடியில் பூத்திருந்த பூ இது... பார்வையில் வானத்திலிருந்து ஒரு பேராசூட் இறங்கி வந்தது போலிருந்தது.

திருமண வீட்டில் கண்ட் காட்சியிது.... பள்ளி பாடபுத்தகம் தூக்க வேண்டிய வயதில் சாக்ஸபோண் பிடித்து இசைக்க வந்திருந்தாள், சிறார்பணியாளர் படி குற்றமாகாதா இது!

ஒரு பெரிய மாமரம் ஒய்யாரமாக சாய்ந்து படுத்து கிடந்தது ஒரு கல் வீட்டின் மேல்.... சுகமான சுமைபோலும்.

ஜன்னல் வழி கண்ட காட்சியிது... குட்டி பூனையை பதுகாப்பாக கவ்வி துக்கி தாவியது தாய்.

கூடன்குளத்திலிருந்து திருச்செந்தூர் போகும் சாலையில் இந்த காட்சியை பதிவு செய்தேன்.....பெண்களின் தலையில் விறகு பாரம், கால்களில் வேகம், இந்த விறகுகள் சமையலுக்கு எரிக்கவா? இல்லை வயிற்று பாட்டை கழிக்க வியாபாரத்திற்காவா ? அணுவுலையிலிருந்து நாட்டுக்கு எரிசக்த்தி கிடைக்கபோகிறதாம்!!! ஆண்டவன் அருள்பாலிக்கட்டும்......அடுத்த நூற்றாண்டில் இந்த கருவேலம் மரங்களாவது மனிதர்களுக்கு மிஞ்சுமா என்று மனதில் கேள்வி எழுந்தது என்னுள்.

கொலைக்குடில் - பிரமீடு

2007-10-18T07:32:00.000-07:00

நதியில் மடி சுரண்டி

மணல் வந்தது

பர்வத உடல்சிதைத்து

கல் வந்தது

வணம் அறுத்து

கதவும் ஜன்னலும் வந்தது

புவித்தாயின் மார்பில்

துளையிட்டு உறிஞ்சியதில்

நீர் வந்தது

வாஸ்த்து படி

வாணம் தோண்டினர்

இறந்துபோன இயறக்கைஉடல்

வின்முட்ட அடுக்கி

புது வீட்டில் கிரகப்பிரவேசம்...

வருணப்பொழிவு

2007-10-09T07:25:00.000-07:00

தூரத்திலிருந்துபெரும் இரைச்சலோடு

நெருங்கி வியாபித்தது தூறல்

கருத்துபோன மேகங்கள்

தவழ்ந்து கடந்தன

வெளித்தேகத்தில்

மழைத்தூறல்களின் நகக்கீறல்கள்

சிதறிய மழைத்துளி

காற்றோடு உறவாடி அதனோடு

ஓடிப்போனது

கைவிரித்த மழை

முகம் மலர்ந்து

கமலமாக ஸ்பரிசம் கிளரச் செய்தது

செம்மண் தரையில்

சிவந்த ரத்த வழிசல்கள்

வடுக்களைத் தடம் பதித்தன

பூமியில் முகம் புதைத்த

விதைகள் முளைவிட முனைந்தன

நிலம் தழுவி கிடந்த வேர்கள்

இளகிப்போய் வான்நீர் அருந்தின

சருகையும் தளிரையும்

சுத்தமாக கழுவிப் போட்டிருந்தது

கிளைக் கைவீசி

குளிர் சாமரமானது மரங்கள்

உயரத்தில் ஈரக்குருவிகள்

ரெக்கை சிலுப்பி

கண்ணாடித் துகள்களாக சிதறியது

நீர்க்குமிழி கண்சிமிட்டி

தெப்பத்தில் வெடித்து மறைந்தது

அடிவானம் வெள்ளைக்கொடியசைத்து

தூறல் நிறுத்தியது

உதிர்ந்து போன

ஈசல் சிறகுகள் ஊர்வலம் போனது

கரகரத்த தவளை சத்தம்

நிசப்தம் கலைத்தது

இறுதிக்கு யாருண்டு

2007-09-22T02:11:00.000-07:00

போட்டோ - ஆனந்த்

பிறாயம் முதல்
உழைக்க ஆரம்பித்தது
மனைவியாய்
தாயாய்
தாதியாய்

வாழ்க்கை சுமை
கருப்பை சுமை
அத்தனையும் சுகமான சுமைகள்

உடம்பின் வலு
துயரங்களை துரத்தியது
பிள்ளைகள் ம்கிழ்வு
எனக்கு மனநிறைவு
இயன்றவரை இப்படியே
வாழ்ந்து விட்டேன்

பதியம் வைத்த செடியாய்
அவர்கள் வளர்ந்துவிட்டார்கள்
தூரத்தில் இன்று...

உடம்பு முழுக்க
அனுபவசுருக்கமும் முருக்கும்
தளர்ச்சியுமுண்டு

இறுதிவரை உழைத்து
வாழ்ந்திடுவோம்
கட்டையேறிடும்போதாவது
துணை வருமா உறவுகள்....

மொழி-அச்சரம்

2007-09-08T09:37:00.000-07:00

இளமையில் கல்- அவ்வை வார்த்தை - போட்டோ- ஆனந்த்

உழைக்கும் வர்க்கத்தின் பத்திரிக்கை படிக்கும் ஆர்வம்- அதற்க்கும் உதவி தேவை படுகிறது பருங்கள் !

நாகரீகங்களும் கல்வி அறிவு எத்தனை தூரம் வளர்ந்தாலும் நம் இளையவர்களுக்கு ஜோசியத்திலும் அபார நம்பிக்கை பாருங்கள்

இன்று செப்டம்பர்-எட்டு உலக எழுத்தறிவு தினம்.

இதை மனதில் வைத்து நம்ம கேமிரவில் இன்னைக்கு ஏதாவது சிக்குதான்னு பாப்போம்னு கிளம்பினேன்.
ஒரு சில பதிவுகள் செய்ய முடிந்தது.......உங்க பார்வைக்கு வச்சிருகேன். நான் ரவுண்ஸ்ல இருக்கும் போது நன்பன் ஆனந்த் தொலைபேசியில் வந்தான் அவன்கிட்டேயியும் விவரத்தை சொன்னேன் உடனே அவனும் நானும் என்னுடைய பதிவை சுட்டு அனுப்பி வைக்கிறேன்னு கிளம்பிட்டான்.......

நண்பர் ஆனந்த் புகைப்படகலையில் மிக ஆர்வலர் இனி வரும் காலங்களில் அவருடைய பதிவுகளும் உலா வரும்.

தொழில் செய்ய நேரம் சரியாக இருப்பதால் எழுத நேரம் கிடைப்பதில்லை.

படங்கள் பற்றிய விமரிசனங்களை தவறாமல்
எமக்கு எழுதினால் மிக சந்தோம்...

மஞ்சள் துணி பூதக்கிழவி

2007-09-06T03:06:00.000-07:00

நெல்லை குமரி மக்களிடையே பெரும் பீதி!! மஞ்சள் உடை உடுத்திய வயதான கிழவி ஒவ்வொருவர் வீடுகளுக்கு வருவதாகவும், பிச்சைக் கேட்பதாகவும், பிச்சைக் கொடுத்தவர்கள் உடனடியாக மயங்கி ரத்த வாந்தி எடுத்து விழுகிறார்களாம். அதன் பின்பும் அந்த வீட்டில் பெரும் நோய்களும் எற்படுகிறதாம். இப்படி ஒரு வதந்தி செய்தி கிராமங்களில் மட்டுமில்லாமல் நகரப்பகுதிகளிலும் வீடுகளின் வாசல்களில் வேப்பிலையும், மஞ்சள் துண்டும் கட்டி தொங்க விட்டிருக்கிறதை காண முடிகிறது.

இது மாதிரியான புரூடா செய்திகளுக்கு நாட்டில் பஞ்சமில்லை போங்கள். எதை சொன்னாலும் நம்பி விட ஒரு கூட்டம் இருக்கிறது. நாகரீகங்களும், கணினி யுகங்களும், தொழில் நுட்பங்களும் எத்தனை வளர்ந்தாலும் பஞ்சமில்லாத இந்த மாதிரியான புரூடா கதைகளும் வலம் வருகின்றன.

காத்தாவது! கருப்பாவது!

பூதததை பார்க்க ஆசை உண்டா?

படத்தைப் பாருங்கள் சும்மா! அதுவும் புரூடா தான்.

வளர் பருவத்திலேயே

2007-09-04T07:54:00.000-07:00

சமீபத்தில் எனது பணிக்காக பதிவு செய்ய நான் சென்றது பள்ளிகூடங்களுக்கு அதுவும் பெண்குழந்தைகள் பயிலும் பள்ளிகளில், யுனிசெப் நிறுவனம் ஏற்பாடு செய்திருந்த நிகழ்ச்சி அது. வளர்பருவ,வயது வந்த பெண்களுக்கான சுகாதார முறைகளை போதிப்பது.

பள்ளி வளாகத்தில் ஒதுக்குப்புறமான ஒரு அறையை தேர்வு செய்திருந்தனர் நிர்வாகத்தினர், மாணவிகள் கூட்டத்திற்க்கு வரும் வரை என்ன? எதற்கு? என்று கூட தெரியாது அவர்களுக்கு. கூடவே பயிலும் மாணவர்களுக்கு என்ன இவர்களுக்கு சொல்லி கொடுக்க அழைத்து செல்கிறாரென்று புதிர் போலும் வகுப்பறையின் வாசலிலும் ஜன்னலிலும் உத்து பார்த்துகொண்டு இருந்தனர்।
கூட்டத்திற்கு வந்தமர்ந்த அத்தனை மாணவிகள் முகங்களிலும் ஒரு வித மிரட்சியுடன் கூடிய நாணத்தை காணமுடிந்தது। நிகழ்ச்சியை நடத்துனர் ஆரம்பித்தார்----மாதவிடாய் காலத்தில் பெண்கள் கவனிக்க வேண்டியவை, சுகாதர அனுகுமுறைகள் என....அத்தணை பெண்பிள்ளைகளும் தலைகுனிந்துகொண்டனர்।பெண்ணுறுப்பு,ஜட்டி,நாப்கின்,சுத்தம் செய்தல் போன்ற வார்த்தைகளை நிகழ்ச்சி நடத்துனர்கள் உச்சரித்த உடன் கூட்டத்தில் மாணவிகள் உச் கொட்டி நாணிகோணினர்,பெரும்பான்மையினர் நாப்கின் பயன் படுத்துவது இல்லை என கூறினர், இந்த மாதிரியான செக்ஸ் போதனை தேவை என்றும் தயங்காது கூறியது ஆறுதலான விசயம்.

கூட்டத்தில் கல்ந்து கொண்டவர்களுக்கு இலவசமாய் ஒரு நாப்கின் வழங்கினார்கள் அதை ஆர்வமாய் வாங்கி மறைத்து வைத்துக்கொள்ள மாணவிகள் பிரயத்தனப்பட்டது வேடிக்கை. கூட்டம் நடத்துனர்களிடம் இனிவரும் காலங்களில் நாப்கினோடு மடக்கி வைத்துகொள்ள ஒரு பேப்பர் துண்டும் வழங்க வேண்டும் என நான் எடுத்துரைத்தேன்.
இந்த கூட்டதில் ஆணாக நான் மட்டும் இருந்ததால் என்னால் அவர்களுக்கு சங்கோஜம் வரக்கூடாது எனவெகு துரத்தில் நின்று கவனித்தவனாக, ஸூம்லென்சிலெயே பதிவுகள் செய்தேன்.
வளர் பருவ பெண்களுக்கு இந்த மாதிரியான போதனைகள் மிக அவசியம் என மனதில் பட்டது. மாற்றங்கள் வரப்போவது இனி நிச்சயம் தான்.

சண்டே ஸ்பெஷல்- அலையாத்தி பகுதி 3

2007-08-29T04:09:00.000-07:00

அலையாத்தி சதுப்புநிலகாடு

குச்சி போன்ற அடிப்பகுதி

சண்டே ஸ்பெஷல்- அலையாத்தி பகுதி 2

2007-08-29T04:01:00.000-07:00

கயலில் படகு

நீர் பறவைகள்

சண்டே ஸ்பெஷல்-அலையாத்தி

2007-08-29T03:41:00.000-07:00

காயலின் எழில் தோற்றம்

உடைந்த பாலத்தின் ஒரு துண்டு

தற்காலிக பாலம்

பொழிமுகம்

ஞாயிற்று கிழமை வந்துட்டாலே எங்க? அவுட்டிங் போறதுன்னு பெரிய சர்ச்சையே நண்பர்களிடையே வந்துடும். இந்த வாரம் மணக்குடி காயலில் போட்டிங் போலாம்ன்னு முடிவானது.
சுனாமி தாக்குதலுக்கு பிறகு மணக்குடி பழையாறு காயலில் புதுசா போட்டிங் வசதி ஏற்பாடு பண்ணியிருக்காங்க. நாகர்கோவிலிருந்து 15கிமி தூரத்தில் உள்ளது மணக்குடி கடற்கரை கிராமம். மணக்குடி ஊரின் நுழைவு பகுதியில் தான் பழையாறு கடலோடு கலக்கும் [பொழிமுகம்] உள்ளது. கீழமணக்குடியும் மேல மணக்குடியும் இணைக்கும் பாலமும் உள்ளது. இங்கிருந்து பார்த்தால் இயற்கையின் எழில்மிகு வனப்புகளை ஒருசேர பார்க்கலாம். ஒரு பக்கம் தெளிவான காயல் நீர், இன்னொரு பக்கம் நீலக்கடல் சுற்றிச்சூழ அரண்போல மலைப்பகுதி, மருந்துவாழ்மலையும் தெரிகிறது. இராவணன் தூக்கி சென்ற சஞ்சிவி மலையிலிருந்து கீழே விழுந்த சிறு துண்டு தான் மருந்துவாழ்மலை அத்தணை மூலிகை செடிகளும் அந்த மலையில் இன்றும் உண்டு.
சுனாமி தாக்குதலில் சிதறிப்போன பழைய பாலம் படகுத்தளத்தின் பக்கம் ஒரு துண்டும் மறுபக்கம் இன்னொறு துண்டுமாக இன்றும் சுனாமியின் வேகத்தினை நாம் உணரும் விதமாக கிடக்கிறது. நான்கு துண்டுகளை இணைத்து இந்த பாலம் கட்டியிருந்தனர் ஒவ் ஒரு துண்டும் 3000 டண் எடையுள்ளது இதில் இரண்டு துண்டுகளை சுனாமி அலைகள் எங்கு தூக்கி வீசியது என்றே இன்னும் தெரியவில்லையாம். ஒரு பிரமாண்டமான பாலத்தையே காணமல் செய்திருந்தது சுனாமி அலைகள் பிரமிப்பாகவும், அதிர்ச்சியுமாக இருந்தது.
படகில் பயணம் செய்ய தலைக்கு 15ரூபாய் வசூலிக்கின்றனர் காயலில் சுமார் 1கிமி அழைத்து செல்கின்றனர் அது ஒரு திரில் பயணம் பாருங்கள். வழிநெடுக கரையில் வரிசையாக தென்னை மரங்கள் வெயிலுக்கு குடை பிடித்தது போல உள்ளது, நீரில் மூழ்கி தலையை மட்டும் வெளியில் காட்டும் நீர்பறவைகள், நீண்ட கழுத்து கொண்ட வெளிநாட்டு பறவைகள், துள்ளிகுதிக்கின்ற மீன்கள் என மிக குதூகலமாக உள்ளது. இதற்கெல்லம் மகுடம் வைத்தது போல காயலின் நடுப்பகுதியில் ஆங்காங்கே மாங்குரு தீவுகள் சதுப்பு நிலக்காடுகள் உள்ளது, அடர்த்தியாக உயரமாக வளர்ந்த அலையாத்தி மரங்கள், சுராபுன்னை மரங்கள் என அரிய வகை மரங்கள் உள்ளன.
இந்த அலையாத்திமரங்களின் மேல் பகுதி ஒரு ஆலமரத்தை போன்று அடர்த்தியாக உள்ளது கீழ் பகுதி சின்ன சின்ன குச்சி போன்று நெருக்கமாக அமைந்துள்ளது. இந்த அலையாத்தி மரத்தின் சிறப்பே அலையின் வேகத்தினை தடுக்கும் வலிமை உண்டாம். சுனாமிக்கு பிறகு இந்த மாங்குரு காடுகளை [ MANGROVE AFFORESTATION PROGRAMME ] என்று தனி கவனத்துடன் வளர்த்து வருகின்றனர்.
உண்மையிலே இந்த பயணம் நண்பர்களிடையே மிக சந்தோசமாக இருந்தது மட்டுமல்லாமல் இயற்கையை பற்றிய ஒரு நேசமும் வரச்செய்தது. மனிதர்களுக்கு இயற்கை ஒரு வரப்பிரசாதம்தான். மரணத்திற்க்கு பின்பு சொர்க்கம் என்பதெல்லாம் கட்டுக்கதை வாழும் போதே இயற்கையை ரசிப்போம், பேணிபாதுகாப்போம், அதனோடு இணைந்த ஒன்றித்த வாழ்வை வாழ்ந்து சொர்க்கத்தை அனுபவிப்போம்.

நெய்தலில் ஒரு நல்முத்து

2007-08-27T04:35:00.000-07:00

[நாகர்கோவில் பண்பலை வானொலியில் ஆகஸ்ட் 16ம் தேதி இரவு எட்டு மணிக்கு ஒலிபரப்பான இளையபாரதம் நிகழ்ச்சியில் பிரபல பத்திரிகையாளர், குறுமபட ஆவண பட இயககுனர் திரு. டி. அருள் எழிலன் அவர்களுடைய பேட்டியின் சுருக்கம்]

இவர் குமரி மாவட்டம் புத்தன் துறை என்கிற இயற்கை எழில் கொஞ்சும் அழகிய கடற்கரை கிராமத்தை சேர்ந்த இளைஞர் இவருக்கு திருமணமாகி ஒரு குழந்தையும் உள்ளது.தகப்பனார் திரு.ஆ.தாமஸ் நல்லாசிரியர் விருது வாங்கி ஓய்வு பெற்ற ஆசிரியர்,தாயார் திருமதி.பொன்னம்மா இறைவனடி சேர்ந்துள்ளார்
.தனது எண்ணங்களையும்,கருத்துக்களையும் விசாலமாக்கி,பார்வையை கூர்மையாக்கி பல எளிய சாமானிய ஆளுமையுள்ள மனிதர்களை வெகுஜன ஊடகத்தின் முலம் வெளியுலகிற்கு அறிமுகம் செய்து உலாவர செய்ததால் தமிழகத்தின் சிறந்த இளைஞர் என்று பிரபல் இதழான இந்தியா டுடே 2007- 2008 ம் ஆண்டுக்கு தேர்வு செய்து விருது வழங்கி சிறப்பித்துள்ளது.

அருள் எழிலன் தனது எழுத்தின் முலம் இந்த பிரபஞ்சத்தின் வாழுகின்ற மனிதர்களை அதுவும் சாதரண மனிதர்களை,எளியோர்களை,எந்தவித அதிகாரமும் தனக்கில்லாத மனிதர்களை அவர்கள் வாழும் வாழ்க்கையை,அடிப்படை வாழ்வாதரத்திற்க்காக படும் துயரங்களை,தன்னை இந்த சமுகத்தில் தக்கவைத்துக்கொள்ள எடுத்துக்கொள்ளும் முயற்சிகள்,அந்த தனி மனிதன் இந்த சமுகத்திற்கு எடுத்துகூறும் உதாரண தகவல்களையும் மிக உன்னிப்பாக கவனித்து நமக்கு ஊடகங்களின் மூலமாக வெளிக்கொணர செய்கிறர்.

சிற்பி வெறும் கல்லில் அதனுள் உள்ள வடிவத்தையும் கலை படைப்பை மட்டும் தனது தனிப்பார்வையால் செதுக்கி வெளிக்கொண்டு வருவது போல இவர் தனது எழுத்துக்கள் மூலம் பேனா முனை மூலம் சாமானியர்களின் பரிமாணங்களை நமக்கு தெரிவிக்கிறார்.அவர்கள் மேல் இவருக்குள்ள வாஞ்சனையும் நம்மல் உணரமுடிகிறது.இவரிடம் உள்ள மனித நேய பார்வையால்தான் இவரால் ஒரு நல்ல ஆவணப்பட, குறும்பட இயக்குனராகவும், எழுத்தாளராகவும் வலம் வரச்செய்து இன்று ஒரு வெற்றி நாயகனாக்கியுள்ளது.

இன்றைய இளைஞர்கள் இளம் வயது முதல் நல்ல புத்தகங்கள் படிக்கும் பழக்கம் வளர்த்துக் கொள்ள வேண்டும் என்று கூறினார்.தனக்குள்ளே உள்ள படைப்பாற்றலை மேம்படுத்த புத்தகம் படிப்பது மூலம் வளமை ஆக்கலாம் என தெரிவித்தார். இளைஞர்கள் சாதிக்கப் பயணப்படும்போது தகுதிகளை வளர்த்துக் கொண்டு தெளிவான முடிவுகளோடு செயல்படவேண்டும் என்றார்.
வெற்றிப் பெற்ற சாதனையாளர்கள் ஒவ்வொருவரும் தனியாளாக எதையும் சாதிப்பதில்லை என்பதை தெளிவு பட கூறினார். சாதனையாளர்கள் ஒவ்வருவொரின் பின்பும் இந்த சமூகம் பல விதங்களில் பின் புலமாகவும் முன்னேற துணை புரிகிறது என்றும், வெற்றி பெற்றவர்கள் ஒவ்வருவரும் இந்த சமூகத்திற்கு நன்றி கடனாக செய்யவேண்டிய கடமைகள் நிறைய உள்ளன என நினைவுப் படித்தினார்.
அருள் எழிலன் அவர்களுடைய வானொலி உரை இளைஞர்களுக்கு ஒரு உத்வேகம் தரும் நம்பிக்கை வார்த்தைகளாகவே இருந்தது. இந்த இளம் சாதனையாளரை என்னுள் உள் வாங்கியவனாக மண்ணின் மைந்தன் என்ற வித்ததில் பெருமை கொள்கிறேன். அவருடைய பணி சிறக்க வாழ்த்துக்கள்.

கண்ணிருந்தும் குருடர்களாகிறோம்

2007-08-23T05:17:00.000-07:00

வருத்த பார்வை-இடம் பாளையங்கோட்டை கோபலசாமிகோவில் சுமார் 1000 வருடங்கள் பழமையானது

நான் சிறுவனாக பாளையங்கோட்டையில் சுத்திவரும்போது மிக கம்பீரமாக நின்ற கோபாலசாமி கோவில் சமீபத்தில் பார்க்க நேர்ந்தது. களையிழந்து அத்தனை சிலைகளும் உடைந்து சிதிலமடைந்து போயுள்தை காணநேர்ந்தது. இது கோபுரத்தின் ஒரு பக்க பகுதி.பாதுகாக்கபடவேன்டிய அறிய புரதாணா கலைபொக்கிசங்களை நம் இத்தனைநாள் அழியவிட்டு வேடிக்கைபார்த்தது மிக வேதனையாய்யிருந்தது

இசையால் வசமாகாத இதயம் எது

2007-08-15T00:45:00.000-07:00

-நேர் காணல்-

முத்தப்பா பாகவதர்

வ்யது - 72

சொந்த ஊர் - ம்றவன் குடியிருப்பு,கன்னியாகுமரி
இசை கலைஞர்கள் பலருடைய பேட்டிகளில் முத்தப்பா பாகவதரை நினைவு கூர்ந்து பேசுவதும் தனது குருநாதர் எனவும் அவரை முன்னிலைப் படுத்தி பேசுவதையும் அடிக்கடிப் பத்திரிகைகளிலும் வானொலி போன்ற ஊடகங்கள் மூலமாகவும் நாம் அறிய முடிகிறது.
யார்? இந்த முத்தப்பா பாகவதர், இசையோடு இசைந்து இவர் வாழ்ந்த வாழ்வு என்ன? என்ற கேள்விகளோடு அவரைக் காண்பதற்காக சென்றோம்.
இசைக்காகவே தன்னுடைய வாழ்வையே அர்ப்பணித்த அந்த முதியவர் நாகர்கோவிலிருந்து ஆறு கிலோ மீட்டர் தொலைவில் உள்ள மறவன் குடியிருப்பு கிராமத்தில் இன்றும் தன்னுடய நாதம் எழுப்பும் ஆர்மோனியப் பெட்டியோடு வாழ்கின்றார்.
பேட்டி என்று அவர் முன்னே நாம் அமர்ந்தவுடன் அவர் கண்களில் ஒரு வித ஒளிபடர்வதையும், விரல்கள் மிடுக்குடன் இசைக்க ஆரம்பித்ததையும் நம்மால் உணர முடிகிறது.

ஐயா உங்களைப் பற்றி?

என்னுடைய பன்னிரெண்டாவது வயதில் நாடக துறையில் பக்க மேளம், பிண்ணனிகுரல், மற்றும் நாடக துறைக் கலைஞர்களோடு தொடர்பு ஏற்பட்டது.
யாரிடம் இசை கற்க ஆரம்பித்தீர்கள்?
பூதபபாண்டியைச் சேர்ந்த இசை மேதை அருணாச்சலம் என்பவரிடம் கர்னாடக சங்கீதம் படிக்க ஆரம்பித்தேன்.
நாடக துறையில் எந்த மாதிரியான நாடக்ங்களுக்கு நீங்கள் இசை அமைத்தீர்கள்?
குமரி மாவட்டத்தில் பல கம்பனி நாடகங்களில் பணியாற்றினேன். பலசமூக விழிப்புணர்ச்சி நாடக்ங்களில் எனது பணி தொடர்ந்தது. சென்னைத் தியாகராஜ நகரில் இயங்கிய நாடக கம்பெனிகளில் இசையமைத்து உள்ளேன். சென்னை வாணிமஹால் அரங்கில் பல நாடகங்களுக்கு இசை அமைத்துள்ளேன்.
நாடக துறையில் எவரோடெல்லாம் உங்களுடைய தொடர்பு இருந்தது?
பழம் பெரும் நடிகர்கள்,பி.யூ.சின்னப்பா, தியாகராஜர்பாகவதர், மற்றும் நடிகர் ஆனந்தன்,எம்.ஜி.ஆர்,சிவாஜி போன்றவர்களிடம் பழகும் வாய்ப்பு கிடைத்தது. அத்தனையும் எனக்கு மறக்க முடியாத நினைவுகள்.
நாடக துறையைத் தவிர சினிமாவில் உங்கள் பங்களிப்பு என்ன?
சினிமா துறையில் எனக்கு பெரிய வாய்ப்பு கிடைக்கவில்லை."நினைப்பதுநிறைவேறும்" என்ற படத்தில் ஒரு பாடல் பாடியுள்ளேன். இன்னும் பெயரிடப்படாத படத்தில் இரண்டு பாடல்கள் பாடியுள்ளேன். படமும் பாடலும் வெளிவராதது எனது துரதிஷ்டம். என்னோடு சிறுவர்களாக சென்னையில் சினிமாத்துறையில் பணியாற்றி வந்த எனது அண்ணன் மகன்கள் பிற்காலத்தில் பிரபலமான ஸ்டண்டு நடிகர்களாக மாறினார்கள். அவரகள் ஜஸ்டின், செல்வமணி, ஆகியோர்க்ளாவார்கள்.
கர்னாடக இசைக்கலைஞர் என்ற முறையில் அந்த காலத்தில் ஊடகங்களில் என்ன தகுதி உங்களுக்குவழங்கப்பட்டது?
ஆல் இந்தியா ரேடியோவில் 'B' கிளாஸ் என்ற தகுதியோடு பாடினேன். சென்னை, பாண்டிசேரி, திருச்சி, திருவனந்தபுரம் போன்ற ரேடியோ நிலையங்களில் பாடியுள்ளேன்.
இசை துறையில் வேறு என்ன பதிவுகள் செய்துள்ளீர்கள்? தங்களுக்கென்று ஏதாவது இசைத் தட்டு வெளியிட்டிருக்கிறீர்களா?
சினிமா பாடல்கள் கலவாத பல நல்ல தமிழ் இசை கச்சேரிகள் நிறைய நடத்தி உள்ளேன். இரண்டு பக்தி பாடல் கேஸட்கள் வெளியிட்டுள்ளேன். வேத மாணிக்க பிள்ளையின்னிறைய தமிழ் பாடல்களுக்கு இசை அமைத்து பாடியும் உள்ளேன். போதுமான பொருளாதார சூழ்நிலைகள் இல்லாததால் தொடர்ந்து வெளியீடுகள் செய்ய இயலவில்லை.
இசைத் துறையில் தங்களுக்கு ஏதாவது பட்டங்கள் கிடைத்ததுள்ள்தா?
பல வருடங்களுக்கு முன்பு உலக மேதை சுத்தானந்த சுவாமிகள் "இசைமணி" என்ற பட்டம் வழ்ங்கி கவுரவித்தார். திருச்சி தமிழ் இசை சங்கம் 'தமிழ் இசைவேந்தன்' என்ற பட்டம் தந்தனர். மற்றபடி அரசின் எந்த பட்டங்களும் எனக்கு கிடைக்கவில்லை. குறிப்பாக அடையாளம் கண்டு கவுரவிக்கப்படவும் இல்லை.
இசையைப் பற்றி?
இறைவனே இசை வடிவம் தான்.இசைக்கு உடலை வருத்த தேவையில்லை. அமைதியான சூழலில் மனதை ஒரு நிலைப் படுத்தி நல்ல தமிழ் இசைப் பாடல்களைகேளுங்கள். உங்கள் வேலை பளுவுக்கிடையே பாடல்கள் கேட்பதை பழகிக் கொள்ளுங்கள். மனதும் புத்துணர்வு பெறும் தமிழ் இசையும் வளரும்.
இன்றைய இசையைப் பற்றி?
இன்றைய இசை கலப்படமாகிவிட்டது
இசையை வளர்க்க இனி என்ன செய்ய வேண்டூம்?
சிறு வயதிலேயே இசை ஆர்வம் அதிகரிக்க பள்ளிகளில் இசையை பாடமாக்கலாம். ஊடகங்களில் மக்களை கவரும் விதத்தில் நல்ல தமிழிசையை ஒலிபரப்பலாம். னல்ல தமிழ் இசைப் பாடல்களை நடை சிதையாத வகையில் குறுந்தகடு, இசைத்தட்டுகள், வெளிவர இசை நிறுவங்கள் முன் வரவேண்டும். நிறைய த்மிழ் இசைக் கல்லூரிகள் துவங்கப்படவேண்டும்.

நேர் காணல்-ஜவஹர்ஜி.

கவிதைகள்

2007-07-28T07:34:00.000-07:00

விடியல்

இரவு முழுவதும்
கடல் மடியில்
உறங்கி துயில்
எழும்பும் சூரியன்.
...........................................................................
ஆம்லெட்

உலகம் முழுவதும்
தினந்தோறும் நடைபெறும்
சத்தான
கருக்கலைப்பு.
...........................................................................

சிகரெட்

விரலிடிக்கில்
புகையும் பணம்.
...........................................................................

கேமரா

எனது எண்ண்க் கனவுகளை
அவ்வப்போது நனவுகளாக்கும்
மந்திரப்பெட்டகம்...
வாழ்வின் அடிததளத்தை
உருவாக்கி விட்ட பொக்கிஷம்...
இலக்கு இன்றி திரிந்த எனக்கு
இலட்சியம் ஏற்படுத்தி
இலட்சஙகள் ஈட்டுக் கொடுத்து
வாழ வழி காட்டிய
மந்திரப் பெட்டகம்...
வாழ்வில் புதிய புதிய
பரிமாணக் கோணங்களை
காண்பித்துக் கொடுத்த
வியூபைண்டரும் உண்டு...
எனது தோளில்
தொங்கி கிடந்தே
வாழ்வில் எனது
இரு புஜங்களையும்
உயர்த்திவிட்ட மந்திரப்பெட்டகம்...
உடல் உண்டு...
கண் உண்டு...
வாய் இல்லை...
ஆனாலும்! என்னிடம்
அடிக்கடி வாய் திறந்து பேசும்
"கிளிக் கிளிக்" என்று...
...........................................................................

பொட்டகுட்டி

2007-07-28T06:35:00.000-07:00

ஒரு புது உலகில தவழ்ந்து வந்த உணர்வு எனக்கு.ஒரே வெளிச்சமாயிருந்தது கூடவே, அருகில் சின்னச்சின்ன நாய் குட்டிகளின் விசும்பல் அழுகையும் கீச்சு குரலில் கேட்டது. சொர சொரப்பான் நாக்கால் என் மேலெல்லாம் நக்கி தந்து உறுமல் சத்தம் எழுப்பிக்கொண்டிருந்தது என் தாய். வாயால் குதப்பி குதப்பி பால் குடிக்க ஆரம்பித்திருத்தேன்.பால் குடிக்க மட்டும் எங்களிடையே ஒரே போட்டியும் இழுபறியா இருக்கும். கண் தொறக்க ஒரு எட்டு நாளாகும்,என இருவர் எங்களைப் பார்த்து சொல்லிக் கொண்டிந்தது எங்கள் காதில் கேட்டது. ஆண் எத்தனை? பொட்டை எத்த்னை? ரெண்டு மட்டும் தான் ஆணு மத்ததெல்லாம் பொட்ட குட்டிதான் என்று ஒருவர் வருத்தம் தொனிக்க சொன்னார். ஆண் குட்டிக்கு ஆயிரம் ரூபாய் கொடுங்க, பொட்ட குட்டிக்கு முன்னூறு ரூபாய் கொடுங்க. இப்படி ஒரு வாரமா! பலரும் பார்த்துகிட்டும் பேசிக்கிட்டும் போனாங்க. திடீர்னு ஒரு நாள் ரெண்டு குட்டிய யாரோ தூக்கிட்டு போயிட்டாங்க. பெரிய நாயி அப்பப நாக்கால நக்கித் தரும். கொஞ்சம் நெருக்கடியும் கொரஞ்சு இப்ப நல்லா பால் குடிக்க முடிஞ்சது. பொட்ட குட்டிகல வளர்த்து ஒரு ப்ரயோஜனம் இல்லை. நூறு ரூபாய் கிடச்சாலும் இதுகளை தூக்கி கொடுத்துடுங்கனு, அந்த வீட்டுல ஒரு பெரியம்மா சொல்லிகிட்டாங்க. ஒரு நாள் ஒரு சின்ன பையில என்னை தூக்கிட்டு ஒருத்தரு கொண்டு போனாரு, பயங்கர சத்தமா பெரிய நாய் குலைச்சுது. அங்க ஒரு வீட்ட்டுல கொண்டு பொய் விட்டங்க்.அந்த விட்டுல இருந்த சின்ன பையனுக்கு என்ன பார்த்த உடனே பயங்கர சந்தோசம், கைய,கால தூக்கிட்டு ஓடி கிட்ட வந்து செல்லமா தடவி தந்து,முத்தம் தந்தான். அங்க நஞ்சு போன அலுமினிய தட்டுல பாலை ஊத்தி வைப்பாங்க எனக்குதான் நக்கி குடிக்க தெரியல. சின்ன பையனத் தவிர யாருக்கும் நான் அங்கு போய் சேர்ந்ததில சந்தோசம் இல்லை. போயும் போயும், பொட்ட குட்டிய தூக்கிட்டு வந்திருக்கிறியே- என அந்த ஆளை எல்லோரும் திட்டிதீத்தாங்க. ஆண்குட்டின்னாவது காவல் கிடக்கும், இதை போய் யாரால கெட்டி காக்க முடியும் ஊர் மேய போயிடும், இது நமக்கு லாயக்கு படாது, யாருக்காவது தூக்கி கொடுத்துடலாம்னு சொல்லிகிட்டுருந்தாங்கைந்த சந்தோசமும் அதிக நாள் நீடிக்கல, அந்த வீட்டுல உள்ள சின்ன பையன் கதறி அழுதான். எனக்கு அந்த நாய் குட்டி வேணும்ன்ப்பா, இதை கொண்டு போயிராதீங்கன்னு அடம் பிடிச்சு அழுதான். மறுபடியும் ஒரு பையில எனது பயணம் ஆரம்பமானது. என்னை கொண்டு போய் ஒரு கடை வீதியில விட்டாங்க. எங்க பொற்துனே வழி தெரியாம முழிச்சேன். என்னை பார்தத உடனேயே ஒரு சிலர் கிட்ட நெருங்கி வந்து வெக்கங்க்கெட்டதனமாய் என்னை தூக்கிப் பார்த்து பொட்ட குட்டின்னு முகங்க்சுழிசுசு சொல்லிகிட்டு கீழே விட்டுட்டு போயிட்டாங்க.. இன்னும் சிலர் செய்யிறதுதான் ரொம்ப கொடுமை ஒத்த காதை மட்டும் பிடிச்சி என்னை தூக்கிப்பார்ப்பாங்க நானும் மலங்க மலங்க விழிச்சு பார்ப்பேன், எனக்கு சொரணை கிடையாதுன்னு கீழே தொப்புன்னு போட்டுருவாங்க.யாருக்குதான் சொரணையும், வெக்கமும் கிடையாதுன்னு என்க்கு புரியல.இப்ப அங்க இங்கன்னு சுத்திவந்து ஒரு தேர் மூட்டுல படுத்துகிடகேன்.உங்களுக்கு கூட நான் இப்ப வீதிகளில் எதிர்படலாம் ஐம்பது பைசாவுக்கு பிஸ்கட் வாங்கி போடாவிட்டாலும் பரவாயில்ல பீளீஸ் கல்லால் மட்டும் அடிச்சிடாதீங்க... என்னா? கல்லடி பட்டே நான் கோபத்தோட சுத்திட்டிருக்கேன்..

அலைகடலொரம் தொடரும் துயரம் ...4

2007-07-22T07:06:00.001-07:00

குமரி மாவட்டத்தில் சுனாமி ஏற்படித்திய தாக்கதினல் ஏற்பட்ட உயிர் இழப்பு உடமைகள் சேதம், உருக்குலைந்து போன மீனவ மக்களின்வாழ்க்கை என அத்தனையும் மறக்க முடியாத வடுக்கள். அதன் பின்பு நிவாரணங்கள், புணரமைப்புகள், தொழில் முனைவுகள், மற்றும் கடல் பற்றிய மனதளவில் மீனவ சமுகத்திடம் ஏற்ப்பட்டிருன்த ஒரு வித பய உணர்வு மனதை விட்டு அகன்று வரும் இந்த வேளையில் தற்போது பயன்க்கர கடல் கொந்தளிப்பும், சூறாவளி காற்றூம் ஏற்பட்டுள்ள்து. மாவட்டதின் பல கடலோர கிரர்மங்களின் அழகிய கடற்கரைகள் அத்தனையும் அசூர அலைகளின் தாக்கத்தால் சீரழிந்து போயுள்ளது. கடற்கரை வீடுகள் பல அலையால் பெயர்த்து எடுக்கபட்டு அழிந்து போயுள்ளது . இந்த இயற்கை சீற்றம் மீனவ சமூகத்தில் கடற்கரையில் வசிப்பதில் ஒரு வித பய உணர்வும், பீதியும் ஏற்படித்தியுள்ளது. உயிர் பாதுகாப்பு இல்லாத சூழ்னிலை உருவாகியுள்ளது. இது போன்ற இயற்கை சீற்றன்களால் கடலையும், கடற்கரையும்,மீனையும் நம்பி வாழ்கின்ற இவர்களது வாழ்வு கேள்வி குறியாக உள்ளது.

அலைகடலொரம் தொடரும் துயரம் ...3

2007-07-22T07:04:00.000-07:00

அலைகடலொரம் தொடரும் துயரம் ...2

2007-07-22T06:59:00.000-07:00

அலைகடலொரம் தொடரும் துயரம்...

2007-07-22T06:46:00.000-07:00

புன்னகை பூக்கள்-தொடர்ச்சி

2007-07-16T00:52:00.000-07:00

புன்னகை பூக்க்ள்

2007-07-16T00:21:00.000-07:00

எனது தளத்தில் இது முதல் கடிதம் ... எனவே மலர்களால் வரவேற்பு ....குழந்தைகள் படம் 2006 டிசம்பரில் எடுததுஇடம் பிள்ளைதோப்பு கடற்கரை கிராமத்தில் சுனாமி வடுக்கல் மரைந்து அத்தனை குழந்தைகள் மனதிலும் ஒரு வித மகிழ்சி தெரிவதை உணரமுடிந்தது

2007-07-15T10:01:00.000-07:00